ಯೋಹಾನ 11:52 - ಕೊಡವ ಬೈಬಲ್

⁵² ಯೆಹೂದ್ಯ ಜನಕಾಯಿತ್ ಮಾತ್ರ ಅಲ್ಲ, ಚದ್‌ರಿ ಪೋನ ದೇವಡ ಮಕ್ಕಳ ಒಟ್ಟ್ ಕೂಟಿತ್ ಒಂದಾಯಿತ್ ಮಾಡ್‌ವಕಾಯಿತ್ ಚಾವಾಂದು ಪ್ರವಾದನೆಯಾಯಿತ್ ಎಣ್ಣ್‌ಚಿ.

ಯೋಹಾನ 11:52 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:8

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ: ಒರ್ ಪೊಣ್ಣಾಳ್‍ರ ಕೈಯಿಂಜ ಪತ್ತ್ ಬೊಳ್ಳಿರ ನಾಣ್ಯತ್‌ಲ್ ಒರ್ ನಾಣ್ಯ ಕಾಂಗತ ಪೋನಕ, ಆ ಒರ್ ನಾಣ್ಯತ್‍ನ ತ್‍ೕಡ್‍ವಕಾಯಿತ್ ಬೊಳ್‌ಚತ್‍ನ ಕತ್ತಿಚಿಟ್ಟ್, ಮನೆನ ಒಡ್‌ಕಿತ್, ಕಂಡ್‍ಪುಡಿಪಕ‍ತ್ತನೆ ತ್‍ೕಡಿಯಂಡಿಪ್ಪಲ್ಲ?

ಯೋಹಾನ 1:12

ಆಚೇಂಗಿಯು, ದಾರೆಲ್ಲಾ ಅಂವೊಂಡ ಪೆದತ್‍ರ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊನ ಸ್ವೀಕಾರ ಮಾಡ್‍ಚೋ ಅಯಿಂಗಕೆಲ್ಲ ದೇವಡ ಮಕ್ಕ ಆಪಕುಳ್ಳ ಹಕ್ಕ್‌ನ ಅಂವೊ ಕೊಡ್‍ತತ್.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 10:16

ಈ ಕೊರಿಕೊಟ್ಟ್‌ರ ಕೊರಿಯ ಅಲ್ಲತೆ, ಬೋರೆ ಕೊರಿಯಳು ನಾಕ್ ಉಂಡ್; ಅಯಿಂಗಳ ಸಹ ನಾನ್ ಕೂಟಿಯಂಡ್ ಬರಂಡು; ಆ ಕೊರಿಯ ನಾಡ ತಕ್ಕ್‌ನ ಕ್‍ೕಪ, ಅಕ್ಕ ಈಂಗ ದಂಡಾಳು ಒರೇ ಗುಂಪಾಯಿತ್, ಒರೇ ಕೊರಿಕಾಪಂವೊಂಡ ಅಡಿಕ್ ಬಪ್ಪ.

ಯೋಹಾನ 12:32

ನನ್ನ ಕೊಡಿಕ್ ನೇತುವಕ, ಎಲ್ಲಾರ್‌ನ ನಾನ್ ನಾಡ ಪಕ್ಕ ಬಲ್‍ಚಿರುವೀಂದ್ ಎಣ್ಣ್‌ಚಿ.

ಅಪೊಸ್ತಲ 18:10

ನಾನ್ ನೀಡ ಕೂಡೆ ಇಪ್ಪಿ, ನೀಕ್ ತೊಂದರೆ ಮಾಡಿತ್, ನಿನ್ನ ದಾರೂ ಪೊಯ್ಯುಲೆ; ಎನ್ನಂಗೆಣ್ಣ್‌ಚೇಂಗಿ, ಈ ಪಟ್ಟಣತ್‍ಲ್ ನಾಕ್ ದುಂಬ ಜನ ಉಂಡ್‍ೕಂದ್ ಎಣ್ಣ್‌ಚಿ.

ರೋಮ್ 3:29

ಯೆಹೂದ್ಯಂಗಕ್ ಮಾತ್ರ ಅಂವೊ ದೇವನಾ? ಯೆಹೂದ್ಯ ಅಲ್ಲತಯಿಂಗಕೂ ಅಂವೊ ದೇವ ತಾನೇ? ಅಕ್ಕು, ಯೆಹೂದ್ಯ ಅಲ್ಲತಯಿಂಗಕು ಅಂವೊ ದೇವ.

ರೋಮ್ 4:17

ದುಂಬ ಜಾತಿಯಂಗಕ್ ನಿನ್ನ ಅಪ್ಪನಾಯಿತ್ ಮಾಡ್‌ವೀಂದ್ ಒಳ್‍ದಿತುಳ್ಳನೆಕೆ, ಅಂವೊ ನಂಬ್‍ನಂವೊಂಡ ಮಿಂಞತ್ ಪಿಂಞ ಚತ್ತಯಿಂಗಳ ಪುನಃ ಜೀವತ್‍ಲ್ ಕೊಂಡ್ ಬಪ್ಪಂವೊಂಡ ಮಿಂಞತ್ ಪಿಂಞ ಇಲ್ಲತದ್‍ನ ಉಳ್ಳನೆಕೆ ಕಾಕ್‍ವಂವೊನಾಯಿತ್ತುಳ್ಳ ದೇವಡ ಮಿಂಞತ್‍ಲ್ ನಂಗ ಎಲ್ಲಾರ್‌ಕು ಅಪ್ಪನಾಯಿತ್ ಆಚಿ.

