ಯೋಹಾನ 10:10 - ಕೊಡವ ಬೈಬಲ್

¹⁰ ಕಳ್ಳ, ಬರಿ ಕಟ್ಟಂಡ್ ಪೋಪಕಾಯಿತು, ಕೊಲೆ ಮಾಡ್‌ವಕಾಯಿತು, ಪಾಳ್ ಮಾಡ್‌ವಕಾಯಿತು ಮಾತ್ರ ಬಪ್ಪ. ಆಚೇಂಗಿ, ನಾನ್ ಅಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಕು, ಆ ಜೀವತ್‍ನ ಅಯಿಂಗ ಪೂರ್ತಿಯಾಯಿತ್ ಅನುಬವಿಚಿಡುವಕು ಬಂದಿಯೆ.

ಯೋಹಾನ 10:10 ပူးပေါင်းရင်းမြစ်များ

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮತ್ತಾಯ 18:11

ಪಾಪತ್‍ರಗುಂಡ್ ದೇವಡಯಿಂಜ ಕಳೆಂದ್ ಪೋನ ಜನಳ ಕಾಪಾಡ್‌ವಕಾಯಿತ್ ಮನುಷ್ಯಕುಮಾರ ಬಾತ್.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 21:13

ನಾಡ ಮನೆ ಪ್ರಾರ್ಥನೆರ ಮನೆಯಾಯಿತ್ ಇಪ್ಪಾಂದ್ ಒಳ್‌ದಿತುಂಡಲ್ಲಾ, ಆಚೇಂಗಿ ನಿಂಗ ಅದ್‍ನ ಕಳ್ಳಂಗಡ ಗುಹೆರನೆಕೆ ಮಾಡಿರಾಂದ್ ಎಣ್ಣ್‌ಚಿ.

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮಾರ್ಕ 11:17

ನಾಡ ಮನೆ ಎಲ್ಲಾ ದೇಶತ್‍ರ ಜನಕ್ ಪ್ರಾರ್ಥನೆರ ಮನೆಯಾಯಿತ್ ಇಪ್ಪಾಂದ್ ದೇವಡ ವಾಕ್ಯತ್‍ಲ್ ಒಳ್‌ದಿತ್‌ಲ್ಲೆಯಾ? ಆಚೇಂಗಿ ನಿಂಗ ಅದ್‍ನ ಕಳ್ಳಂಗಡ ಗುಹೆರನೆಕೆ ಮಾಡಿತುಳ್ಳಿರಾಂದ್ ಅಯಿಂಗಕ್ ಪಡಿಪ್‌ಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:10

ಪಾಳಾಯಿ ಪೋನದ್‍ನ ತ್‍ೕಡ್‍ವಕು ಅದ್‍ನ ಕಾಪಾಡ್‌ವಕು ಮನುಷ್ಯಕುಮಾರ ಬಾತ್‍ೕಂದ್ ಎಣ್ಣ್‌ಚಿ.

ಯೋಹಾನ 10:1

ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ; ಕೊರಿಕೊಟ್ಟ್‌ರ ಪಡಿನ ಬುಟ್ಟಿತ್, ಬೋರೆ ಮಾರ್ಗವಾಯಿತ್ ಒಳ್‍ಕ್ ಬಪ್ಪಂವೊ ಕಳ್ಳನಾಯಿತು ಲೂಟಿಕಾರನಾಯಿತೇ ಇಪ್ಪ.

ಯೋಹಾನ 10:11

ನಾನೇ ನಲ್ಲ ಕೊರಿ ಕಾಪಂವೊ; ನಲ್ಲ ಕೊರಿ ಕಾಪಂವೊ, ತಾಂಡ ಕೊರಿನ ಕಾಪಾಡ್‌ವಕಾಯಿತ್ ತಾಂಡ ಜೀವತ್‍ನ ಸಹ ತಪ್ಪ.

