ಯೋಹಾನ 11:43 - ಕೊಡವ ಬೈಬಲ್

⁴³ ಅಲ್ಲಿಂಜ ಯೇಸು: ಜೋರಾಯಿತ್ ಲಾಜರನೇ, ನೀನ್ ಪೊರಮೆ ಬಾಂದ್ ಕಾಕ್‍ಚಿ.

ಯೋಹಾನ 11:43 ပူးပေါင်းရင်းမြစ်များ

ಮಾರ್ಕ 4:41

ಅಯಿಂಗಕ್ ದುಂಬ ಪೋಡಿ ಆಯಿತ್, ಆಶ್ಚರ್ಯ ಆಯಿತ್: ಗಾಳಿಯು ಅಲೆಯು ಇಂವೊಂಗ್ ಬಗ್ಗಿತ್ ನಡ್‍ಂದಂಡುಂಡಲ್ಲ, ಈ ಮನುಷ್ಯ ದಾರಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡಿಂಜ‌ತ್.

ಯೋಹಾನ 11:42

ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಿಯಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನೀನ್ ನನ್ನ ಈ ಲೋಕಕ್ ಅಯಿಚದ್‍ನ ಇಲ್ಲಿ ಕೂಡಿ ಬಂದಿತುಳ್ಳ ಜನ ನಂಬುವಕಾಯಿತ್ ಇನ್ನನೆ ನಾನ್ ಎಣ್ಣಿಯೇಂದ್ ಎಣ್ಣ್‌ಚಿ.

ಯೋಹಾನ 11:44

ಅಕ್ಕ, ಚತ್ತ ಮನುಷ್ಯ ಎದ್ದಿತ್ ಬಾತ್. ಅಂವೊಂಡ ಕೈಕಾಲ್ ಮೂಡ್‌ನೆಲ್ಲಾ ಬಟ್ಟೇಲ್ ಕೆಟ್ಟಿತ್ಂಜತ್, ಯೇಸು ಅಲ್ಲಿ ಇಂಜಯಿಂಗಕ್: ಇದ್‍ನೆಲ್ಲಾ ಉತ್ತಿತ್ ಅಂವೊನ ಪೊರಮೆ ಬುಡೀಂದ್ ಎಣ್ಣ್‌ಚಿ.

ಯೋಹಾನ 12:1

ಪಸ್ಕ ಎಣ್ಣುವ ನಮ್ಮೆಕ್ ಇಂಞು ಆರ್ ದಿವಸ ಮಾತ್ರ ಇಪ್ಪಕ, ಯೇಸು ಬೇಥಾನ್ಯ ಊರ್‌ಕ್ ಪೋಚಿ. ಈ ಬೇಥಾನ್ಯ ಊರ್, ಚತ್ತ್ ಪೋಯಿತ್ಂಜ ಲಾಜರನ ಯೇಸು ಪುನಃ ಎಪ್ಪ್‌ಚಿಟ್ಟ ಊರಾಯಿತ್ಂಜತ್.

ಯೋಹಾನ 12:9

ಯೇಸು ಬೇಥಾನ್ಯ ಊರ್‌ಲ್ ಉಂಡ್‍ೕಂದ್ ಅಲ್ಲಿ ಇಂಜ ದುಂಬ ಜನಕ್ ಗೊತ್ತಾಚಿ. ಆನಗುಂಡ್ ಎಲ್ಲಾರು ಅಲ್ಲಿಕ್ ಪೋಚಿ. ಯೇಸುನ ನೋಟ್‍ವಕ್ ಮಾತ್ರ ಅಲ್ಲ, ಅಂವೊ ಎಪ್ಪ್‌ಚಿಟ್ಟ ಲಾಜರನ ಸಹ ನೋಟ್‍ವಕಾಯಿತ್ ಪೋಚಿ.

ಅಪೊಸ್ತಲ 3:12

ಪೇತ್ರ ಇದ್‍ನ ನೋಟಿತ್, ಜನಕ್: ಇಸ್ರಾಯೇಲ್ ಜನಳೇ, ನಿಂಗ ಎನ್ನಂಗ್ ಇದ್‍ನ ನೋಟಿತ್ ಆಶ್ಚರ್ಯ ಪಡುವಿರ? ನಿಂಗ ಎನ್ನಂಗ್ ನಂಗಳ ಇನ್ನನೆ ನೋಟ್‍ವಿರ? ಇಂವೊನ ನಡ್‍ಪನೆಕೆ ಮಾಡ್‍ನದ್, ನಂಗಡ ಸ್ವಂತ ಶಕ್ತಿಯಿಂಜಲು ಅಲ್ಲ, ನಂಗಡ ಬಕ್ತಿಯಿಂಜಲು ಅಲ್ಲ.

ಅಪೊಸ್ತಲ 3:6

ಅಕ್ಕ ಪೇತ್ರ: ನಾಡ ಪಕ್ಕ ಪೊನ್ನ್ ಬೊಳ್ಳಿ ಒಂದು ಇಲ್ಲೆ, ಆಚೇಂಗಿ ನಾಡ ಪಕ್ಕ ಉಳ್ಳದ್‍ನ ನೀಕ್ ತಪ್ಪೀಂದ್ ಎಣ್ಣಿತ್, ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀನ್ ಎದ್ದಿತ್ ನಡೇಂದ್ ಎಣ್ಣಿತ್,

ಅಪೊಸ್ತಲ 9:34

ಪೇತ್ರ ಅಂವೊಂಗ್: ಐನೇಯನೇ ಯೇಸು ಕ್ರಿಸ್ತ ನಿನ್ನ ವಾಸಿ ಮಾಡ್‌ವ. ನೀನ್ ಎದ್ದಿತ್ ನೀಡ ಮೆತ್ತೆನ ನೀನೇ ಎಡ್‌ತ. ಅಕ್ಕಣೆ ಅಂವೊ ಎದ್ದತ್.

ಅಪೊಸ್ತಲ 9:40

ಪೇತ್ರ ಅಯಿಂಗ ಎಲ್ಲಾರ್‌ನ ಆ ಕೋಂಬರೆಯಿಂಜ ಪೊರಮೆ ಅಯಿಚಿತ್, ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡಿತ್, ಚಾವ್ ತಡೀರ ಪಕ್ಕ ತಿರಿತ್: ತಬಿಥಾ, ಏಳ್‍ೕಂದ್ ಎಣ್ಣ್‌ಚಿ; ಅಕ್ಕ ಅವ ಕಣ್ಣ್ ತೊರಂದಿತ್, ಪೇತ್ರನ ಕಂಡದು ಅವ ಎದ್ದಿತ್ ಅಳ್‌ತಂಡತ್.