ಯೋಹಾನ 11:33 - ಕೊಡವ ಬೈಬಲ್

³³ ಅವ ಮೊರಟಂಡ್ ಉಳ್ಳದ್‍ನ ಪಿಂಞ ಅವಡ ಕೂಡೆ ಉಳ್ಳಯಿಂಗ ಮೊರಟಂಡ್ ಉಳ್ಳದ್‍ನ ಯೇಸು ಕಾಂಬಕ, ಅಂವೊಂಡ ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್, ಅಂವೊಂಗ್ ದುಂಬ ದುಃಖ ಆಯಿಪೋಚಿ:

ಯೋಹಾನ 11:33 ပူးပေါင်းရင်းမြစ်များ

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಮಾರ್ಕ 9:19

ಅದ್ಂಗ್ ಯೇಸು: ನಂಬಿಕೆ ಇಲ್ಲತ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಯೋಹಾನ 11:19

ದುಂಬ ಯೆಹೂದ್ಯಂಗ ಮಾರ್ಥ ಪಿಂಞ ಮರಿಯಡ ಕೂಡೆ ಅಯಿಂಗಡ ತಮ್ಮಣಂಡ ವಿಷಯತತ್‌ಲ್ ತಕ್ಕ್ ಪರಿಚಿಟ್ಟಿತ್, ಸಮಾದಾನ ಮಾಡ್‌ವಕ್ ಬಂದಿತ್ಂಜತ್.

ಯೋಹಾನ 11:31

ಮರಿಯಕ್ ಸಮಾದಾನ ತಕ್ಕ್ ಪರಿಯುವಕ್ ಅವಡ ಮನೆಕ್ ಬಂದಿತ್ಂಜ ಜನ, ಮರಿಯ ಎದ್ದಿತ್ ಬೆರಿಯ ಪೋಪದ್‌ನ ಕಂಡಿತ್, ಅವಡ ಬಯ್ಯಕ್ ಪೋಚಿ. ಮರಿಯ ಗೋರಿಕ್ ಮೊರಡ್‍ವಕ್ ಪೋಯಂಡುಂಡ್‍ೕಂದ್ ಗೇನ ಮಾಡಿಯಂಡಿಂಜತ್.

ಯೋಹಾನ 11:34

ಅಂವೊ: ನಿಂಗ ಅಂವೊನ ಎಲ್ಲಿ ಇಟ್ಟಿತುಳ್ಳಿರಾಂದ್ ಕ್‍ೕಟತ್? ಅದ್ಂಗ್: ಬಂದಿತ್ ನೋಟ್ ಒಡೆಯನೇಂದ್ ಅಯಿಂಗ ಎಣ್ಣ್‌ಚಿ.

ಯೋಹಾನ 11:35

ಅಲ್ಲಿ ಯೇಸು ಮೊರಟತ್.

ಯೋಹಾನ 11:38

ಯೇಸು ಇಂಞು ದುಂಬ ದುಃಖತ್‍ಲ್, ಗೋರಿರ ಪಕ್ಕ ಪೋಚಿ, ಅದ್ ಒರ್ ಗುವೆ ಆಯಿತ್ಂಜತ್. ಅದ್ಂಡ ಬಾಯಿನ ಒರ್ ಕಲ್ಲ್ ಬೆಚ್ಚಿತ್ ಮುಚ್ಚಿತ್ಂಜತ್.

ಯೋಹಾನ 12:27

ಇಕ್ಕ ನಾನ್ ಎಂತ ಎಣ್ಣಡ್? ನಾಡ ಆತ್ಮ ನೊಂಬಲತ್‍ಲ್ ಉಂಡ್. ಅಪ್ಪ! ನನ್ನ ಈ ಕಷ್ಟತ್‍ರ ಸಮಯತ್ಂಜ ಕಾಪಾಡ್‍ೕಂದ್ ಕ್‍ೕಪದಾ? ಆಚೇಂಗಿ, ಇದ್ಂಗಾಯಿತೇ ನಾನ್ ಬಂದಿಯೆ.

ಯೋಹಾನ 13:21

ಇನ್ನನೆಲ್ಲಾ ಯೇಸು ಎಣ್ಣಿತಾನ ಪಿಂಞ, ಯೇಸು ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ರೋಮ್ 12:15

ಕುಶೀಲ್ ಉಳ್ಳಯಿಂಗಡ ಕೂಡೆ ಕುಶೀಲ್ ಇರಿ, ಮೊರಟಂಡುಳ್ಳಯಿಂಗಡ ಕೂಡೆ ಮೊರಡಿ.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.