ಯೋಹಾನ 10:17 - ಕೊಡವ ಬೈಬಲ್

¹⁷ ನಾನ್ ನಾಡ ಜೀವತ್‍ನ ಪುನಃ ಪಡೆಯುವಕಾಯಿತ್, ನಾನ್ ನಾಡ ಜೀವತ್‍ನ ಕೊಡ್‍ಪಗುಂಡ್ ನಾಡ ಅಪ್ಪ ನನ್ನ ದುಂಬ ಪ್ರೀತಿ ಮಾಡ್‌ವ.

ಯೋಹಾನ 10:17 ပူးပေါင်းရင်းမြစ်များ

ಯೋಹಾನ 10:11

ನಾನೇ ನಲ್ಲ ಕೊರಿ ಕಾಪಂವೊ; ನಲ್ಲ ಕೊರಿ ಕಾಪಂವೊ, ತಾಂಡ ಕೊರಿನ ಕಾಪಾಡ್‌ವಕಾಯಿತ್ ತಾಂಡ ಜೀವತ್‍ನ ಸಹ ತಪ್ಪ.

ಯೋಹಾನ 10:15

ಅನ್ನನೆ, ನಾನ್ ನಾಡ ಕೊರಿಯಂಗಕಾಯಿತ್ ನಾಡ ಜೀವತ್‍ನ ಕೊಡ್‌ಪಕು ತಯಾರಾಯಿತ್ ಉಳ್ಳ.

ಯೋಹಾನ 10:18

ನಾಡ ಜೀವತ್‍ನ ನನ್ನಿಂಜ ದಾರೂ ಎಡ್‌ತೊಲೆ; ನಾಕ್ ಮಾತ್ರ ನಾಡ ಜೀವತ್‍ನ ಕೊಡ್‍ಪಕ್ ಅದಿಕಾರ ಉಂಡ್, ಅದ್‍ನ ಬಯ್ಯಕ್ ಎಡ್‍ಪಕು ನಾಕ್ ಎಲ್ಲಾ ಅದಿಕಾರವು ಉಂಡ್. ಈ ಆಜ್ಞೆ ನಾಕ್ ನಾಡ ಅಪ್ಪಂಡಿಂಜ ಕ್‍ಟ್ಟ್‌ಚಿ.

ಯೋಹಾನ 3:25

ಅಕ್ಕ ಯೋಹಾನಂಡ ಶಿಷ್ಯಂಗಕು ಯೆಹೂದ್ಯ ಒಬ್ಬಂಗು ಅಯಿಂಗಡ ಪದ್ದತಿರ ಪ್ರಕಾರ ಶುದ್ದವಾಯಿತ್ ಇಪ್ಪ ವಿಷಯತ್‍ಲ್ ವಾದ ಸುರು ಆಚಿ.

ಇಬ್ರಿಯ 1:9

ನೀನ್ ನೀತಿನ ಪ್ರೀತಿ ಮಾಡಿತ್, ದುಷ್ಟತನತ್‍ನ ದ್ವೇಶ ಮಾಡಿತುಳ್ಳಿಯ; ಆನಗುಂಡ್, ಓ ದೇವ, ನೀಡ ಕೂಟ್‌ಕಾರಂಗಕಿಂಜ ದುಂಬ ಜಾಸ್ತಿಯಾಯಿತ್ ನೀಡ ದೇವ ನಿನ್ನ ಕುಶೀರ ತೈಲತ್‍ರಗುಂಡ್ ಅಬಿಷೇಕ ಮಾಡ್‍ಚಿ.

ಇಬ್ರಿಯ 2:9

ಆಚೇಂಗಿಯು, ದೇವಡ ಕೃಪೇರಗುಂಡ್ ಯೇಸು ಎಲ್ಲಾರ್‍ಕಾಯಿತ್ ಚಾವ್‍ನ ತಾಂಡ ತಡೀಲ್ ಎಡ್‌ಪಕಾಯಿತ್, ಚೆನ್ನ ಸಮಯಕ್ ದೇವದೂತಂಗಕಿಂಜ ಅಂವೊನ ಕಮ್ಮಿ ಮಾಡ್‍ಚೀಂದ್ ನಂಗ ನೋಟಿಯಂಡುಂಡ್. ಅಂವೊ ಚಾವ್‍ನ ಸ್ವೀಕಾರ ಮಾಡ್‍ನಗುಂಡ್ ದೇವ ಅಂವೊನ ಮಿಹಿಮೇರಗುಂಡ್, ಗನತ್‍ರಗುಂಡ್ ರಾಜನಾಯಿತ್ ಮಾಡ್‍ಚಿ.