30 ನಾನು ನಾಡ ಅಪ್ಪನು ಒಂದ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.
ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.
ಆನಗುಂಡ್ ನಿಂಗ ಪೋಯಿತ್, ಎಲ್ಲಾ ದೇಶತ್‍ರ ಜನತ್‍ನ ನಾಡ ಶಿಷ್ಯಂಗಳಾಯಿತ್ ಮಾಡಿ. ಅಯಿಂಗಕ್ ಅಪ್ಪ, ಮೋಂವೊ ಪಿಂಞ ಪವಿತ್ರಾತ್ಮಂಡ ಪೆದತ್‍ಲ್ ದೀಕ್ಷಾಸ್ನಾನ ಕೊಡಿ.
ಅಯಿಂಗಳ ನಾಕ್ ಕೊಡ್‍ತ ಅಪ್ಪ ಎಲ್ಲಾರ್ಕಿಂಜ ಬಲ್ಯಂವೊ; ಅಯಿಂಗಳ ನಾಡ ಅಪ್ಪಂಡ ಕೈಯಿಂಜ ದಾರ್‌ಕು ಬಲಿಪಕ್ ಕಯ್ಯುಲೆ.
ಅಪ್ಪನಾನ ದೇವ ನನ್ನ ಪವಿತ್ರ ಮಾಡಿತ್, ಈ ಲೋಕಕ್ ಅಯಿಚಿತಿಪ್ಪಕ, ನಾನ್ ನನ್ನ ದೇವಡ ಮೋಂವೋಂದ್ ಎಣ್ಣ್‌ನಾಂಗ್, ನೀನ್ ದೇವ ದೂಷಣೆ ಪರ್ಂದಂಡ್ ಉಳ್ಳಿಯಾಂದ್ ಎಣ್ಣಿಯಂಡುಳ್ಳಿರ?
ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.
ಅದ್ಂಗ್ ಯೇಸು: ಫಿಲಿಪ್ಪನೇ, ನಾನ್ ಇಚ್ಚಕ್ ಕಾಲ ನಿಂಗಡ ಕೂಡೆ ಇಂಜಿಯೆ, ಅಂತು ನಿಂಗಕ್ ನನ್ನ ಗೊತ್ತ್‌ಲ್ಲೆಯಾ? ನನ್ನ ಕಂಡಂವೊ ನಾಡ ಅಪ್ಪನ ಸಹ ಕಂಡಿತುಂಡ್; ಅನ್ನನೆ ಇಪ್ಪಕ, ಅಪ್ಪನ ಕಾಟಿತಾಂದ್ ನಿಂಗ ಎಣ್ಣ್‌ವದ್ ಎನ್ನನೆ?
ನಾಡ ಅಪ್ಪಂಡ ಪಕ್ಕ ಉಳ್ಳದೆಲ್ಲಾ ನಾಡದ್, ಆನಗುಂಡ್, ಪವಿತ್ರಾತ್ಮ ನನ್ನಿಂಜ ಎಡ್‍ತಿತ್ ನಿಂಗಕ್ ಕಾಂಬ್‍ಚಿಡುವಾಂದ್ ಎಣ್ಣಿಯೆ.
ನಾಡದೆಲ್ಲಾ ನೀಡದ್, ನೀಡದೆಲ್ಲಾ ನಾಡದ್; ಅಯಿಂಗಡಲ್ಲಿ ನಾಕ್ ಮಹಿಮೆ ಕ್‌ಟ್ಟಿಯಂಡುಂಡ್.
ಯೇಸು ಅಯಿಂಗಕ್: ನಾಡ ಅಪ್ಪ ಇಲ್ಲಿಕತ್ತನೆ ಕ್ರಿಯೆ ಮಾಡಿಯಂಡುಂಡ್, ಅದ್ಂಗಾಯಿತ್ ನಾನ್ ಸಹ ಕ್ರಿಯೆ ಮಾಡಿಯಂಡ್ ಉಳ್ಳ್‌ಂದ್ ಎಣ್ಣ್‌ಚಿ.
ಮೋಂವೊನ ಗನ ಪಡ್‍ತತಯಿಂಗ, ಅಂವೊನ ಅಯಿಚ ಅಪ್ಪನ ಸಹ ಗನ ಪಡ್‍ತತಯಿಂಗಳಾಯಿತುಂಡ್.
ಅದ್ಂಗ್ ಯೇಸು: ಅಬ್ರಹಾಮ ಪುಟ್ಟ್‌ವಕ್ ಮಿಂಞಲೇ ನಾನ್ ಉಳ್ಳ್‌ಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.
ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.
ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.
ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.
ಪರಲೋಕತ್‍ಲ್ ಸಾಕ್ಷಿ ತಪ್ಪಯಿಂಗ ಮೂಂದಾಳ್: ಪವಿತ್ರಾತ್ಮ, ನೀರ್ ಪಿಂಞ ಚೋರೆ.
