ಯೋಹಾನ 1:4 - ಕೊಡವ ಬೈಬಲ್

⁴ ಅಂವೊಂಡಲ್ಲಿ ಜೀವ ಇಂಜತ್. ಆ ಜೀವ ಮನುಷ್ಯಂಗಕ್ ಬೊಳಿಯಾಯಿತ್ಂಜತ್.

ಯೋಹಾನ 1:4 ပူးပေါင်းရင်းမြစ်များ

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಮತ್ತಾಯ 4:16

ಇರ್‌ಟ್‌ಲ್ ಉಳ್ಳ ಜನಯೆಲ್ಲ ಬಲ್ಯ ಬೊಳಿನ ಕಂಡತ್; ಚಾವ್‍ರ ದಿಕ್ಕ್‌ಲ್ ಉಳ್ಳಯಿಂಗಕ್ ಬೊಳಿ ಉದ್‍ಚಿತ್‍ೕಂದ್, ಯೆಶಾಯ ಪ್ರವಾದಿ ಎಣ್ಣ್‌ನದ್ ಪೂರ್ತಿ ಆಪನೆಕೆ ಇನ್ನನೆ ಆಚಿ.

ಯೋಹಾನ 11:25

ಯೇಸು ಅವಳ ನೋಟಿತ್: ನಾನೇ ಚತ್ತ್ ಪೋನಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿಯುಳ್ಳಂವೊನು, ನಾನೇ ನಿತ್ಯ ಜೀವತ್‍ನ ತಪ್ಪಂವೊನೂ ಆಯಿತುಂಡ್. ನಾಡ ಮೇಲೆ ನಂಬಿಕೆ ಇಡ್‌ವಯಿಂಗ ಚತ್ತ್ ಪೋಚೇಂಗಿಯು ಪುನಃ ಬದ್‍ಕ್‍ವ.

ಯೋಹಾನ 12:35

ಯೇಸು ಅಯಿಂಗಕ್: ಈ ಬೊಳಿ ಇಂಞು ಚೆನ್ನ ನೇರ ಮಾತ್ರ ನಿಂಗಡ ಕೂಡೆ ಇಪ್ಪ, ಇರ್‌ಟ್‌ಲ್ ಚಿಕ್ಕತನೆಕೆ, ಈ ಬೊಳಿಲ್ ಎಕ್ಕಾಲು ನಿಂಗ ಇರಿ, ಇರ್‌ಟ್‌ಲ್ ಇಪ್ಪಂವೊ ಅಂವೊ ಎಲ್ಲಿಕ್ ಪೋಯಂಡುಂಡ್‍ೕಂದ್ ಅಂವೊಂಗ್ ಗೊತ್ತಾಪುಲೆ.

ಯೋಹಾನ 12:46

ನಾಡ ಮೇಲೆ ನಂಬಿಕೇಲ್ ಉಳ್ಳಯಿಂಗ ದಾರೂ ಇರ್‌ಟ್‌ಲ್ ಇಕ್ಕತನೆಕೆ, ನಾನ್ ಈ ಲೋಕಕ್ ಬೊಳಿಯಾಯಿತ್ ಬಂದಿಯೆ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 3:19

ಅಯಿಂಗಕ್ ಶಿಕ್ಷೇರ ತೀರ್ಪ್ ಕ್‍ಟ್ಟುವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊ ಈ ಲೋಕಕ್ ಬೊಳಿಯಾಯಿತ್ ಬಾತ್, ಆಚೇಂಗಿ ಜನಡ ಕ್ರಿಯೆ ಕೆಟ್ಟದಾಯಿತ್ಂಜಗುಂಡ್, ಅಯಿಂಗ ಆ ಬೊಳಿಕಿಂಜ ಇರ್‌ಟ್‌ನ ಪ್ರೀತಿ ಮಾಡ್‍ಚಿ.

ಯೋಹಾನ 5:21

ಅಪ್ಪ, ಚತ್ತ್ ಪೋನಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವನೆಕೆ, ಮೋಂವೊನು ಸಹ ಅಂವೊಂಗ್ ಕುಶಿಯುಳ್ಳಯಿಂಗಳ ಜೀವವಾಯಿತ್ ಎಪ್ಪಿತ್ ಬದ್‍ಕ್‍ಚಿಡ್‌ವ.

ಯೋಹಾನ 5:26

ಎನ್ನಂಗೆಣ್ಣ್‌ಚೇಂಗಿ, ಅಪ್ಪಂಗ್ ಎನ್ನನೆ ಸ್ವಂತವಾಯಿತ್ ಜೀವ ಉಂಡೋ, ಅನ್ನನೆ ಮೋಂವೊಂಗ್ ಸಹ ಸ್ವಂತವಾಯಿತ್ ಜೀವ ಉಳ್ಳನೆಕೆ ಅಂವೊ ಮಾಡಿರ್‌ತ್.

ಯೋಹಾನ 8:12

ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

ಯೋಹಾನ 9:5

ನಾನ್ ಈ ಲೋಕತ್‍ಲ್ ಇಪ್ಪಕತ್ತನೆ, ನಾನ್ ಲೋಕಕ್ ಬೊಳಿಯಾಯಿತುಳ್ಳ್.

ಅಪೊಸ್ತಲ 26:23

ಪ್ರವಾದಿಯಂಗಳು ಮೋಶೇಯು ಮಿಂಞಲೇ ಎಣ್ಣ್‌ನನೆಕೆ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಕಷ್ಟಪಟ್ಟಿತ್ ಚಾವಾಂದು, ಚತ್ತಯಿಂಗ ಪುನಃ ಜೀವವಾಯಿತ್ ಎದ್ದಿತ್ ಬಪ್ಪಯಿಂಗಡಡೆಲ್ ಇಂವೊನೇ ಆದ್ಯವಾಯಿತ್ ಇಪ್ಪಾಂದು, ಅಂವೊ ಎದ್ದಿತ್ ಅಂವೊಂಡ ಜನಕು, ಯೆಹೂದ್ಯಂಗಲ್ಲತ ಬೋರೆ ಜನಾಂಗಕು, ಬೊಳಿನ ಅರಿಚಿಡುವಾಂದು ಉಳ್ಳದ್‍ನ ಬುಟ್ಟಿತ್ ಬೋರೆ ಒಂದು ನಾನ್ ಎಣ್ಣಿಯಂಡಿಲ್ಲೇಂದ್ ಎಣ್ಣ್‌ಚಿ.

1 ಕೊರಿಂಥ 15:45

ದೇವಡ ವಾಕ್ಯತ್‍ಲ್ ಉಳ್ಳನೆಕೆ, ಆದ್ಯ ಮನುಷ್ಯನಾನ ಆದಾಮನ ದೇವ ಸೃಷ್ಟಿ ಮಾಡ್‌ವಕ ಅಂವೊನ ಜೀವ ಉಳ್ಳ ಮನುಷ್ಯನಾಯಿತ್ ಮಾಡ್‍ಚಿ. ಆಚೇಂಗಿ ದಂಡನೆ ಆದಾಮನಾನ ಕ್ರಿಸ್ತ, ಚಾವ್‍ಯಿಂಜ ಎಪ್ಪ್‌ಚಿಡ್‍ವ ಆತ್ಮೀಯ ಜೀವ ತಪ್ಪಂವೊನಾಯಿತ್ ಆಚಿ.

ಎಫೆಸ 5:14

ಆನಗುಂಡ್, ವರಿಯಂಡ್ ಉಳ್ಳ ನೀ, ಎಚ್ಚರ ಎಡ್‌ತ, ಚತ್ತಯಿಂಗಡ ಮದ್ಯತ್ಂಜ ಏಳ್, ಅಕ್ಕ, ನೀಡ ಮೇಲೆ ಕ್ರಿಸ್ತಂಡ ಬೊಳಿ ಮಿನ್ನುವಾಂದ್ ಎಣ್ಣಿತುಂಡ್.

ಕೊಲೊಸ್ಸೆ 3:4

ನಿಂಗಡ ನೇರಾನ ಜೀವವಾಯಿತುಳ್ಳ ಕ್ರಿಸ್ತ, ಅಂವೊ ಪುನಃ ಬಪ್ಪಕ, ನಿಂಗಳು ಸಹ ಅಂವೊಂಡ ಮಹಿಮೆಲ್ ಬಪ್ಪಿರ.

1 ಯೋಹಾನ 1:1

ನಂಗ ನಿಂಗಕ್ ಒಳ್‍ದ್‍ವ ಜೀವತ್‍ರ ತಕ್ಕ್‌ರ ವಿಷಯ ಆದಿಯಿಂಜಲೆ ಬಂದದ್. ಅದ್‍ನ ನಂಗ ನಂಗಡ ಕೆಮಿಲ್ ಕ್‍ೕಟಿತ್ ಕಣ್ಣಾರೆ ಕಂಡಿತುಂಡ್; ಅಕ್ಕು, ನಂಗ ಅದ್‍ನ ನೋಟಿತ್, ನಂಗಡ ಕೈಯಿಂಜ ಮುಟ್ಟಿತುಂಡ್.

1 ಯೋಹಾನ 1:2

ಆ ಜೀವ ಕಾಂಬಕಾಚಿ, ನಂಗ ಅದ್‍ನ ಕಂಡಿತ್ ಸಾಕ್ಷಿ ತಪ್ಪ. ಆನಗುಂಡ್, ನಂಗಕ್ ಗೊತ್ತ್ ಮಾಡಿತ್ ಅರಿಚಿಟ್ಟ ಅಪ್ಪನಾನ ದೇವಡ ಕೂಡೆ ಇಂಜ ನಿತ್ಯ ಜೀವತ್‍ರ ವಿಷಯತ್‍ನ ನಿಂಗಕ್ ಎಣ್ಣ್‌ವಿ.

1 ಯೋಹಾನ 5:11

ಆ ಸಾಕ್ಷಿ ಎಂತ್‍ೕಂದ್ ಎಣ್ಣ್‌ಚೇಂಗಿ ದೇವ ನಂಗಕ್ ನಿತ್ಯ ಜೀವತ್‍ನ ತಾತ್. ಈ ಜೀವ ದೇವಡ ಮೋಂವೊಂಡಿಂಜ ಬಂದದ್.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.