ಯೋಹಾನ 11:11 - ಕೊಡವ ಬೈಬಲ್

¹¹ ಇನ್ನನೆ ಯೇಸು ಎಣ್ಣಿತಾನ ಪಿಂಞ, ಅಯಿಂಗಳ ನೋಟಿತ್: ನಂಗಡ ಸ್ನೇಹಿತ ಲಾಜರ ವರಿಯಂಡ್ ಉಂಡ್, ಆಚೇಂಗಿ, ನಾನ್ ಅಲ್ಲಿಕ್ ಪೋಯಿತ್ ಅಂವೊನ ಎಪ್ಪ್‌ಚಿಡ್‌ವೀಂದ್ ಎಣ್ಣ್‌ಚಿ.

ಯೋಹಾನ 11:11 ပူးပေါင်းရင်းမြစ်များ

ಮತ್ತಾಯ 27:52

ಗೋರಿಯಂಗ ಸಹ ತೊರ್ಂದತ್. ಪಿಂಞ ಚತ್ತ್‌ಪೋನ ದುಂಬ ದೇವಡ ಮಕ್ಕ ಸಹ ಚಾವ್‍ಯಿಂಜ ಎದ್ದತ್.

ಮತ್ತಾಯ 9:24

ನಿಂಗ ಎಲ್ಲಾರು ಪೋಯಿ, ಈ ಮೂಡಿ ಕುಂಞಿ ಚತ್ತಿತ್ ಇಲ್ಲೆ, ಅವ ಬರಿ ವರಿಯಂಡುಂಡ್‍ೕಂದ್ ಎಣ್ಣ್‌ಚಿ. ಅದ್ಂಗ್ ಎಲ್ಲಾರು ಅಂವೊನ ನೋಟಿತ್ ತೆಳ್‍ಚತ್.

ಮಾರ್ಕ 5:39

ಯೇಸು ಒಳ್‍ಕ್ ಪೋಯಿತ್ ಎಂತ ಇಚ್ಚಕೆಲ್ಲಾ ಗಾಬರಿ? ಎನ್ನಂಗ್ ನಿಂಗ ಮೊರಟಂಡುಳ್ಳಿರ? ಕುಂಞಿ ಚತ್ತಿತ್‌ಲ್ಲೆ, ಅವ ವರಿಯಂಡ್ ಮಾತ್ರ ಉಂಡ್‍ೕಂದ್ ಯೇಸು ಎಣ್ಣ್‌ಚಿ.

ಯೋಹಾನ 11:10

ದಾರ್ ಒಬ್ಬ ಇರ್‌ಟ್‌ಲ್ ನಡ್‍ಪ, ಅಯಿಂಗಕ್ ಬೊಳಿ ಇಲ್ಲತಗುಂಡ್, ಅಯಿಂಗ ಬೂವಾಂದ್ ಎಣ್ಣ್‌ಚಿ.

ಯೋಹಾನ 11:12

ಅಕ್ಕ ಶಿಷ್ಯಂಗ: ಒಡೆಯನೇ, ಅಂವೊ ವರಿಯಂಡ್ ಉಂಡೇಂಗಿ ಚಾಯಾಪಾಂದ್ ಎಣ್ಣ್‌ಚಿ.

ಯೋಹಾನ 11:13

ಯೇಸು ಲಾಜರ ಚತ್ತ್ ಪೋನದ್‍ನ ಇನ್ನನೆ ಎಣ್ಣ್‌ಚಿ; ಆಚೇಂಗಿ, ಅಂವೊಂಡ ಶಿಷ್ಯಂಗ ಅಂವೊ ವರಿಯಂಡ್ ಆರಾಮ್‍ಲ್ ಉಂಡ್‍ೕಂದ್ ಅರ್ಥ ಮಾಡಿಯಂಡ್ ಇಂಜತ್.

ಯೋಹಾನ 11:3

ಅಕ್ಕ ಮಾರ್ಥ ಮರಿಯ ದಂಡಾಳು ಯೇಸುರ ಪಕ್ಕ ಆಳ್‌ನ ಅಯಿಚಿತ್ ಒಡೆಯನೇ, ನೀಡ ಪ್ರೀತಿರ ಸ್ನೇಹಿತ ಕಾಯಿಲೆಲ್ ಉಂಡ್‍ೕಂದ್ ಎಣ್ಣುವಕ್ ಎಣ್ಣ್‌ಚಿ.

