ಯೋಹಾನ 11:39 - ಕೊಡವ ಬೈಬಲ್

³⁹ ಆ ಕಲ್ಲ್‌ನ ಎಡೀಂದ್ ಯೇಸು ಅಲ್ಲಿ ಉಳ್ಳಯಿಂಗಕ್ ಎಣ್ಣ್‌ಚಿ. ಅಕ್ಕ ಚತ್ತ್ ಪೋಯಿತ್ಂಜಂವೊಂಡ ಅಕ್ಕ ಮಾರ್ಥ: ನಾತ ಬಪ್ಪಾಂದ್ ಎಣ್ಣ್‌ಚಿ.

ಯೋಹಾನ 11:39 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 23:4

ನಾನ್‌ ಒರ್‌ ಪರದೇಶಿಯಾಯಿತ್‌ ಉಳ್ಳ, ಈ ನಾಡ್‌ಕಾರನು ಅಲ್ಲ. ಆನಗುಂಡ್‌ ಇಲ್ಲಿ ನಾಕಾಯಿತ್‌ ಒರ್‌ ಜಾಗವು ಇಲ್ಲೆ. ಆಂಗಾಯಿತ್‌ ನಾಡ ಪೊಣ್ಣ್‌ರ ಚಾವ್‌ ತಡಿನ ಪೂಪಕ್‌ ನಾಕ್‍ ಚೆನ್ನ ಜಾಗತ್‌ನ ಸ್ವಂತವಾಯಿತ್‌ ತಾರೀಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 3:19

ನಿನ್ನ ಮಣ್ಣ್‌ಂಜ ಎಡ್‌ತಾಂಗ್, ನೀನ್‌ ಮಣ್ಣ್‌ಕ್ ಪೋಪಕತ್ತನೆ ಬೆವರ್‌ ಸುರಿಸಿಯಂಡ್‌ ನೀಕ್‌ ಉಂಬಕುಳ್ಳದ್‌ನ ಸಂಪಾದನೆಮಾಡ್‌ವಿಯ. ನೀನ್‌ ಮಾಣ್ಣಾಯಿತ್‌ ಉಳ್ಳಿಯ, ಮಣ್ಣ್‌ಕೇ ಪೋಪಿಯಾಂದ್‌ ಎಣ್ಣ್‌ಚಿ.

ಮಾರ್ಕ 16:3

ಪಡಿಕ್ ಮುಚ್ಚ್‌ನ ಬಲ್ಯ ಪಾರೆಕಲ್ಲ್‌ನ ದಾರ್ ನಂಗಕ್ ದೂಡಿತ್ ತಪ್ಪ ಎಣ್ಣಿಯಂಡ್ ಅಯಿಂಗಯಿಂಗಳೇ ಬಟ್ಟೇಲ್ ತಕ್ಕ್ ಪರ್‌ದಂಡ್ ಬಂದಂಡಿಂಜತ್.

ಯೋಹಾನ 11:17

ಯೇಸು ಬೇಥಾನ್ಯ ಊರ್‌ಕ್ ಬಪ್ಪಕ: ಲಾಜರಂಡ ಚಾವ್ ತಡೀನ ಗೋರಿಲ್ ಇಟ್ಟಿತ್ ನಾಲ್ ದಿವಸ ಆಯಿತ್ಂಜತ್‍ೕಂದ್ ಯೇಸುಕ್ ಗೊತ್ತಾಚಿ.

ಅಪೊಸ್ತಲ 13:36

ಈ ವಾಕ್ಯ ದಾವೀದಂಡ ವಿಷಯತ್‍ನ ಎಣ್ಣಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ, ದಾವೀದ ಅಂವೊ ಬದ್‍ಕ್‍ನ ಕಾಲತ್‍ಲ್ ತಾಂಡ ಜನಾಂಗಕ್ ದೇವಡ ಚಿತ್ತತ್‍ರನೆಕೆ ಸೇವೆ ಮಾಡ್‍ನ ಪಿಂಞ ಚತ್ತ್ ಪೋಚಿ. ಪಿಂಞ ಅಜ್ಜಂಗಡ ಕೂಡೆ ಅಂವೊಂಡ ತಡೀನ ಜನ ಪೂತತ್. ಅಂವೊಂಡ ತಡಿ ಕೀಂಜಿ ಪೋಚಿ.

ಅಪೊಸ್ತಲ 2:27

ನೀನ್ ನಾಡ ಆತ್ಮತ್‌ನ, ಚಾವ್‍ರ ಜಾಗಕ್ ಪೋಪಕ್ ಬುಡುಲೆ, ನೀಡ ಪವಿತ್ರವಾನಂವೊಂಡ ತಡೀನ ಕೀಂಜ್ ಪೋಪಕ್ ಬುಡ್‍ಲೆ.

2 ಕೊರಿಂಥ 2:16

ನಂಗ ಪಾಳಾಯಿ ಪೋಪಯಿಂಗಡ ಮದ್ಯತ್‍ಲ್ ಚಾವ್‍ರ ವಾಸನೆಯಾಯಿತು, ರಕ್ಷಣೆ ಕ್‍ಟ್ಟ್‌ವಯಿಂಗಡ ಮದ್ಯತ್‍ಲ್ ಜೀವತ್‍ರ ಸುಗಂದ ವಾಸನೆಯಾಯಿತು ಉಂಡ್. ಇನ್ನನೆ ಮಾಡ್‌ವಕ್ ಯೋಗ್ಯನಾಯಿತುಳ್ಳಂವೊ ದಾರ್?

ಫಿಲಿಪ್ಪಿ 3:21

ಅಂವೊ ಪುನಃ ಬಪ್ಪಕ, ನಂಗಡ ಚತ್ತ್ ಪೋಪ ಈ ತಡೀನ ಬದ್‍ಲ್ ಮಾಡಿತ್ ಅಂವೊಂಡ ತಡಿರನೆಕೆ ಉಳ್ಳ ಮಹಿಮೇರ ತಡೀನ ನಂಗಕ್ ತಪ್ಪ. ಈ ಬೂಲೋಕತ್‍ಲ್ ಉಳ್ಳದ್‌ನೆಲ್ಲಾ ಅಂವೊಂಡ ಕಾಲ್‍ರ ಅಡಿಕ್ ಕೊಂಡ್ ಬಪ್ಪ, ಅಂವೊಂಡ ಆ ಶಕ್ತಿಲ್ ನಂಗಕ್ ಇನ್ನನೆ ಮಾಡ್‌ವ.