ಯೋಹಾನ 10:4 - ಕೊಡವ ಬೈಬಲ್

⁴ ಅಂವೊ ತಾಂಡ ಕೊರಿಯಳ ಪೊರಮೆ ಬುಟ್ಟ ಪಿಂಞ, ಅಯಿಂಗಡ ಮಿಂಞತ್ ನಡ್ಂದ್ ಪೋಯಂಡಿಪ್ಪ. ಕೊರಿಯಂಗಕ್ ಅಂವೊಂಡ ಸದ್ದ್ ಗೊತ್ತುಳ್ಳಗುಂಡ್, ಅಂವೊಂಡ ಬಯ್ಯಕ್ ಪೋಪ.

ಯೋಹಾನ 10:4 ပူးပေါင်းရင်းမြစ်များ

ಮತ್ತಾಯ 16:24

ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಯೋಹಾನ 10:16

ಈ ಕೊರಿಕೊಟ್ಟ್‌ರ ಕೊರಿಯ ಅಲ್ಲತೆ, ಬೋರೆ ಕೊರಿಯಳು ನಾಕ್ ಉಂಡ್; ಅಯಿಂಗಳ ಸಹ ನಾನ್ ಕೂಟಿಯಂಡ್ ಬರಂಡು; ಆ ಕೊರಿಯ ನಾಡ ತಕ್ಕ್‌ನ ಕ್‍ೕಪ, ಅಕ್ಕ ಈಂಗ ದಂಡಾಳು ಒರೇ ಗುಂಪಾಯಿತ್, ಒರೇ ಕೊರಿಕಾಪಂವೊಂಡ ಅಡಿಕ್ ಬಪ್ಪ.

ಯೋಹಾನ 10:27

ನಾಡ ಕೊರಿಯ ನಾಡ ಸದ್ದ್‌ನ ಕ್‍ೕಪ; ನಾಕ್ ಅಯಿಂಗಳ ಗೊತ್ತುಂಡ್, ಅಯಿಂಗ ನಾಡ ಬಯ್ಯ ಬಪ್ಪ.

ಯೋಹಾನ 10:3

ಕೊರಿಕೊಟ್ಟ್‌ರ ಪಡಿಕಾರ ಅಂವೊಂಗ್ ಪಡಿನ ತೊರ್‌ಪ; ಕೊರಿಯಳು ಅಂವೊಂಡ ಸದ್ದ್‌ನ ಗೊತ್ತ್ ಮಾಡ್‌ವ. ಅಂವೊ ತಾಂಡ ಕೊರಿಯಳ ಪೆದ ಎಣ್ಣಿತ್ ಕಾಕಿತ್, ಅಯಿಂಗಳ ಪೊರಮೆ ನಡ್‍ತಿಯಂಡ್ ಪೋಪ.

ಯೋಹಾನ 10:5

ಕೊರಿಯಂಗಕ್ ಅನ್ಯ ಜನತ್‍ರ ಸದ್ದ್ ಗೊತ್ತಿಲತಗುಂಡ್, ಅಯಿಂಗಡ ಬಯ್ಯಕ್ ಪೋಕತೆ, ಅಯಿಂಗಳ ಬುಟ್ಟಿತ್ ಚದ್‌ರಿತ್ ಓಡಿ ಪೋಪ.

ಯೋಹಾನ 10:8

ನಾಕ್ ಮಿಂಞ ಬಂದಯಿಂಗ ಎಲ್ಲಾರು, ಕಳ್ಳಂಗಳು ಲೂಟಿ ಮಾಡ್‌ವಯಿಂಗಳಾಯಿತ್ ಇಂಜತ್; ಆಚೇಂಗಿ, ಕೊರಿಯ ಅಯಿಂಗಡ ಬೋದನೆಕ್ ಕೆಮಿ ಕೊಡ್‍ತಿತ್‌ಲ್ಲೆ.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಯೋಹಾನ 13:15

ನಾನ್ ನಿಂಗಕ್ ಮಾಡ್‍ನನೆಕೆ, ನಿಂಗಳು ಮಾಡ್‌ವಕಾಯಿತ್ ನಾನ್ ನಿಂಗಕ್ ಕಾಟಿ ತಂದಿಯೆ.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 3:29

ಮಂಗಲಕರ್ತಿ ಉಳ್ಳಂವೊನೇ ಮಂಗಲಕಾರ ಆಪ. ಆಚೇಂಗಿ ಮಂಗಲಕಾರಂಡ ಕೂಟ್‍ಕಾರ ಮಂಗಲಕಾರಂಡ ಪಕ್ಕತ್‍ಲ್ ನಿಂದಿತ್ ಅಂವೊಂಡ ತಕ್ಕ್‌ನ ಕ್‍ೕಪ, ಮಂಗಲಕಾರಂಡ ದ್ವನಿ ಕ್‍ೕಟಿತ್ ದುಂಬ ಕುಶಿ ಪಡುವ. ಅನ್ನನೆ ನಾಕ್ ಆ ಕುಶಿ ಕ್‍ಟ್ಟಿತ್, ನಾಡ ಕುಶಿ ಪೂರ್ತಿ ಆಚಿ.

1 ಕೊರಿಂಥ 11:1

ಕ್ರಿಸ್ತ ಎಣ್ಣ್‌ವಾನ ನಾನ್ ಮಾಡ್‌ವನೆಕೆ ನಿಂಗ ನಾನ್ ಮಾಡ್‌ವದ್‍ನ ಮಾಡಿ.

ಎಫೆಸ 5:1

ಆನಗುಂಡ್, ನಿಂಗ ಇಕ್ಕ ದೇವಡ ಪ್ರೀತಿರ ಮಕ್ಕಳಾಯಿತ್ ಉಳ್ಳಾಂಗ್, ನಿಂಗ ಮಾಡ್‌ವ ಎಲ್ಲಾ ವಿಷಯತ್‍ಲು, ದೇವನ ಉದಾರಣೆಯಾಯಿತ್ ಬೆಚ್ಚೊಳಿ.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 6:20

ಯೇಸು ನಂಗಕ್ ಮಿಂಞಲೇ ಅಲ್ಲಿಕ್ ಪೋಯಿತ್, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ನಂಗಕಾಯಿತ್ ಎಕ್ಕಾಲು ಉಳ್ಳ ಮಹಾ ಯಾಜಕನಾಯಿತ್ ಉಂಡ್.

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.

1 ಪೇತ್ರ 4:1

ಇನ್ನನೆ ಇಪ್ಪಕ, ಕ್ರಿಸ್ತ ನಂಗಕಾಯಿತ್ ತಡೀಲ್ ಕಷ್ಟಪಟ್ಟಗುಂಡ್ ನಿಂಗಳು ಸಹ ಆ ತರ ಮನಸ್ಸ್‌ನ ನಿಂಗಡ ಆಯುದವಾಯಿತ್ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಅನ್ನನೆ ತಡೀಲ್ ಕಷ್ಟಪಡ್‌ವಂವೊ, ಪಾಪತ್‍ನ ಬುಟ್ಟಿತ್‌ಪ್ಪ.

1 ಪೇತ್ರ 5:3

ನಿಂಗಡ ಕೈಕ್ ಒಪ್ಪ್‌ಚಿಟ್ಟಿತುಳ್ಳಯಿಂಗಳ ಬಾರವಾಯಿತ್ ಆಳುವನೆಕೆ ಅಲ್ಲ, ದೇವಡ ಮಕ್ಕಕ್ ಉದಾರಣೆಯಾಯಿತ್ ಇರಿ.