ಯೋಹಾನ 3:29

ಮಂಗಲಕರ್ತಿ ಉಳ್ಳಂವೊನೇ ಮಂಗಲಕಾರ ಆಪ. ಆಚೇಂಗಿ ಮಂಗಲಕಾರಂಡ ಕೂಟ್‍ಕಾರ ಮಂಗಲಕಾರಂಡ ಪಕ್ಕತ್‍ಲ್ ನಿಂದಿತ್ ಅಂವೊಂಡ ತಕ್ಕ್‌ನ ಕ್‍ೕಪ, ಮಂಗಲಕಾರಂಡ ದ್ವನಿ ಕ್‍ೕಟಿತ್ ದುಂಬ ಕುಶಿ ಪಡುವ. ಅನ್ನನೆ ನಾಕ್ ಆ ಕುಶಿ ಕ್‍ಟ್ಟಿತ್, ನಾಡ ಕುಶಿ ಪೂರ್ತಿ ಆಚಿ.

ಅಪೊಸ್ತಲ 7:60

ಪಿಂಞ ಮೊಣಕಾಲ್ ಇಟ್ಟಿತ್, ಒಡೆಯನೇ, ಈ ಪಾಪತ್‍ರ ಅಪರಾದತ್‍ನ ಅಯಿಂಗಡ ಮೇಲೆ ಇಡತೇಂದ್ ಎಣ್ಣಿತ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್ ಜೀವ ಬುಟ್ಟತ್.

1 ಕೊರಿಂಥ 15:18

ಅಕ್ಕ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗ ಸಹ ಪಾಳಾಯಿ ಪೋಪ.

1 ಕೊರಿಂಥ 15:34

ಏದ್ ಬೋದನೆ ಸರಿಯಾನದೊ, ಅದ್‍ನ ಮಾತ್ರ ಗೇನ ಮಾಡಿಯಂಡಿರಿ, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡಿ, ನಿಂಗಡಲ್ಲಿ ಚೆನ್ನ ಜನಕ್ ದೇವ ದಾರ್‍ೕಂದ್ ಗೊತ್ತಿಲ್ಲತೆ ಉಳ್ಳಿರ. ನಿಂಗಕ್ ಞಾಣ ಆಪಕಾಯಿತ್ ಇದ್‍ನ ಎಣ್ಣ್‌ವಿ.

1 ಕೊರಿಂಥ 15:51

ನಿಂಗೆಲ್ಲಾರು ಇಲ್ಲಿ ಎಣ್ಣುವ ಸತ್ಯತ್‍ರ ಗುಟ್ಟ್‌ನ ಕ್‍ೕಳಿ; ನಂಗ ಎಲ್ಲಾರು ಚಾವುಲೆ, ಆಚೇಂಗಿಯು, ಕಡೆ ವಾಲಗತ್‍ರ ಸದ್ದ್ ಕ್‍ೕಪಕ, ಒರ್ ಗಳಿಗೆಲ್, ಕಣ್ಣ್‌ಮುಚ್ಚಿತ್ ತೊರ್‌ಪನೆಕೆ ನಂಗೆಲ್ಲಾರು ಬದ್‍ಲ್ ಆಯಿಪೋಪ.

ಎಫೆಸ 5:14

ಆನಗುಂಡ್, ವರಿಯಂಡ್ ಉಳ್ಳ ನೀ, ಎಚ್ಚರ ಎಡ್‌ತ, ಚತ್ತಯಿಂಗಡ ಮದ್ಯತ್ಂಜ ಏಳ್, ಅಕ್ಕ, ನೀಡ ಮೇಲೆ ಕ್ರಿಸ್ತಂಡ ಬೊಳಿ ಮಿನ್ನುವಾಂದ್ ಎಣ್ಣಿತುಂಡ್.

1 ಥೆಸಲೊನೀಕ 5:10

ಯೇಸು ನಂಗಕಾಯಿತ್ ಚತ್ತತ್. ಆನಗುಂಡ್, ಅಂವೊ ಬಪ್ಪಕ ನಂಗ ತಡೀಲ್ ಚತ್ತ್ ಪೋಯಿತ್ಂಜತೇಂಗಿಯು, ಬದ್‍ಕಿಯಂಡಿಂಜತೇಂಗಿಯು ಅಂವೊ ಎಕ್ಕಾಲು ಬದ್‍ಕ್‍ವನೆಕೆ, ನಂಗಳು ಅಂವೊಂಡ ಕೂಡೆ ಎಕ್ಕಾಲು ಬದ್‍ಕ್‌ವಕಾಪ.

ಯಾಕೋಬ 2:23

ಅನ್ನನೆ ಅಬ್ರಹಾಮ ದೇವನ ನಂಬ್‍ಚಿ. ಅದ್ಂಗ್ ದೇವ ಅಂವೊನ ನೀತಿವಂತಂವೋಂದ್ ಲೆಕ್ಕ ಮಾಡ್‍ಚೀಂದ್ ಎಣ್ಣ್‌ವ ದೇವಡ ವಾಕ್ಯ ಪೂರ್ತಿಯಾಚಿ. ಇದ್‍ನಗುಂಡ್ ದೇವ ಅಂವೊನ ದೇವಡ ಸ್ನೇಹಿತಾಂದ್ ಕಾಕ್‍ಚಿ.