ಯೋಹಾನ 11:19 - ಕೊಡವ ಬೈಬಲ್

¹⁹ ದುಂಬ ಯೆಹೂದ್ಯಂಗ ಮಾರ್ಥ ಪಿಂಞ ಮರಿಯಡ ಕೂಡೆ ಅಯಿಂಗಡ ತಮ್ಮಣಂಡ ವಿಷಯತತ್‌ಲ್ ತಕ್ಕ್ ಪರಿಚಿಟ್ಟಿತ್, ಸಮಾದಾನ ಮಾಡ್‌ವಕ್ ಬಂದಿತ್ಂಜತ್.

ಯೋಹಾನ 11:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:35

ಅಂವೊಂಡ ಕ್‌ಣ್ಣ ಮಕ್ಕ ಪಿಂಞ ಮೂಡಿ ಮಕ್ಕಯೆಲ್ಲ ಅಂವೊನ ಸಮಾದಾನ ಪಡ್‌ತ್‌ವಕ್‌ ನೋಟ್‌ಚಿ. ಆಚೇಂಗಿ ಸಮಾದಾನ ಆಪಕ್‌ ಅಂವೊ ಬುಟ್ಟಿತ್‌ಲ್ಲೆ. ಅಂವೊ: ನಾನ್‌ ಇನ್ನನೆ ದುಃಖ ಪಟ್ಟಂಡ್‌ ನಾಡ ಮೋಂವೊಂಡ ಪಕ್ಕ ಪೋಯಿತ್‌ ಎತ್ತುವೀಂದ್‌ ಎಣ್ಣ್‌ಚಿ. ಇನ್ನನೆ ಅಪ್ಪ ತಾಂಡ ಮೋಂವೊಂಗಾಯಿತ್‌ ಮೊರ್‌ಟಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:39

ಅವಕ್ ಮರಿಯ ಎಣ್ಣುವ ಒರ್ ತಂಗೆ ಇಂಜತ್: ಮರಿಯ, ಯೇಸು ಬೋದನೆ ಮಾಡ್‌ವಾನ ಕ್‍ೕಟಂಡ್ ಯೇಸುರ ಕಾಲ್‍ರ ಪಕ್ಕ ಅಳ್‍ತಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:42

ಆಚೇಂಗಿ, ಒಂದ್ ಮಾತ್ರ ಬೋಂಡಿಯೆ. ಮರಿಯ ಅವಡ ಹೃದಯತ್ಂಜ ಎಡ್‌ಪಕಯ್ಯತ ನಲ್ಲ ಬಾಗತ್‍ನ ಗೊತ್ತ್ ಮಾಡಿತುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 1:19

ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 11:1

ಬೇಥಾನ್ಯ ಎಣ್ಣುವ ಊರ್‌ಲ್ ಲಾಜರ ಎಣ್ಣುವ ಒಬ್ಬಂಗ್ ಕಾಯಿಲೆ ಇಂಜತ್. ಈ ಬೇಥಾನ್ಯ ಊರ್, ಮರಿಯ ಪಿಂಞ ಅವಡ ಅಕ್ಕ ಮಾರ್ಥ ಎಣ್ಣ್‌ವಯಿಂಗ ಇಂಜ ಊರಾಯಿತ್ಂಜತ್.

ಯೋಹಾನ 11:31

ಮರಿಯಕ್ ಸಮಾದಾನ ತಕ್ಕ್ ಪರಿಯುವಕ್ ಅವಡ ಮನೆಕ್ ಬಂದಿತ್ಂಜ ಜನ, ಮರಿಯ ಎದ್ದಿತ್ ಬೆರಿಯ ಪೋಪದ್‌ನ ಕಂಡಿತ್, ಅವಡ ಬಯ್ಯಕ್ ಪೋಚಿ. ಮರಿಯ ಗೋರಿಕ್ ಮೊರಡ್‍ವಕ್ ಪೋಯಂಡುಂಡ್‍ೕಂದ್ ಗೇನ ಮಾಡಿಯಂಡಿಂಜತ್.

