ಯೋಹಾನ 11:28 - ಕೊಡವ ಬೈಬಲ್

²⁸ ಮಾರ್ಥ ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಪುನಃ ಪೋಯಿತ್ ಮರಿಯಳ ಬೋರೆಯಾಯಿತ್ ಕಾಕುವಂಜಿ, ಉಪಾದ್ಯ ಇಲ್ಲಿ ಬಂದಿತುಂಡ್, ನಿನ್ನ ಕಾಕಿಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 11:28 ပူးပေါင်းရင်းမြစ်များ

ಮತ್ತಾಯ 26:18

ಅದ್ಂಗ್ ಯೇಸು: ನಿಂಗ, ಪಟ್ಟಣತ್‍ಲ್ ಒರ್ ಮನುಷ್ಯಂಡ ಪಕ್ಕ ಪೋಯಿತ್, ಉಪಾದ್ಯ ಎಣ್ಣ್‌ಚಿ, ನಾಡ ಸಮಯ ಪಕ್ಕ ಉಂಡ್, ನಾನು ನಾಡ ಶಿಷ್ಯಂಗಳು ನೀಡ ಮನೆಲ್ ನಮ್ಮೆ ಮಾಡ್‌ವಾಂದ್ ಎಣ್ಣೀಂದ್ ಎಣ್ಣ್‌ಚಿ.

ಮಾರ್ಕ 10:49

ಆ ಕುರ್‌ಡ ಕೂತ್ ಕೊಡ್‌ಪಾನ ಕ್‍ೕಟಿತ್, ಯೇಸು ಅಲ್ಲೇ ನಿಂದಿತ್: ಅಂವೊನ ಕಾಕ್ ಎಣ್ಣಿಯಂಡ್ ಎಣ್ಣ್‌ಚಿ. ಅಕ್ಕ ಶಿಷ್ಯಂಗ: ನಿನ್ನ ಯೇಸು ಕಾಕಿಯಂಡುಂಡ್ ಕುಶಿ ಪಡ್‍ೕಂದ್ ಅಂವೊಂಗ್ ಎಣ್ಣ್‌ಚಿ.

ಮಾರ್ಕ 14:14

ಅಂವೊ ಪೋಪ ಮನೆರ ಒಳ್‍ಕ್ ಅಂವೊಂಡ ಬಯ್ಯಕ್ ಪೋಯಿತ್, ಆ ಮನೆರ ಎಜಮಾನನ ನೋಟಿತ್: ನಾನ್ ನಾಡ ಶಿಷ್ಯಂಗಡ ಕೂಡೆ ಪಸ್ಕ ತಿಂಬಕುಳ್ಳ ಜಾಗ ಎಲ್ಲೀಂದ್ ಉಪಾದ್ಯ ಕ್‍ೕಟತ್‍ೕಂದ್ ಎಣ್ಣುವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:11

ಆ ಮನೆರ ಎಜಮಾನನ ನೋಟಿತ್: ನಾನ್ ನಾಡ ಶಿಷ್ಯಂಗಡ ಕೂಡೆ ಪಸ್ಕ ತಿಂಬಕುಳ್ಳ ಜಾಗ ಎಲ್ಲೀಂದ್ ಉಪಾದ್ಯ ಕ್‍ೕಟತ್‍ೕಂದ್ ಎಣ್ಣಿ.

ಯೋಹಾನ 1:41

ಅಂವೊ, ಅಂವೊಂಡ ಅಣ್ಣ ಸೀಮೋನಂಡ ಪಕ್ಕ ಪೋಯಿತ್, ಮೆಸ್ಸಿಯನ ಕಂಡತ್‍ೕಂದ್ ಎಣ್ಣ್‌ಚಿ.

ಯೋಹಾನ 1:45

ಅಲ್ಲಿ ಫಿಲಿಪ್ಪ, ನತಾನಯೇಲನ ತ್‍ೕಡಿ ಕಂಡ್‍ಪುಡ್‌ಚಿತ್, ನಂಗ ನ್ಯಾಯಪ್ರಮಾಣಾತ್‍ಲ್ ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣಿಯಂಡಿಂಜ ಕ್ರಿಸ್ತನ ಕಂಡತ್. ಅಂವೊ, ನಜರೇತ್ ಊರ್‍ಕಾರನಾನ ಯೋಸೇಫ ಎಣ್ಣ್‌ವಂವೊಂಡ ಮೋಂವೊನಾನ ಯೇಸುವೇಂದ್ ಎಣ್ಣ್‌ಚಿ.