ಯೋಹಾನ 12:47

ಒಬ್ಬ ನಾಡ ತಕ್ಕ್‌ನ ಕ್‍ೕಟಿತ್ ಅದ್‍ನ ನಂಬತೆ ಪೋನಕ, ಅಂವೊನ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಈ ಲೋಕಕ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬಂದಿತ್‌ಲ್ಲೆ, ಅದ್‍ನ ಕಾಪಾಡ್‌ವಕಾಯಿತೇ ಬಂದಿಯೆ.

ಯೋಹಾನ 12:6

ಅಂವೊ, ನೇರಾಯಿತು ಗರೀಬಂಗಡ ಮೇಲೆ ಕನಿಕರ ಇಂಜಗುಂಡ್ ಅನ್ನನೆ ಎಣ್ಣಿತ್‌ಲ್ಲೆ. ಅಂವೊ ಕಳ್ಳನಾಯಿತ್ ಇಂಜತ್. ದುಡ್ಡ್‌ರ ಚೀಲ ಅಂವೊಂಡ ಪಕ್ಕ ಇಂಜತ್, ಅಲ್ಲಿಂಜ ಅಂವೊ ಎಡ್‍ಪಕಿಂಜತ್.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಯೋಹಾನ 5:40

ಅನ್ನನೆ ಇಂಜತೇಂಗಿಯು, ನಿಂಗಕ್ ನಿತ್ಯ ಜೀವ ಉಂಟಾಪಕ್ ನಾಡ ಪಕ್ಕ ಬಪ್ಪಕ್ ನಿಂಗಕ್ ಮನಸ್ಸಿಲ್ಲೆ.

ಯೋಹಾನ 6:33

ಪರಲೋಕತ್ಂಜ ಇಳ್ಂಜಿ ಬಂದಿತ್ ಈ ಲೋಕತ್‍ರ ಮನುಷ್ಯಂಗಕಾಯಿತ್ ಜೀವ ತಪ್ಪ ಒಟ್ಟಿಯೇ ದೇವ ತಪ್ಪ ಒಟ್ಟೀಂದ್ ಎಣ್ಣ್‌ಚಿ.

ಯೋಹಾನ 6:51

ನಾನೇ ಪರಲೋಕತ್ಂಜ ಬಂದ ಜೀವತ್‍ರ ಒಟ್ಟಿ; ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕ್‍ವ; ನಾನ್ ತಪ್ಪ ಒಟ್ಟಿ ನಾಡ ತಡಿಯೇ. ಈ ಲೋಕತ್‍ರ ಜನ ನಿತ್ಯ ಜೀವ ಪಡೆಯುವಕಾಯಿತ್ ನಾನ್ ನಾಡ ತಡೀನ ತಪ್ಪೀಂದ್ ಎಣ್ಣ್‌ಚಿ.

ರೋಮ್ 2:21

ಇನ್ನನೆ ಇಪ್ಪಕ, ಬೋರೆಯಿಂಗಕ್ ಬೋದನೆ ಮಾಡ್‌ವ ನಿಂಗ, ನಿಂಗಕ್ ಬೋದನೆ ಮಾಡತೆ ಇಪ್ಪದ್ ಎನ್ನಂಗ್? ಕಕ್ಕಂಡಾಂದ್ ಬೋದನೆ ಮಾಡ್‌ವ ನಿಂಗಳೇ, ಕಕ್ಕಲುವ?

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

ಇಬ್ರಿಯ 6:17

ಅನ್ನನೆ ದೇವ ಸಹ, ವಾಗ್ದಾನ ಮಾಡ್‍ನದ್‍ನ ಪಡೆಯುವಯಿಂಗಕ್, ತಾಂಡ ಆಲೋಚನೆರ ಬದ್‍ಲಾಕತ ನಿಶ್ಚಯತ್‍ನ ಪೂರ್ತಿಯಾಯಿತ್ ಕಾಂಬ್‍ಚಿಡುವಕ್ ಕುಶಿಪಟ್ಟಗುಂಡ್, ಒರೇ ಆಣೆರ ಮೂಲಕ ಸ್ತಿರಪಡ್‍ತ್‍ಚಿ.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

2 ಪೇತ್ರ 1:11

ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.