ಯೋಹಾನ 1:5 - ಕೊಡವ ಬೈಬಲ್

⁵ ಆ ಬೊಳಿ ಇರ್‌ಟ್‌ಲ್ ಕತ್ತಿಯಂಡಿಂಜತ್, ಆಚೇಂಗಿ ಇರ್‌ಟ್ ಆ ಬೊಳಿನ ಪುಡ್‍ಚಿ ಬೆಪ್ಪಕ್ ಕಯಿಂಜಿತ್‌ಲ್ಲೆ.

ಯೋಹಾನ 1:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:22

ಸಾದು ಜನಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಮೂಡತನತ್‌ಲ್‌ ಕುಶಿಪಡುವಿರಾ? ಪರಿಹಾಸ ಮಾಡ್‌ವಯಿಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಪರಿಹಾಸ ಮಾಡ್‌ವದ್‌ಲ್‌ ಕುಶಿಪಡುವಿರಾ? ಮೂಡಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಅರಿವ್‌ನ ದ್ವೇಷ ಮಾಡುವಿರ?

ಮತ್ತಾಯ 5:15

ದಾರೂ ಬೊಳ್‌ಚತ್‍ನ ಕತ್ತ್‌ಚಿಡುವಂಜಿ ಒರ್ ಪಾತ್ರತ್‍ರ ಒಳ್‍ಲ್ ಮುಚ್ಚಿತ್ ಬೆಪ್ಪುಲೆ. ಅದ್‍ನ ಬೊಳ್‍ಚ ಕಂಬತ್‍ಲ್ ಬೆಪ್ಪ. ಅದ್ ಮನೆಲ್ ಉಳ್ಳಯಿಂಗಕೆಲ್ಲಾ ಬೊಳಿಯಾಯಿತ್ ಮಿನ್ನುವ.

ಯೋಹಾನ 1:10

ಅಂವೊ ಈ ಲೋಕತ್‍ಲ್ ಇಂಜತ್, ಅಂವೊಂಡ ಮೂಲಕ ಲೋಕತ್‍ನ ದೇವ ಸೃಷ್ಟಿ ಮಾಡ್‍ಚಿ. ಆಚೇಂಗಿ ಅಯಿಂಗ ಅಂವೊನ ಅರ್ಥ ಮಾಡಿತ್‌ಲ್ಲೆ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 1:28

ಅಯಿಂಗಕ್ ದೇವನ ಗೊತ್ತ್ ಮಾಡ್‌ವ ಬುದ್ದಿನ ಗೇನಮಾಡ್‌ವಕ್ ಕುಶಿಯಿಲ್ಲತಗುಂಡ್, ಮಾಡ್‌ವಕ್ಕಾಗತ ಕೆಟ್ಟ ಕೆಲಸತ್‍ನ ಮಾಡ್‌ವಕುಳ್ಳ ಗೇನಕ್ ದೇವ ಅಯಿಂಗಳ ಒಪ್ಪ್‌ಚಿಟ್ಟ್‌ರ್‌ತ್.

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.