ಯೋಹಾನ 11:47 - ಕೊಡವ ಬೈಬಲ್

⁴⁷ ಅಕ್ಕ ಮುಕ್ಯ ಯಾಜಕಂಗಳು, ಫರಿಸಾಯಂಗಳು, ಯೆಹೂದ್ಯಂಗಡ ಆಲೋಚನೆ ಸಬೇನೆ ಕಾಕುವಂಜಿ: ಇಂವೊನ ನಂಗ ಎಂತ ಮಾಡನಾಂದ್ ತಕ್ಕ್ ಪರ್ಂದತ್. ನೋಟಿ ಅಂವೊ ದುಂಬ ಅದ್ಬುತ ಕಾರ್ಯತ್‍ನ ಮಾಡಿಯಂಡ್ ಉಂಡ್,

ಯೋಹಾನ 11:47 ပူးပေါင်းရင်းမြစ်များ

ಮತ್ತಾಯ 26:3

ಅದೇ ಸಮಯತ್‍ಲ್ ಮುಕ್ಯ ಯಾಜಕಂಗಳು, ಜನಡ ಪೆರಿಯಯಿಂಗಳು ಕಾಯಫ ಎಣ್ಣುವ ಮಹಾ ಯಾಜಕಂಡ ಅರಮನೇಲ್

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಮಾರ್ಕ 14:1

ಇಂಞು ದಂಡ್ ದಿವಸ ಆಪಕ ಪಸ್ಕ ಪಿಂಞ ಪುಳಿಯಿಲ್ಲತ ಒಟ್ಟಿ ತಿಂಬ ನಮ್ಮೆ ಬಪ್ಪ. ಅಕ್ಕ ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಯೇಸುನ ಗುಟ್ಟಾಯಿತ್ ಪುಡ್‌ಚಿತ್ ಕೊಲ್ಲ್‌ವಕ್ ನೋಟಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:2

ಅಕ್ಕ ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣನತ್‍ರ ಉಪಾದ್ಯಂಗ ಯೇಸುನ ಪುಡ್‌ಚಿತ್ ಕೊಲ್ಲ್‌ವಕ್ ನೋಟಿಯಂಡ್ ಇಂಜತ್, ಆಚೇಂಗಿಯು ಜನಕ್ ಬೊತ್ತಿಯಂಡಿಂಜತ್.

ಯೋಹಾನ 11:57

ದಾರೇಂಗಿಯು ಯೇಸುನ ಕಂಡಕ, ಅಂವೊ ಎಲ್ಲಿ ಉಂಡ್‍ೕಂದ್ ಗೊತ್ತಾನಕ, ನಂಗಕ್ ನಿಂಗ ಎಣ್ಣಂಡೂಂದ್ ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಹುಕುಮ್ ಕೊಡ್‌ತಿತ್ಂಜತ್.

ಯೋಹಾನ 12:19

ಅಕ್ಕ, ಫರಿಸಾಯಂಗ: ನಿಂಗ ನೋಟಿರ, ನಿಂಗಡ ಪ್ರಯತ್ನ ಎಲ್ಲಾ ಒಂದಾಂಗು ಪ್ರಯೋಜನ ಇಲ್ಲೇಂದ್ ಗೊತ್ತ್‌ಲ್ಲೆಯಾ? ಈ ಲೋಕವೇ ಯೇಸುರ ಬಯ್ಯಕ್ ಪೋಯಂಡುಂಡ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡ್ ಇಂಜತ್.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 6:2

ಅಂವೊ ಕಾಯಿಲೆಸ್ತಂಗಡ ಮದ್ಯತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನ ದುಂಬ ಜನ ನೋಟ್‍ನಗುಂಡ್, ಅಂವೊಂಡ ಬಯ್ಯಕ್ ಅಯಿಂಗ ಎಲ್ಲಾರು ಪೋಚಿ.

ಯೋಹಾನ 7:32

ಜನ ಯೇಸುರ ವಿಷಯತ್ ಇನ್ನನೆ ಗೊಣಗಿಯಂಡ್ ಇಪ್ಪದ್‍ನ ಫರಿಸಾಯಂಗ ಕ್‍ೕಟತ್. ಅಕ್ಕ, ಯೇಸುನ ಪುಡ್‌ಚಿತ್ ಬಪ್ಪಕಾಯಿತ್, ಮುಕ್ಯ ಯಾಜಕಂಗಳು, ಫರಿಸಾಯಂಗಳು ದೇವಾಲಯತ್‍ರ ಸಿಪಾಯಿಯಳ ಅಯಿಚತ್.

ಯೋಹಾನ 7:45

ದೇವಾಲಯತ್‍ರ ಸಿಪಾಯಿಯಂಗ ಯೇಸುನ ಪುಡಿಕತೆ ಬಯ್ಯಕ್ ಪೋಚಿ. ಅಕ್ಕ ಫರಿಸಾಯಂಗ ಪಿಂಞ ಮುಕ್ಯ ಯಾಜಕಂಗ, ಅಯಿಂಗಳ ನೋಟಿತ್: ನಿಂಗ ಎನ್ನಂಗ್ ಅಂವೊನ ಕಾಕಿಯಂಡ್ ಬಂದಿತ್‌ಲ್ಲೇಂದ್ ಕ್‍ೕಟತ್.

ಅಪೊಸ್ತಲ 5:21

ಅಪೊಸ್ತಲಂಗ ಅದ್‍ನ ಕ್‍ೕಟಿತ್, ದೇವದೂತ ಎಣ್ಣ್‌ನನೆಕೆ, ಪೊಲಾಕ ನೇರತೆ ದೇವಾಲಯತ್‍ರ ಒಳ್‍ಕ್ ಪೋಯಿತ್ ಜನಕ್ ಬೋದನೆ ಕೊಡ್‍ಪಕ್ ಸುರು ಮಾಡ್‍ಚಿ. ಅಕ್ಕಣೆಕ್, ಮಹಾ ಯಾಜಕನು ಪಿಂಞ ಅಂವೊಂಡ ಕೂಡೆ ಇಂಜಯಿಂಗಳು, ಯೆಹೂದ್ಯಂಗಡ ಆಲೋಚನೆ ಸಬೆರ ಅದಿಕಾರಿಯಂಗಳ ಪಿಂಞ ಇಸ್ರಾಯೇಲ್‍ರ ಪೆರಿಯಯಿಂಗಳ ಕಾಕಿತ್, ಅಪೊಸ್ತಲಂಗಳ ಸೆರೆಮನೆಯಿಂಜ ಕಾಕಿಯಂಡ್ ಬಪ್ಪಕ್ ಎಣ್ಣ್‌ಚಿ.

ಅಪೊಸ್ತಲ 5:24

ದೇವಾಲಯತ್‍ರ ಸೇನೆರ ಅದಿಕಾರಿಯ ಪಿಂಞ ಮುಕ್ಯ ಯಾಜಕಂಗ ಈ ಸುದ್ದಿನ ಕ್‍ೕಟಿತ್ ಇದ್ಂಡ ವಿಷಯತ್ ಎಂತ ಆಪಾಂದ್ ಗಾಬರಿ ಪಟ್ಟತ್.