ಎಫೆಸ 1:5

ಅಂವೊ ನಂಗಳ ಪ್ರೀತಿ ಮಾಡ್‍ನಗುಂಡ್, ಯೇಸು ಕ್ರಿಸ್ತಂಡ ಮೂಲಕ, ನಂಗಳ ಅಂವೊಂಡ ಹಕ್ಕ್‌ದಾರಂಗಳಾನ ಮಕ್ಕಳಾಯಿತ್, ಅಂವೊಂಡ ಕುಶಿಕಾಯಿತ್, ಅಂವೊಂಡ ಚಿತ್ತತ್‍ರನೆಕೆ ಮಿಂಞಲೇ ಗೊತ್ತ್ ಮಾಡ್‍ಚಿ.

ಎಫೆಸ 3:11

ಇದ್‍ನ ಇಕ್ಕ ಅಂವೊ ಅಂವೊಂಡ ನಿತ್ಯ ತೀರ್ಮಾನತ್‍ರ ಪ್ರಕಾರ ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೂಲಕ ಪೂರ್ತಿ ಮಾಡ್‍ಚಿ.

ಯಾಕೋಬ 1:1

ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬ, ಬೋರೆ ಬೋರೆ ನಾಡ್‍ಲ್ ಚದ್‌ರಿ ಪೋಯಿತುಳ್ಳ ಪನ್ನೆರಂಡ್ ಕುಲತ್‍ರ ಜನಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಇದ್.

1 ಪೇತ್ರ 1:1

ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೇತ್ರ, ಪೊಂತ, ಗಲಾತ್ಯ, ಕಪ್ಪದೋಕ್ಯ, ಆಸ್ಯ, ಬಿಥೂನ್ಯ ಎಣ್ಣುವ ಈ ದೇಶತ್‍ಲ್, ಚದ್‌ರಿ ಪೋಯಿತುಳ್ಳ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡುಳ್ಳ ದೇವ ಗೊತ್ತ್ ಮಾಡ್‍ನಯಿಂಗಕ್ ಪಿಂಞ ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ ಬದ್‍ಕಿಯಂಡ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

1 ಯೋಹಾನ 2:2

ಅಂವೊನೇ ನಂಗಡ ಪಾಪತ್‍ನ ಪರಿಹಾರ ಮಾಡ್‌ವ ಬಲಿ ಅರ್ಪಣೆ. ನಂಗಡ ಪಾಪಕಾಯಿತ್ ಮಾತ್ರ ಅಲ್ಲ, ಲೋಕತ್‍ಲ್ ಉಳ್ಳ ಎಲ್ಲಾ ಜನಡ ಪಾಪಕು ತ್ಯಾಗ ಅರ್ಪಣೆಯಾಯಿತುಂಡ್.

1 ಯೋಹಾನ 3:1

ನಂಗಳ ದೇವಡ ಮಕ್ಕಾಂದ್ ಕಾಕ್‍ನಗುಂಡ್ ನಂಗಡ ದೇವನಾನ ಅಪ್ಪ ನಂಗಡ ಮೇಲೆ ಇಟ್ಟಿತ್ತುಳ್ಳ ಪ್ರೀತಿ ಎಚ್ಚಕ್ ಬಲ್ಯದ್‍ೕಂದ್ ನೋಟಿ! ಅಕ್ಕು, ನಂಗ ದೇವಡ ಮಕ್ಕಳೇ! ಆಚೇಂಗಿ, ಈ ಲೋಕತ್‍ರ ಜನ ನಂಗಳ ದೇವಡ ಮಕ್ಕಾಂದ್ ಅರಿಂಜಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ದೇವನ ಗೊತ್ತ್‌ಲ್ಲೆ.

1 ಯೋಹಾನ 3:10

ಇನ್ನನೆ, ದೇವಡ ಮಕ್ಕ ದಾರ್, ಸೈತಾನಂಡ ಮಕ್ಕ ದಾರ್‍ೕಂದ್ ನಿಂಗಕ್ ಗೊತ್ತಾಪ. ನೇರಾನ ಬಟ್ಟೇಲ್ ನಡ್‍ಕತಯಿಂಗ ಪಿಂಞ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‍ತಯಿಂಗಳಾನ ಅಯಿಂಗ ದೇವಡ ಮಕ್ಕ ಅಲ್ಲ.

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.

ಪ್ರಕಟನೆ 5:9

ನೀನ್ ಈ ಪುಸ್ತಕತ್‍ನ ಎಡ್‍ಪಕು, ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯನಾಯಿತುಳ್ಳಿಯ; ಎನ್ನಂಗೆಣ್ಣ್‌ಚೇಂಗಿ, ನೀನ್ ಮಿಂಞಲೇ ಬಲಿಯಾಯಿತ್, ಎಲ್ಲಾ ಕುಲತ್ಂಜ, ಎಲ್ಲಾ ತಕ್ಕ್‌ಯಿಂಜ, ಎಲ್ಲಾ ಜನತ್‍ಂಜ, ಎಲ್ಲಾ ಜಾತಿಯಿಂಜ ಜನಳ ದೇವಕಾಯಿತ್ ನೀಡ ಚೋರೆನಗುಂಡ್ ಬುಡ್‍ಗಡೆ ಮಾಡಿತ್,