ಯೋಹಾನ 11:32 - ಕೊಡವ ಬೈಬಲ್

³² ಯೇಸು ಇಂಜ ಜಾಗಕ್ ಮರಿಯ ಬಪ್ಪಂಜಿ, ಅಂವೊನ ಕಾಂಬಕ, ಅಂವೊಂಡ ಕಾಲ್‌ಕ್ ಬೂವಂಜಿ, ಒಡೆಯನೇ, ನೀನ್ ಇಲ್ಲಿ ಇಂಜಿತ್ಂಜತೇಂಗಿ, ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಯೋಹಾನ 11:32 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:16

ಪಿಂಞ ಯೇಸುರ ಕಾಲ್‌ಕ್ ಅಡ್ಡ ಬುದ್ದಿತ್ ವಾಸಿ ಆನಗುಂಡ್ ವಂದನೆ ಮಾಡ್‍ಚಿ. ಅಂವೊ ಸಮಾರಿಯ ನಾಡ್‍ಕ್ ಕೂಡ್‍ನಂವೊನಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:8

ಸೀಮೋನ ಪೇತ್ರ ಇದ್‍ನೆಲ್ಲಾ ನೋಟಿತ್, ಸ್ವಾಮೀ! ನಾನ್ ಬಲ್ಯ ಪಾಪ ಮಾಡ್‍ನಂವೊ, ನೀನ್ ಇಲ್ಲಿಂಜ ಪೋಯಿರ್‍ೕಂದ್, ಯೇಸುರ ಕಾಲ್‌ಕ್ ಬುದ್ದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:41

ಅಕ್ಕ ಸಬಾಮಂದಿರತ್‍ರ ಅದಿಕಾರಿಯಾಯಿತ್ಂಜ ಯಾಯೀರ ಎಣ್ಣುವ ಒರ್ ಮನುಷ್ಯ ಬಂದಿತ್ ಯೇಸುರ ಕಾಲ್‌ಕ್ ಬೂವಂಜಿ, ಪನ್ನೆರಂಡ್ ಬಯಿತ್ ಉಳ್ಳ ತಾಂಡ ಒರೇ ಮೋವ ದುಂಬ ಕಾಯಿಲೆ ಬಂದಿತ್ ಚಾವನೆಕೆ ಉಂಡ್, ನಿಂಗ ನಾಡ ಮನೆಕ್ ಬಾರಿ ಎಣ್ಣಿಯಂಡ್ ಬೋಡಿಯಂಡತ್. ಯೇಸು ಅನ್ನನೆ ಅಂವೊಂಡ ಕೂಡೆ ಮನೆಕ್ ಪೋಪಕ ಅಲ್ಲಿ ದುಂಬ ಜನ ಇಂಜಗುಂಡ್, ಜನ ಅಂವೊನ ನೆರ್‌ಕ್‌ಚಿ.

ಯೋಹಾನ 11:2

ಈ ಮರಿಯ ಎಣ್ಣುವವ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಯೇಸುರ ಕಾಲ್‌ಕ್ ಬೂಕ್‌ವಂಜಿ ಅವಡ ತೆಲ್‌ಮಿಲ್ ಅಂವೊಂಡ ಕಾಲ್‌ನ ತ್‍ೕಟ್‌ನವಳಾಯಿತ್ಂಜತ್. ದುಂಬ ಕಾಯಿಲೆಲ್ ಇಂಜ ಲಾಜರ ಇವಡ ತಮ್ಮಣನಾಯಿತ್ಂಜತ್.

ಯೋಹಾನ 11:21

ಮಾರ್ಥ ಯೇಸುಕ್: ಒಡೆಯನೇ, ನೀನ್ ಇಲ್ಲಿಯೇ ಇಂಜಿತ್ಂಜತೇಂಗಿ ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.

ಯೋಹಾನ 11:37

ಪಿಂಞ, ಚೆನ್ನ ಜನ: ಇಂವೊ ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‍ಚಿ. ಅಂವೊಂಡ ಸ್ನೇಹಿತನ ಚಾವತನೆಕೆ ಮಾಡ್‌ವಕ್ ಕಯ್ಯುವ್‌ಕಿಂಜಿಲೆಯಾಂದ್ ಎಣ್ಣ್‌ಚಿ.

ಯೋಹಾನ 4:49

ಒಡೆಯನೇ, ನಾಡ ಕುಂಞಿ ಚಾವಕ್ ಮಿಂಞ ನಾಡ ಕೂಡೆ ಬಾಂದ್ ಆ ಅದಿಕಾರಿ ದುಂಬ ಬೋಡಿಯಂಡತ್.

ಪ್ರಕಟನೆ 22:8

ಯೋಹಾನನಾನ ನಾನ್ ಇದ್‍ನ ಕಂಡಂಡ್ ಕ್‍ೕಟಂಡ್ ಇಂಜ. ಇದ್‍ನ ಕ್‍ೕಟಿತ್ ಕಂಡಿತಾನ ಪಿಂಞ, ಇದ್‍ನೆಲ್ಲ ನಾಕ್ ಕಾಟ್‍ನ ದೇವದೂತಂಡ ಕಾಲ್‌ಕ್ ಅಡ್ಡ ಬುದ್ದಿತ್ ಆರಾದನೆ ಮಾಡಿಯೆ.

ಪ್ರಕಟನೆ 5:14

ಅಕ್ಕ ನಾಲ್ ಜೀವ ಪ್ರಾಣಿಯಳು ಆಮೆನ್‍ಂದ್ ಎಣ್ಣ್‌ಚಿ. ಇರುವತ ನಾಲ್ ಪೆರಿಯಯಿಂಗಳು ಪುನಃ ಅಡ್ಡ ಬುದ್ದಿತ್ ಎಕ್ಕಾಲು ಜೀವವಾಯಿತ್ ಇಪ್ಪಂವೊನ ಆರಾದನೆ ಮಾಡ್‍ಚಿ.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ: