ಯೋಹಾನ 1:49 - ಕೊಡವ ಬೈಬಲ್

⁴⁹ ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 1:49 ပူးပေါင်းရင်းမြစ်များ

ಮತ್ತಾಯ 14:33

ಅಕ್ಕ, ದೋಣಿಲ್ ಇಂಜಯಿಂಗ ಬಂತ್: ನೀನ್ ನೇರಾಯಿತು ದೇವಡ ಮೋಂವೋಂದ್ ಎಣ್ಣಿತ್, ಯೇಸುನ ಆರಾದನೆ ಮಾಡ್‍ಚಿ.

ಮತ್ತಾಯ 2:2

ಯೆಹೂದ್ಯಂಗಡ ರಾಜನಾಯಿತ್ ಪುಟ್ಟ್‌ನ ಕುಂಞಿ ಎಲ್ಲಿ? ಕ್‍ೕಕ್ ದಿಕ್ಕ್‌ಲ್ ಅಂವೊಂಡ ನಕ್ಷತ್ರತ್‍ನ ಕಂಡಿತ್, ಅಂವೊನ ಆರಾದನೆ ಮಾಡ್‌ವಕ್ ನಂಗ ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 21:5

ಚೀಯೋನ್‍ರ ಮಕ್ಕಕ್ ಎಣ್ಣಿ, ನೋಟಿ ನಿಂಗಡ ರಾಜ ನಿಂಗಡ ಪಕ್ಕ ಬಂದಂಡ್ ಉಂಡ್, ಅಂವೊ ಶಾಂತ ಗುಣ ಉಳ್ಳಂವೊನಾಯಿತು ಕತ್ತೆರ ಮೇಲೆ, ಅಕ್ಕು ಕತ್ತೆ ಕುಟ್ಟಿರ ಮೇಲೆ ಬಪ್ಪಾಂದ್ ಎಣ್ಣ್‌ವದೇ.

ಮತ್ತಾಯ 23:7

ಚತ್ತೆಲ್ ಎಲ್ಲಾರು ಮರ್ಯಾದೆ ಕೊಡ್‌ಕಡ್ ಎಣ್ಣಿಯಂಡ್, ಎಲ್ಲಾರು ಅಯಿಂಗಳ ಉಪಾದ್ಯನೇಂದ್ ಕಾಕಂಡೂಂದ್ ಅಯಿಂಗ ಆಸೆ ಪಡುವ.

ಮತ್ತಾಯ 23:8

ನಿಂಗಳ ದಾರೂ ಉಪಾದ್ಯನೇಂದ್ ಕಾಕ್‍ವಕ್ ಬುಡತಿ. ಕ್ರಿಸ್ತ ಒಬ್ಬನೇ ನಿಂಗಕ್ ಉಪಾದ್ಯನಾಯಿತುಂಡ್. ನಿಂಗ ಎಲ್ಲಾರು ಅಣ್ಣತಮ್ಮಣಂಗಳಾಯಿತುಳ್ಳಿರ.

ಮತ್ತಾಯ 27:11

ಯೇಸು ಅದಿಪತಿಕ್ ಎದಿಕೆ ನಿಂದಿತ್ಂಜತ್. ಅದಿಪತಿ ಅಂವೊನ ನೋಟಿತ್: ನೀನ್ ಯೆಹೂದ್ಯ ಜನಡ ರಾಜನಾಂದ್ ಕ್‍ೕಟತ್. ಅಕ್ಕು, ನೀನ್ ಎಣ್ಣ್‌ನನೆಕೇಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 27:42

ನೀನ್ ಬೋರೆಯಿಂಗಳ ಬಚಾವ್ ಮಾಡಿಯಾ, ಆಚೇಂಗಿ ನಿನ್ನ ನೀಕ್ ಇಕ್ಕ ಬಚಾವ್ ಮಾಡ್‌ವಕ್ ಕಯಿಂಜಿತ್‌ಲ್ಲೆ. ಇಂವೊ ಇಸ್ರಾಯೇಲ್‍ರ ರಾಜಾನಲ್ಲ? ಇಕ್ಕ ಅಂವೊ ಶಿಲುಬೆಯಿಂಜ ಇಳಿಂಜಿತ್ ಬರಡ್, ಅಕ್ಕ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ.

ಮತ್ತಾಯ 4:3

ಅಕ್ಕ ಸೈತಾನ ಯೇಸುರ ಪಕ್ಕ ಬಂತ್: ನೀನ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 15:32

ಇಸ್ರಾಯೇಲ್‍ರ ರಾಜಾಂದ್ ಎಣ್ಣುವ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇಕ್ಕ ಶಿಲುಬೆಯಿಂಜ ಇಳಿಂಜಿತ್ ಬಂದತೇಂಗಿ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ. ಯೇಸುರ ಕೂಡೆ ಶಿಲುಬೇಕ್ ಇಟ್ಟ ದಂಡ್ ಕಳ್ಳಂಗಳು ಯೇಸುನ ಅದೇ ಪ್ರಕಾರ ನಿಂದನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:35

ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:38

ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ, ಪರಲೋಕತ್‍ಲ್ ಸಮಾದಾನ ಇಕ್ಕಡ್, ಪರಲೋಕತ್‍ಲ್ ದೇವಕ್ ಮಹಿಮೆ ಕ್‍ಟ್ಟಡ್‍ೕಂದ್ ತುದಿಚತ್.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 1:34

ಅನ್ನನೆ ನಾನ್ ಕಂಡಿತ್, ಇಂವೊನೇ ದೇವಡ ಮೋಂವೋಂದ್ ಸಾಕ್ಷಿ ಕೊಡ್‌ತಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 1:38

ಯೇಸು ಬಯ್ಯಕ್ ತಿರಿತ್ ನೋಟುವಕ ಅಯಿಂಗ ತಾಂಡ ಬಯ್ಯಕ್ ಬಪ್ಪದ್‍ನ ಕಂಡಿತ್, ನಿಂಗಕ್ ಎಂತ ಬೋಂಡೂಂದ್ ಕ್‍ೕಟತ್. ಅದ್ಂಗ್ ಅಯಿಂಗ: ಉಪಾದ್ಯನೇ, ನೀನ್ ಎಲ್ಲಿ ವಾಸ ಮಾಡಿಯಂಡ್ ಉಳ್ಳಿಯಾಂದ್ ಕ್‍ೕಟತ್.

ಯೋಹಾನ 1:50

ಯೇಸು ಅಂವೊಂಗ್: ನಿನ್ನ ಅತ್ತಿಪಣ್ಣ್ ಮರತ್‍ರ ಅಡಿಲ್ ಕಂಡಿಯೇಂದ್ ಎಣ್ಣ್‌ನಾಂಗ್ ನೀನ್ ನಂಬ್‍ನ; ಇದ್‌ಂಗಿಂಜ ಬಲ್ಯ ಬಲ್ಯ ಕಾರ್ಯ ನಡ್‌ಪಾನ ಕಾಂಬಿಯ.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಯೋಹಾನ 4:31

ಇದ್ಂಡ ಮದ್ಯತ್‍ಲ್, ಅಂವೊಂಡ ಶಿಷ್ಯಂಗ: ಉಪಾದ್ಯನೇ, ನೀನ್ ಉಣ್ಣ್‌ಂದ್ ಅಂವೊನ ಬೋಡಿಯಂಡತ್.