ಯೋಹಾನ 11:38 - ಕೊಡವ ಬೈಬಲ್

³⁸ ಯೇಸು ಇಂಞು ದುಂಬ ದುಃಖತ್‍ಲ್, ಗೋರಿರ ಪಕ್ಕ ಪೋಚಿ, ಅದ್ ಒರ್ ಗುವೆ ಆಯಿತ್ಂಜತ್. ಅದ್ಂಡ ಬಾಯಿನ ಒರ್ ಕಲ್ಲ್ ಬೆಚ್ಚಿತ್ ಮುಚ್ಚಿತ್ಂಜತ್.

ಯೋಹಾನ 11:38 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 23:19

ಅಲ್ಲಿಂಜ ಅಬ್ರಹಾಮ ತಾಂಡ ಪೊಣ್ಣಾನ ಸಾರಳಂಡ ಚಾವ್‌ ತಡಿನ ಕಾನಾನ್‌ ದೇಶತ್‌ಲ್‌ ಹೆಬ್ರೋನ ಎಣ್ಣುವ ಮಮ್ರೆಕ್‌ ಪಕ್ಕತ್‌ಲ್‌ ಉಳ್ಳ ಮಕ್ಪೇಲ ಎಣ್ಣುವ ನೆಲತ್‌ಲ್‌ ಉಳ್ಳ ಗುವೆಲ್‌ ಪೂತತ್.

ಮತ್ತಾಯ 27:60

ಒರ್ ಪುದಿಯ ಬಂಡೆ ಕಲ್ಲ್‌ಯಿಂಜ ಅಂವೊಂಗಾಯಿತ್ ಕೆತ್ತಿತ್ ಮಾಡ್‍ನ ಗೋರಿರ ಒಳ್‍ಕ್ ಇಡ್‌ವಂಜಿ, ಆ ಬಾಯಿಕಂಡಿ‍ನ ಒರ್ ಬಲ್ಯ ಬಂಡೆ ಕಲ್ಲ್‌ಯಿಂಜ ಮುಚ್ಚಿತ್, ಅಲ್ಲಿಂಜ ಪೋಯಿರ್‌ತ್.

ಮತ್ತಾಯ 27:66

ಅಕ್ಕ ಅಯಿಂಗ ಪೋಯಿತ್ ಆ ಬಂಡೆ ಕಲ್ಲ್‌ಕ್ ಮುದ್ರೆ ಇಟ್ಟಿತ್ ಸಿಪಾಯಿಯಂಗಳ ಅಲ್ಲಿ ನಿಪ್ಪ್‌ಚಿಟ್ಟಿತ್ ಗೋರಿನ ಬದ್ರಮಾಡ್‍ಚಿ.

ಮಾರ್ಕ 15:46

ಯೋಸೇಫ ಒರ್ ನಾರ್ ಬಟ್ಟೇನ ಕೊಂಡ್‌ಬಂತ್, ಯೇಸುರ ಚಾವ್ ತಡೀನ ಶಿಲುಬೆಯಿಂಜ ಅಡಿಕ್ ಕೊಂಡ್‌ಬಂತ್, ಆ ಬಟ್ಟೇಲ್ ಸುತ್ತಿತ್, ಒರ್ ಪಾರೆಕಲ್ಲ್‌ರಗುಂಡ್ ಕೆತ್ತಿತ್ಂಜ ಗೋರಿರ ಒಳ್‍ಕ್, ಚತ್ತ್‌ಪೋನ ಯೇಸುರ ಚಾವ್ ತಡೀನ ಬೆಚ್ಚತ್. ಆ ಬಂಡೆ ಗೋರಿರ ಮುಂಬಾಗತ್‌ಲ್ ಒರ್ ಬಲ್ಯ ಪಾರೆಕಲ್ಲ್‌ನ ಉರ್‌ಟಿಯಂಡ್ ಬಂತ್ ಮುಚ್ಚತ್.

ಮಾರ್ಕ 8:12

ಯೇಸು ತಾಂಡ ಆತ್ಮತ್‍ಲ್ ನಿಟ್ಟುಸಿರ್ ಬುಟ್ಟಿತ್, ಈ ಸಂತಾನಕಾರಂಗ ಎನ್ನಂಗ್ ಗುರ್‍ತ್‍ನ ತ್‍ೕಡ್‌ವ? ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ, ಈ ಸಂತಾನಕಾರಂಗಕ್ ಬಾನತ್ಂಜ ಒರ್ ಗುರ್‍ತ್‍ನ ಸಹ ಕಾಟಿ ಕೊಡ್‍ಪ್‍ಲೇಂದ್ ಎಣ್ಣಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:2

ಗೋರಿನ ಮುಚ್ಚಿತ್‌ಂಜ ಬಲ್ಯ ಪಾರೆಕಲ್ಲ್‌ನ ಉರಿಟಿತ್, ತೊರ್‌ಂದ್ ಬಚ್ಚಿತ್ಂಜಾನ ಕಂಡಿತ್,

ಯೋಹಾನ 11:33

ಅವ ಮೊರಟಂಡ್ ಉಳ್ಳದ್‍ನ ಪಿಂಞ ಅವಡ ಕೂಡೆ ಉಳ್ಳಯಿಂಗ ಮೊರಟಂಡ್ ಉಳ್ಳದ್‍ನ ಯೇಸು ಕಾಂಬಕ, ಅಂವೊಂಡ ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್, ಅಂವೊಂಗ್ ದುಂಬ ದುಃಖ ಆಯಿಪೋಚಿ:

ಯೋಹಾನ 20:1

ವಾರತ್‍ರ ಆದ್ಯ ನಾಳಾನ ನಾರಾಚೆ ಪೊಲಾಕ ನೇರತೆ, ಸೂರ್ಯ ಉದಿಪಕ್ ಮಿಂಞಲೇ, ಮಗ್ದಲ ಮರಿಯ ಗೋರಿರ ಪಕ್ಕ ಬಪ್ಪಂಜಿ, ಗೋರಿನ ಮುಚ್ಚಿತ್‌ಂಜ ಕಲ್ಲ್, ಗೋರಿರ ಪಡಿಯಿಂಜ ಎಡ್‌ತಿತಿಪ್ಪಾನ ಕಂಡತ್.