ಯೋಹಾನ 10:18 - ಕೊಡವ ಬೈಬಲ್

¹⁸ ನಾಡ ಜೀವತ್‍ನ ನನ್ನಿಂಜ ದಾರೂ ಎಡ್‌ತೊಲೆ; ನಾಕ್ ಮಾತ್ರ ನಾಡ ಜೀವತ್‍ನ ಕೊಡ್‍ಪಕ್ ಅದಿಕಾರ ಉಂಡ್, ಅದ್‍ನ ಬಯ್ಯಕ್ ಎಡ್‍ಪಕು ನಾಕ್ ಎಲ್ಲಾ ಅದಿಕಾರವು ಉಂಡ್. ಈ ಆಜ್ಞೆ ನಾಕ್ ನಾಡ ಅಪ್ಪಂಡಿಂಜ ಕ್‍ಟ್ಟ್‌ಚಿ.

ಯೋಹಾನ 10:18 ပူးပေါင်းရင်းမြစ်များ

ಯೋಹಾನ 10:11

ನಾನೇ ನಲ್ಲ ಕೊರಿ ಕಾಪಂವೊ; ನಲ್ಲ ಕೊರಿ ಕಾಪಂವೊ, ತಾಂಡ ಕೊರಿನ ಕಾಪಾಡ್‌ವಕಾಯಿತ್ ತಾಂಡ ಜೀವತ್‍ನ ಸಹ ತಪ್ಪ.

ಯೋಹಾನ 10:15

ಅನ್ನನೆ, ನಾನ್ ನಾಡ ಕೊರಿಯಂಗಕಾಯಿತ್ ನಾಡ ಜೀವತ್‍ನ ಕೊಡ್‌ಪಕು ತಯಾರಾಯಿತ್ ಉಳ್ಳ.

ಯೋಹಾನ 10:17

ನಾನ್ ನಾಡ ಜೀವತ್‍ನ ಪುನಃ ಪಡೆಯುವಕಾಯಿತ್, ನಾನ್ ನಾಡ ಜೀವತ್‍ನ ಕೊಡ್‍ಪಗುಂಡ್ ನಾಡ ಅಪ್ಪ ನನ್ನ ದುಂಬ ಪ್ರೀತಿ ಮಾಡ್‌ವ.

ಯೋಹಾನ 14:31

ನಾನ್ ನಾಡ ಅಪ್ಪನ ಪ್ರೀತಿ ಮಾಡಿಯಂಡುಂಡ್‍ೕಂದು, ಅಪ್ಪ ನಾಕ್ ಆಜ್ಞೆ ಕೊಡ್‍ತನೆಕೆ ನಾನ್ ಮಾಡಿಯಂಡುಂಡ್‍ೕಂದು ಈ ಲೋಕತ್‍ರ ಜನಕ್ ಗೊತ್ತಾಪಕಾಯಿತ್ ಇದೆಲ್ಲಾ ಆಪ. ಬಾರಿ, ಈ ಜಾಗತ್‍ನ ಬುಟ್ಟಿತ್ ನಂಗ ಪೋಕಾಂದ್ ಎಣ್ಣ್‌ಚಿ.

ಯೋಹಾನ 15:10

ನಾನ್ ನಾಡ ಅಪ್ಪಂಡ ಆಜ್ಞೆರ ಪ್ರಕಾರ ನಡ್ಂದಂಡ್ ಅಂವೊಂಡ ಪ್ರೀತಿಲ್ ಸ್ತಿರವಾಯಿತ್ ಇಪ್ಪನೆಕೆ ನಿಂಗಳು ನಾಡ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇಪ್ಪಿರ.

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 5:26

ಎನ್ನಂಗೆಣ್ಣ್‌ಚೇಂಗಿ, ಅಪ್ಪಂಗ್ ಎನ್ನನೆ ಸ್ವಂತವಾಯಿತ್ ಜೀವ ಉಂಡೋ, ಅನ್ನನೆ ಮೋಂವೊಂಗ್ ಸಹ ಸ್ವಂತವಾಯಿತ್ ಜೀವ ಉಳ್ಳನೆಕೆ ಅಂವೊ ಮಾಡಿರ್‌ತ್.

ಯೋಹಾನ 5:30

ನಾನ್ ನಾನಾಯಿತೇ ಒಂದು ಮಾಡುಲೆ. ದೇವ ಎಣ್ಣುವನೆಕೆ ನಾನ್ ತೀರ್ಪ್ ಮಾಡ್‌ವಿ. ನಾನ್ ನಾಡ ಇಷ್ಟತ್‍ರ ಪ್ರಕಾರ ಮಾಡ್‌ವಕ್ ಕುಶಿ ಪಡತೆ, ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿಪಟ್ಟಿತ್ ಮಾಡ್‌ವಗುಂಡ್ ನಾಡ ತೀರ್ಪ್ ನೀತಿವಂತದಾಯಿತುಂಡ್.

ಯೋಹಾನ 6:38

ಎನ್ನಂಗೆಣ್ಣ್‌ಚೇಂಗಿ, ನಾನ್ ಪರಲೋಕತ್ಂಜ ಬಂದದ್ ನಾಡ ಇಷ್ಟ ಪ್ರಕಾರ ಕ್ರಿಯೆ ಮಾಡ್‌ವಕ್ ಅಲ್ಲ, ದಾರ್ ನನ್ನ ಅಯಿಚತೋ ಅಂವೊಂಡ ಚಿತ್ತತ್‍ರ ಪ್ರಕಾರ ಕ್ರಿಯೆ ಮಾಡ್‌ವಕ್ ಬಂದಿಯೆ.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 3:15

ಮನುಷ್ಯಂಗಕ್ ನಿತ್ಯ ಜೀವತ್‍ನ ತಪ್ಪಕ್ ಅದಿಕಾರ ಉಳ್ಳಂವೊನ ನಿಂಗ ಕೊಂದಿರ; ಆಚೇಂಗಿ, ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಈ ವಿಷಯಕ್ ನಂಗ ಸಾಕ್ಷಿಯಳಾಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 2:9

ಆಚೇಂಗಿಯು, ದೇವಡ ಕೃಪೇರಗುಂಡ್ ಯೇಸು ಎಲ್ಲಾರ್‍ಕಾಯಿತ್ ಚಾವ್‍ನ ತಾಂಡ ತಡೀಲ್ ಎಡ್‌ಪಕಾಯಿತ್, ಚೆನ್ನ ಸಮಯಕ್ ದೇವದೂತಂಗಕಿಂಜ ಅಂವೊನ ಕಮ್ಮಿ ಮಾಡ್‍ಚೀಂದ್ ನಂಗ ನೋಟಿಯಂಡುಂಡ್. ಅಂವೊ ಚಾವ್‍ನ ಸ್ವೀಕಾರ ಮಾಡ್‍ನಗುಂಡ್ ದೇವ ಅಂವೊನ ಮಿಹಿಮೇರಗುಂಡ್, ಗನತ್‍ರಗುಂಡ್ ರಾಜನಾಯಿತ್ ಮಾಡ್‍ಚಿ.