ಯೋಹಾನ 10:12 - ಕೊಡವ ಬೈಬಲ್

¹² ಕೊರಿಕಾಪಂವೊನಲ್ಲತಂವೊ ಪಿಂಞ ಕೊರಿಡ ಎಜಮಾನ ಅಲ್ಲತಂವೊ, ತೋಳ ಬಪ್ಪದ್‍ನ ಕಾಂಬಕ, ಅಂವೊ ಕೊರಿಯಳ ಬುಟ್ಟಿತ್ ಓಡಿ ಪೋಪ; ಅಕ್ಕ ತೋಳ ಕೊರಿಯಳ ಪುಡ್‌ಚಿತ್ ಅಯಿಂಗಳ ಚದ್‍ರಿಚಿಡುವ.

ಯೋಹಾನ 10:12 ပူးပေါင်းရင်းမြစ်များ

ಮತ್ತಾಯ 10:16

ನೋಟಿ, ನಿಂಗಳ ತೋಳಯಡ ಮದ್ಯತ್ ಕೊರಿಯಳ ಅಯಿಪನೆಕೆ ನಾನ್ ನಿಂಗಳ ಅಯಿಚಂಡುಳ್ಳ. ಅದ್ಂಗಾಯಿತ್ ನಿಂಗ ಪಾಂಬ್‍ರನೆಕೆ ಜಾಣವಾಯಿತು, ಪಾರಿವಾಳರನೆಕೆ ಸಾದುವಾಯಿತು ಇರಿ.

ಮತ್ತಾಯ 7:15

ಕಳ್ಳ ಪ್ರವಾದಿಯಂಗಡ ವಿಷಯತ್ ಎಚ್ಚರತ್‍ಲ್ ಇರಿ. ಅಯಿಂಗ ಪೊರಮೆ ಸಾದು ಕೊರಿರನೆಕೆ ವೇಷ ಇಟ್ಟಂಡ್ ಬಪ್ಪ. ಆಚೇಂಗಿ, ಹೃದಯತ್‍ಲ್ ಅಯಿಂಗ, ಕೀತ್‍ವ ತೋಳರನೆಕೆ ಇಪ್ಪ.

ಯೋಹಾನ 10:13

ಆಳ್‍ವ ಬರಿ ಕೂಲಿಕ್ ಬಂದಿತ್ ಕೊರಿಯಳ ನೋಟ್‌ವಗುಂಡ್, ಓಡಿ ಪೋಪ, ಕೊರಿಯಕ್ ಎಂತಾಪಾಂದ್ ಅಂವೊ ಬೇಜಾರ್ ಮಾಡುಲೆ.

ಯೋಹಾನ 10:2

ಆಚೇಂಗಿ, ಕೊರಿಕೊಟ್ಟ್‌ರ ಪಡಿರ ಮೂಲಕ ಒಳ್‍ಕ್ ಬಪ್ಪಂವೊ ಆ ಕೊರಿಯಳ ಕಾಪಂವೊನಾಯಿತ್‌ಪ್ಪ.

ಯೋಹಾನ 10:3

ಕೊರಿಕೊಟ್ಟ್‌ರ ಪಡಿಕಾರ ಅಂವೊಂಗ್ ಪಡಿನ ತೊರ್‌ಪ; ಕೊರಿಯಳು ಅಂವೊಂಡ ಸದ್ದ್‌ನ ಗೊತ್ತ್ ಮಾಡ್‌ವ. ಅಂವೊ ತಾಂಡ ಕೊರಿಯಳ ಪೆದ ಎಣ್ಣಿತ್ ಕಾಕಿತ್, ಅಯಿಂಗಳ ಪೊರಮೆ ನಡ್‍ತಿಯಂಡ್ ಪೋಪ.

