ಯೋಹಾನ 10:6 - ಕೊಡವ ಬೈಬಲ್

⁶ ಯೇಸು ಈ ಕಥೇನ ಅಯಿಂಗಕ್ ಎಣ್ಣ್‌ಚಿ, ಆಚೇಂಗಿ ಅಯಿಂಗಕ್ ಅಂವೊ ಎಣ್ಣ್‌ನದ್ಂಡ ಅರ್ಥ ಗೊತ್ತಾಯಿತ್‌ಲ್ಲೆ.

ಯೋಹಾನ 10:6 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:5

ದುಷ್ಟ ಜನ ನ್ಯಾಯತ್‌ನ ಅರ್ಥ ಮಾಡಿಯೊಲೆ. ಆಚೇಂಗಿ ಯೆಹೋವನ ತ್‍ೕಡ್‌ವಯಿಂಗ ಎಲ್ಲಾನ ಅರ್ಥ ಮಾಡಿಯೊವ.

ಮತ್ತಾಯ 13:34

ಯೇಸು ಜನಡ ಕೂಡೆ ತಕ್ಕ್ ಪರಿಯುವಕ ಎಕ್ಕಲೂ ಇನ್ನನೆ ಕಥೇರ ರೂಪತ್‌ಲ್ ಅಥವ ಉದಾರಣೆಲ್ ಅರ್ಥ ಆಪನೆಕೆ ಎಣ್ಣಿಕೊಡ್‌ಪಯಿಂಜತ್. ಇನ್ನನೆ ಕಥೇರ ರೂಪತ್‌ಲ್ ಅಲ್ಲತೆ ಜನಕ್ ಬೋದನೆ ಮಾಡ್‌ವಕಿಂಜಿಲೆ.

ಮತ್ತಾಯ 13:51

ಬಯ್ಯ, ಯೇಸು ಅಯಿಂಗಳ ನೋಟಿತ್: ನಾನ್ ಎಣ್ಣ್‌ನದೆಲ್ಲ ನಿಂಗಕ್ ಅರ್ಥ ಆಚಾಂದ್ ಕ್‍ೕಟತ್. ಅದ್ಂಗ್ ಅಯಿಂಗ ನಂಗಕ್ ಅರ್ಥ ಆಚೀಂದ್ ಎಣ್ಣ್‌ಚಿ.

ಮಾರ್ಕ 4:34

ಯೇಸು ಕಥೇರ ರೂಪತ್‌ಲ್ ಎಣ್ಣತೆ ಜನಡ ಕೂಡೆ ತಕ್ಕ್ ಪರಿಯುವಕಿಂಜಿಲೆ. ಆಚೇಂಗಿ ಅಂವೊ ಅಂವೊಂಡ ಶಿಷ್ಯಂಗಡ ಕೂಡೆ ಇಪ್ಪಕ ಅಯಿಂಗಕ್ ಚಾಯಿತೆ ಅರ್ಥ ಮಾಡಿ ಕೊಡ್‌ಪಯಿಂಜತ್.

ಯೋಹಾನ 16:25

ಈ ತಕ್ಕ್‌ನ ಇಕ್ಕ ನಿಂಗಕ್ ಕಥೇರ ರೂಪತ್‌ಲ್ ನಾನ್ ಎಣ್ಣಿಯಂಡುಳ್ಳ. ಸಮಯ ಬಪ್ಪ, ಅಕ್ಕ ನಾನ್ ನಿಂಗಡ ಪಕ್ಕ ಕಥೇರ ರೂಪತ್‌ಲ್ ತಕ್ಕ್ ಪರಿಯತೆ, ಅಪ್ಪಂಡ ವಿಷಯತ್‍ನ ಚಾಯಿ ಅರ್ಥ ಆಪನೆಕೆ ಎಣ್ಣಿ ತಪ್ಪಿ.

ಯೋಹಾನ 16:29

ಅಕ್ಕ ಅಂವೊಂಡ ಶಿಷ್ಯಂಗ ಅಂವೊನ ನೋಟಿತ್: ನೋಟಿ, ಇಕ್ಕ, ನೀನ್ ನಂಗಡ ಕೂಡೆ ಕಥೇರ ರೂಪತ್‌ಲ್ ಅಲ್ಲ, ಚಾಯಿತೆ ಅರ್ಥ ಆಪನೆಕೆ ತಕ್ಕ್ ಪರಿವಿಯ.

ಯೋಹಾನ 6:52

ಅಕ್ಕ ಯೆಹೂದ್ಯಂಗ: ಇಂವೊ ತಾಂಡ ತಡೀನ ನಂಗಕ್ ಎನ್ನನೆ ತಿಂಬಕ್ ತಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ತರ್ಕ ಮಾಡ್‍ಚಿ.

ಯೋಹಾನ 6:60

ಅಂವೊಂಡ ಶಿಷ್ಯಂಗಡಲ್ಲಿ ದುಂಬ ಜನ ಈ ಬೋದನೆನ ಕ್‍ೕಟಿತ್: ಈ ಬೋದನೆ ದುಂಬ ಕಠಿಣವಾಯಿತುಂಡ್, ದಾರ್ ಇದ್‍ನ ಸ್ವೀಕಾರ ಮಾಡ್‌ವಾಂದ್ ಎಣ್ಣ್‌ಚಿ.

ಯೋಹಾನ 7:36

ನಿಂಗ ನನ್ನ ತ್‍ೕಡ್‌ವಿರ, ಆಚೇಂಗಿ ನನ್ನ ಕಾಂಬ್‍ಲೆ, ನಾನ್ ಇಪ್ಪ ಜಾಗಕು ನಿಂಗ ಬಪ್ಪಕ್ ಕಯ್ಯುಲೇಂದ್ ಇಂವೊ ಎಣ್ಣ್‌ನ ಇದ್ಂಡ ಅರ್ಥ ಎಂತ್‍ೕಂದ್ ಅಯಿಂಗಯಿಂಗಳೇ ಎಣ್ಣಿಯಂಡಿಂಜತ್.

ಯೋಹಾನ 8:27

ಯೇಸು ಅಂವೊಂಡ ಅಪ್ಪನಾನ ದೇವಡ ವಿಷಯತ್‍ನ ಎಣ್ಣ್‌ಚೀಂದ್ ಜನಕ್ ಗೊತ್ತಾಯಿತ್‌ಲ್ಲೆ.

ಯೋಹಾನ 8:43

ನಾನ್ ಎಣ್ಣುವಾನ ನಿಂಗ ಎನ್ನಂಗ್ ಅರ್ಥ ಮಾಡಿಯಂಡಿಲ್ಲೆ? ಎನ್ನಂಗೆಣ್ಣ್‌ಚೇಂಗಿ, ನಾಡ ಬೋದನೆನ ಕ್‍ೕಪಕ್ ಸಹ ನಿಂಗಕ್ ಕುಶಿಯಿಲ್ಲೆ.

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.

2 ಪೇತ್ರ 2:22

ನಾಯಿ ಅದ್ ಕಕ್ಕ್‌ನದ್‍ನ ಪುನಃ ತಿಂಬನೆಕೆ, ಕತ್ತ್‌ನ ಪಂದಿ ಪುನಃ ಬಂಡ್‍ಲ್ ಪೋಪಾಂದ್ ಎಣ್ಣ್‌ವ ಪಳೆಯ ತಕ್ಕ್‌ರನೆಕೆ ಅಯಿಂಗಕ್ ಆಚಿ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.