ಯೋಹಾನ 10:15 - ಕೊಡವ ಬೈಬಲ್

¹⁵ ಅನ್ನನೆ, ನಾನ್ ನಾಡ ಕೊರಿಯಂಗಕಾಯಿತ್ ನಾಡ ಜೀವತ್‍ನ ಕೊಡ್‌ಪಕು ತಯಾರಾಯಿತ್ ಉಳ್ಳ.

ಯೋಹಾನ 10:15 ပူးပေါင်းရင်းမြစ်များ

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:21

ಆ ಸಮಯತ್‍ಲ್ ದೇವಡ ಪವಿತ್ರಾತ್ಮನಗುಂಡ್ ಯೇಸು ಕುಶಿಪಟ್ಟಿತ್: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕೂ ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತ್ತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ. ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:22

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 10:11

ನಾನೇ ನಲ್ಲ ಕೊರಿ ಕಾಪಂವೊ; ನಲ್ಲ ಕೊರಿ ಕಾಪಂವೊ, ತಾಂಡ ಕೊರಿನ ಕಾಪಾಡ್‌ವಕಾಯಿತ್ ತಾಂಡ ಜೀವತ್‍ನ ಸಹ ತಪ್ಪ.

ಯೋಹಾನ 15:13

ಒಬ್ಬ ತಾಂಡ ಸ್ನೇಹಿತಂ‌ಗಾಯಿತ್ ಪ್ರಾಣತ್‍ನ ಕೊಡ್‍ಪ ಪ್ರೀತಿಗಿಂಜ ಬಲ್ಯ ಪ್ರೀತಿ ಬೋರೆ ಒಂದು ಇಲ್ಲೆ.

ಯೋಹಾನ 17:25

ನೀತಿವಂತ ಅಪ್ಪನೇ! ಈ ಲೋಕತ್‍ರ ಜನಕ್ ನೀನ್ ದಾರ್‍ೕಂದ್ ಗೊತ್ತ್‌ಲ್ಲೆ, ಆಚೇಂಗಿ ನಾಕ್ ನಿನ್ನ ಗೊತ್ತುಂಡ್; ನೀನ್ ನನ್ನ ಅಯಿಚದ್ ಈಂಗಕೂ ಗೊತ್ತುಂಡ್.

ಯೋಹಾನ 6:46

ದೇವಡಯಿಂಜ ಬಂದಂವೊನಲ್ಲತೆ ಬೋರೆ ದಾರೂ ಅಪ್ಪನಾನ ದೇವನ ಕಂಡಿತ್‌ಲ್ಲೆ, ಇಂವೊನೇ ದೇವನ ಕಂಡಂವೊ.

ಯೋಹಾನ 8:55

ಆಚೇಂಗಿಯು ಅಂವೊನ ನಿಂಗಕ್ ಗೊತ್ತ್‌ಲ್ಲೆ, ನಾಕ್ ಅಂವೊನ ಗೊತ್ತುಂಡ್; ಅಂವೊನ ನಾಕ್ ಗೊತ್ತ್‌ಲ್ಲೇಂದ್ ನಾನ್ ಎಣ್ಣ್‌ಚೇಂಗಿ, ನಾನ್ ನಿಂಗಡನೆಕೆ ಪೊಟ್ಟ್‌ಮಾರಿಯಾಯಿತ್‌ಪ್ಪಿ. ನಾಕ್ ಅಂವೊನ ಗೊತ್ತುಂಡ್, ಅಂವೊಂಡ ತಕ್ಕ್‌ಕ್ ನಾನ್ ಬಗ್ಗಿತ್ ನಡ್‍ಂದಿಯೆ.

ಗಲಾತ್ಯ 1:4

ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್.

ಗಲಾತ್ಯ 3:13

ಮರತ್‍ಲ್ ತೂಂಗಿತ್ ಚತ್ತ್‌ಪೋನ ಏದ್ ಮನುಷ್ಯನು ಶಾಪ ಪಡ್ಂದವೋಂದ್ ದೇವಡ ವಾಕ್ಯತ್‍ಲ್ ಉಂಡ್. ಅನ್ನನೆ, ಕ್ರಿಸ್ತ ನಂಗಕಾಯಿತ್ ಶಾಪವಾಯಿತ್, ನ್ಯಾಯಪ್ರಮಾಣತ್‍ರ ಶಾಪತ್ಂಜ ನಂಗಳ ಬುಡುಗಡೆ ಮಾಡಿತ್ ಕಾಪಾಡ್‍ಚಿ.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

1 ಯೋಹಾನ 2:2

ಅಂವೊನೇ ನಂಗಡ ಪಾಪತ್‍ನ ಪರಿಹಾರ ಮಾಡ್‌ವ ಬಲಿ ಅರ್ಪಣೆ. ನಂಗಡ ಪಾಪಕಾಯಿತ್ ಮಾತ್ರ ಅಲ್ಲ, ಲೋಕತ್‍ಲ್ ಉಳ್ಳ ಎಲ್ಲಾ ಜನಡ ಪಾಪಕು ತ್ಯಾಗ ಅರ್ಪಣೆಯಾಯಿತುಂಡ್.