ಅಪೊಸ್ತಲ 20:29

ನಾನ್ ಇಲ್ಲಿಂಜ ಪೋನ ಪಿಂಞ ಗೋರವಾನ ತೋಳಂಗಡನೆಕೆ ಕಳ್ಳ ಬೋದನೆಕಾರಂಗ ನಿಂಗಡ ಪಕ್ಕ ಬಪ್ಪಾಂದ್ ನಾಕ್ ಗೊತ್ತುಂಡ್; ಅಯಿಂಗ ಸಬೆರ ಜನತ್‍ನ ಪಾಳ್ ಮಾಡತೆ ಬುಡುಲೆ.

1 ತಿಮೊಥೆಯ 3:3

ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು.

1 ತಿಮೊಥೆಯ 3:8

ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗಳು ಮರ್ಯಾದಸ್ತಂಗಳಾಯಿತ್ ಪಿಂಞ ನೇರಾನಯಿಂಗಳಾಯಿತ್ ಇರಂಡು; ಕುಡ್‍ಕಂಗಳಾಯಿತ್, ಕಳ್ಳತನತ್‌ಲ್ ಸಂಪಾದನೆ ಮಾಡ್‌ವಯಿಂಗಳಾಯಿತ್ ಇಪ್ಪಕ್ಕಾಗ.

2 ತಿಮೊಥೆಯ 4:10

ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ರ ಮೇಲೆ ಉಳ್ಳ ಆಸೆರಗುಂಡ್ ದೇಮ ನನ್ನ ಬುಟ್ಟಿತ್ ಥೆಸಲೊನೀಕ ಪಟ್ಟಣಕ್ ಪೋಯಿರ್‌ತ್. ಕ್ರೆಸ್ಕ, ಗಲಾತ್ಯಕ್ ಪಿಂಞ ತೀತ, ದಲ್ಮಾತ್ಯಕ್ ಪೋಯಿರ್‌ತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:7

ಸಬೆರ ಪೆರಿಯಯಿಂಗ ದೇವಡ ಮಕ್ಕಳ ಚಾಯಿತೆ ನಡ್‍ತಿಯಂಡ್ ಪೋಪ ಜವಾಬ್ದಾರಿ ಉಳ್ಳಂವೊನಾಯಿತ್ ಇಪ್ಪ. ಆನಗುಂಡ್, ದಾರೂ ಕುತ್ತ ಪರಿಯುವಕ್ ಕಯ್ಯತನೆಕೆ ಅಂವೊಂಡ ಬದ್‍ಕ್ ಇರಂಡು. ಅಂವೊಂಡ ಕುಶೀರನೆಕೆ ಮಾಡ್‍ವಂವೊನಾಯಿತು, ಬೆರಿಯ ಚೆಡಿ ಬಪ್ಪಂವೊನಾಯಿತು, ಕುಡಿಪಂವೊನಾಯಿತು, ಜಗಳ ಮಾಡ್‌ವಕ್ ಕುಶಿಯುಳ್ಳಂವೊನಾಯಿತು, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತು ಇಪ್ಪಕ್ಕಾಗ.

1 ಪೇತ್ರ 5:2

ನಿಂಗಡಲ್ಲಿ ಉಳ್ಳ ದೇವಡ ಮಕ್ಕಳ ನಿಂಗ ಚಾಯಿತೆ ಒರ್ ಕೊರಿ ಗುಂಪ್‍ನ ನೋಟ್‍ವನೆಕೆ ಪೆರಿಯಯಿಂಗಡ ಸೇವೇನ ಮಾಡಂಡು. ಒತ್ತಾಯತ್‌ಲ್ ಅಲ್ಲ, ದೇವ ಕುಶಿಪಡ್‌ವನೆಕೆ ಮನಪೂರ್ವವಾಯಿತ್ ಪಿಂಞ ಕೆಟ್ಟ ಆದಾಯಕಾಯಿತ್ ಅಲ್ಲ, ಪುರ್‌ಡುಳ್ಳ ಮನಸ್ಸ್‌ಲ್ ಮಾಡಂಡು.

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.