ಯೋಹಾನ 11:33

ಅವ ಮೊರಟಂಡ್ ಉಳ್ಳದ್‍ನ ಪಿಂಞ ಅವಡ ಕೂಡೆ ಉಳ್ಳಯಿಂಗ ಮೊರಟಂಡ್ ಉಳ್ಳದ್‍ನ ಯೇಸು ಕಾಂಬಕ, ಅಂವೊಂಡ ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್, ಅಂವೊಂಗ್ ದುಂಬ ದುಃಖ ಆಯಿಪೋಚಿ:

ಯೋಹಾನ 11:36

ಅಕ್ಕ, ಅಲ್ಲಿ ಇಂಜ ಜನ: ಯೇಸುಕ್ ಅಂವೊಂಡ ಮೇಲೆ ಎಚ್ಚಕ್ ಪ್ರೀತಿ ಇಂಜತ್‍ೕಂದ್ ಎಣ್ಣ್‌ಚಿ.

ಯೋಹಾನ 11:45

ಅಲ್ಲಿ ಮರಿಯಡ ಕೂಡೆ ಬಂದಿತ್ಂಜ ಜನ ಪಿಂಞ ಯೇಸು ಮಾಡ್‍ನದ್‍ನ ಕಂಡ ದುಂಬ ಯೆಹೂದ್ಯ ಜನ ಯೇಸುನ ನಂಬ್‍ಚಿ.

ಯೋಹಾನ 11:8

ಅಂವೊಂಗ್ ಶಿಷ್ಯಂಗ: ಉಪಾದ್ಯನೇ, ಚೆನ್ನ ದಿವಸಕ್ ಬಯ್ಯ, ಅಲ್ಲಿ ಉಳ್ಳ ಜನ ನೀಡ ಮೇಲೆ ಕಲ್ಲ್ ಕನಿಪಕ್ ನೋಟಿಯಂಡಿಂಜತಲ್ಲಾ? ಅನ್ನನೆ ಇಪ್ಪಕ, ಪುನಃ ನೀನ್ ಅಲ್ಲಿಕ್ ಪೋಂಡುವಾಂದ್ ಕ್‍ೕಟತ್.

ರೋಮ್ 12:15

ಕುಶೀಲ್ ಉಳ್ಳಯಿಂಗಡ ಕೂಡೆ ಕುಶೀಲ್ ಇರಿ, ಮೊರಟಂಡುಳ್ಳಯಿಂಗಡ ಕೂಡೆ ಮೊರಡಿ.

2 ಕೊರಿಂಥ 1:4

ಎಂತ ಕಷ್ಟತ್‍ಲ್ ಇಂಜತೇಂಗಿಯು ಅಯಿಂಗಳ ಸಮಾದಾನ ಮಾಡ್‌ವಕ್ ಬಲ ಉಳ್ಳಯಿಂಗಳಾಯಿತ್ ನಂಗ ಬೊಳಿಯುವನೆಕೆ, ನಂಗಕ್ ಬಪ್ಪ ಎಲ್ಲಾ ಕಷ್ಟತ್‍ಲು, ದೇವ ಮಾತ್ರ ನಂಗಕ್ ಸಮಾದಾನ ತಂದಂಡುಂಡ್.

1 ಥೆಸಲೊನೀಕ 4:18

ಇದ್ ಸತ್ಯವಾಯಿತ್ ಆಪಗುಂಡ್, ಈ ತಕ್ಕ್‌ನ ನಿಂಗ ಎಲ್ಲಾರ್‌ಕು ಎಣ್ಣಿಯಂಡ್ ಪುರ್‌ಡ್ ಕೊಡ್‌ತಂಡ್ ಇರಿ.

1 ಥೆಸಲೊನೀಕ 5:11

ಅದ್ಂಗಾಯಿತ್, ನಿಂಗ ಇಕ್ಕ ಮಾಡಿಯಂಡಿಪ್ಪನೆಕೆ, ಒಬ್ಬೊಬ್ಬಂಗ್ ಒತ್ತಾಸೆ ಕೊಡಿ. ನಿಂಗ ಅನ್ನನೆ ಮಾಡಿತ್ ಒಬ್ಬೊಬ್ಬಂಗಳ ಬೊಳಿಯುವಕ್ ಸಹಾಯ ಮಾಡಿ.