ಯೋಹಾನ 10:3

ಕೊರಿಕೊಟ್ಟ್‌ರ ಪಡಿಕಾರ ಅಂವೊಂಗ್ ಪಡಿನ ತೊರ್‌ಪ; ಕೊರಿಯಳು ಅಂವೊಂಡ ಸದ್ದ್‌ನ ಗೊತ್ತ್ ಮಾಡ್‌ವ. ಅಂವೊ ತಾಂಡ ಕೊರಿಯಳ ಪೆದ ಎಣ್ಣಿತ್ ಕಾಕಿತ್, ಅಯಿಂಗಳ ಪೊರಮೆ ನಡ್‍ತಿಯಂಡ್ ಪೋಪ.

ಯೋಹಾನ 11:20

ಯೇಸು ಬಂದಂಡ್ ಉಂಡ್‍ೕಂದ್ ಮಾರ್ಥಕ್ ಗೊತ್ತಾಚಿ. ಅಕ್ಕ ಯೇಸುನ ಕಾಂಬಕ್ ಪೋಚಿ. ಮರಿಯ ಮನೆಲ್ಲೇ ಇಂಜತ್.

ಯೋಹಾನ 11:29

ಮರಿಯ ಇದ್‍ನ ಕ್‍ೕಟದು, ಯೇಸುನ ಕಾಂಬಕ್ ಬೆರಿಯ ಬೆರಿಯ ಪೋಚಿ.

ಯೋಹಾನ 11:30

ಯೇಸು ಇಂಞು ಊರ್‌ರ ಒಳ್‍ಕ್ ಬಂದಿತ್‌ಲ್ಲೆ, ಮಾರ್ಥ ಎಲ್ಲಿ ಅಂವೊನ ಕಂಡಿತ್ ತಕ್ಕ್ ಪರ್ಂದತೋ, ಅಲ್ಲಿಯೇ ಅಂವೊ ಇಂಜತ್.

ಯೋಹಾನ 13:13

ನಿಂಗ ನನ್ನ ಉಪಾದ್ಯಾಂದ್, ಒಡೆಯನೇಂದ್ ಕಾಕ್‍ವಿರ, ಅಕ್ಕು ನಿಂಗ ಕಾಕ್‌ವದ್ ನೇರ್. ನಾನ್ ನೇರಾಯಿತ್ ಒಡೆಯನಾಯಿತು ಉಪಾದ್ಯನಾಯಿತು ಉಳ್ಳ.

ಯೋಹಾನ 20:16

ಯೇಸು ಅವಳ ನೋಟಿತ್: ಮರಿಯಾಂದ್ ಕಾಕ್‍ಚಿ. ಅವ ಅಂವೊನ ತಿರಿತ್ ನೋಟುವಂಜಿ: ರಬ್ಬೂನೀಂದ್ ಎಣ್ಣ್‌ಚಿ. ಅದ್ಂಡ ಅರ್ಥ ಅರಾಮಿಯ ತಕ್ಕ್‌ಲ್ ಉಪಾದ್ಯನೇಂದ್ ಆಪ.

ಯೋಹಾನ 21:7

ಅಕ್ಕ, ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಶಿಷ್ಯ ಪೇತ್ರನ ನೋಟಿತ್, ಅಂವೊ ಒಡೆಯಾಂದ್ ಎಣ್ಣ್‌ಚಿ. ಆ ಶಿಷ್ಯ ಅದ್ ಒಡೆಯಾಂದ್ ಎಣ್ಣುವಾನ ಕ್‍ೕಪಕ, ಪೇತ್ರ ಅಂವೊಂಡ ಪೊರಮೆ ಇಡ್‌ವ ಬಟ್ಟೇನ ಇಟ್ಟಂಡ್ ನೀರ್‌ಕ್ ಪಾರ್‌ಚಿ. (ಎನ್ನಂಗೆಣ್ಣ್‌ಚೇಂಗಿ, ಕೆಲಸ ಮಾಡ್‌ವಕಾಯಿತ್ ಅಂವೊ ಬಟ್ಟೆ ಇಟ್ಟಂಡಿಲ್ಲೆ).

1 ಥೆಸಲೊನೀಕ 5:11

ಅದ್ಂಗಾಯಿತ್, ನಿಂಗ ಇಕ್ಕ ಮಾಡಿಯಂಡಿಪ್ಪನೆಕೆ, ಒಬ್ಬೊಬ್ಬಂಗ್ ಒತ್ತಾಸೆ ಕೊಡಿ. ನಿಂಗ ಅನ್ನನೆ ಮಾಡಿತ್ ಒಬ್ಬೊಬ್ಬಂಗಳ ಬೊಳಿಯುವಕ್ ಸಹಾಯ ಮಾಡಿ.

ಇಬ್ರಿಯ 12:12

ಆನಗುಂಡ್, ತಳ್ಂದ್ ಪೋಯಿತುಳ್ಳ ನಿಂಗಡ ಕೈಯಿನ ನ್‍ೕತಿತ್, ಕುಂದಿಪೋನ ನಿಂಗಡ ಮುಟ್ಟ್‌ಕಾಲ್‌ನ ಬಲಪಡ್‍ತಿಯೊಳಿ.