ಯೋಹಾನ 1:29 - ಕೊಡವ ಬೈಬಲ್

²⁹ ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 1:29 ပူးပေါင်းရင်းမြစ်များ

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಯೋಹಾನ 1:35

ಪಿತ್ಯಾಂದ್ ಯೋಹಾನ ತಾಂಡ ದಂಡ್ ಶಿಷ್ಯಂಗಡ ಕೂಡೆ ಅಲ್ಲಿ ನಿಂದಂಡಿಂಜತ್.

ಯೋಹಾನ 1:36

ಅಕ್ಕ, ಅಲ್ಲಿ ಯೇಸು ನಡ್ಂದ್ ಪೋಯಂಡಿಪ್ಪದ್‍ನ ಕಂಡಿತ್: ನೋಟಿ, ದೇವಡ ಕೊರಿಕುಟ್ಟೀಂದ್ ಎಣ್ಣ್‌ಚಿ.

ಯೋಹಾನ 1:43

ಪಿತ್ಯಾಂದ್ ಗಲಿಲಾಯಕ್ ಪೋಪಕ್ ಯೇಸು ತೀರ್ಮಾನ ಮಾಡ್‍ಚಿ. ಅಲ್ಲಿ ಎತ್ತ್‌ವಕ, ಫಿಲಿಪ್ಪಾಂದ್ ಒಬ್ಬನ ಕಂಡಿತ್, ನಾಡ ಬಯ್ಯಕ್ ಬಾಂದ್ ಎಣ್ಣ್‌ಚಿ.

ಯೋಹಾನ 2:1

ಮೂಂದನೆ ದಿವಸತ್‍ಲ್, ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಒರ್ ಮಂಗಲ ಇಂಜತ್. ಯೇಸುರ ಅವ್ವಳು ಅಲ್ಲಿ ಬಂದಿತ್ಂಜತ್.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಯೋಹಾನ 4:42

ಅಯಿಂಗ ಆ ಪೊಣ್ಣಾಳ್‌ಕ್, ಇಕ್ಕ ನಂಗ ನೀಡ ತಕ್ಕ್‌ನ ಕ್‍ೕಟಿತ್ ಇಂವೊನ ನಂಬಿತ್‌ಲ್ಲೆ, ನಂಗಳೇ ಅಂವೊಂಡ ತಕ್ಕ್‌ನ ಕ್‍ೕಟಿತ್, ನೇರಾಯಿತು ಇಂವೊನೇ ಈ ಲೋಕತ್‍ನ ಕಾಪಾಡ್‌ವ ರಕ್ಷಕನಾನ ಕ್ರಿಸ್ತಾಂದ್ ಗೊತ್ತಾನಗುಂಡ್ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 6:51

ನಾನೇ ಪರಲೋಕತ್ಂಜ ಬಂದ ಜೀವತ್‍ರ ಒಟ್ಟಿ; ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕ್‍ವ; ನಾನ್ ತಪ್ಪ ಒಟ್ಟಿ ನಾಡ ತಡಿಯೇ. ಈ ಲೋಕತ್‍ರ ಜನ ನಿತ್ಯ ಜೀವ ಪಡೆಯುವಕಾಯಿತ್ ನಾನ್ ನಾಡ ತಡೀನ ತಪ್ಪೀಂದ್ ಎಣ್ಣ್‌ಚಿ.

ಅಪೊಸ್ತಲ 13:39

ಮೋಶೇರ ನ್ಯಾಯಪ್ರಮಾಣತ್‍ರಗುಂಡ್ ನಿಂಗ ನೀತಿವಂತಯಿಂಗಳಾಯಿತ್ ಆಪಕ್ ಕಯ್ಯತೆ ಇಂಜಿರ. ಆಚೇಂಗಿ, ಯೇಸುರ ಮೂಲಕ, ದಾರೆಲ್ಲಾ ಅಂವೊಂಡ ಮೇಲೆ ನಂಬಿಕೆ ಇಡ್‌ವ, ಅಯಿಂಗೆಲ್ಲ ನೀತಿವಂತಯಿಂಗಳಾಯಿತ್ ಆಪಕ್ ಅಂವೊ ಮಾಡ್‍ಚಿ.

ಅಪೊಸ್ತಲ 8:32

ಅಂವೊ ಓದಿಯಂಡ್ ಇಂಜ ದೇವಡ ವಾಕ್ಯ ಇನ್ನನೆ ಇಂಜತ್: ಕೊಲ್ಲ್‌ವಕ್ ಕೊಂಡ್ ಪೋಪ ಒರ್ ಕೊರಿರನೆಕೆ ಅಂವೊನ ಕೊಂಡ್ ಪೋಚಿ; ಒರ್ ಕೊರಿ ಕುಟ್ಟಿರನೆಕೆ ತಾಂಡ ರೋಮತ್‍ನ ಮುರಿಪಂವೊಂಡ ಮಿಂಞತ್ ಮೌನತ್‍ಲ್ ಇಪ್ಪ, ಅನ್ನನೆ ಅಂವೊ ತಾಂಡ ಬಾಯಿನ ತೊರಕತಂವೊನಾಯಿತ್ಂಜತ್.

1 ಕೊರಿಂಥ 15:3

ನಾಕ್ ದೇವ ಪಡಿ‍ಪ್‍ಚಿಟ್ಟ ಮುಕ್ಯವಾನ ವಿಷಯತ್‍ನ ನಾನ್ ನಿಂಗಕ್ ಒಪ್ಪ್‌ಚಿಟ್ಟಿಯೆ. ಅದ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಂಗಡ ಪಾಪಕ್ ಪರಿಹಾರವಾಯಿತ್ ದೇವಡ ವಾಕ್ಯ ಎಣ್ಣ್‌ನನೆಕೆ ಚತ್ತತ್.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಗಲಾತ್ಯ 1:4

ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್.

ಗಲಾತ್ಯ 3:13

ಮರತ್‍ಲ್ ತೂಂಗಿತ್ ಚತ್ತ್‌ಪೋನ ಏದ್ ಮನುಷ್ಯನು ಶಾಪ ಪಡ್ಂದವೋಂದ್ ದೇವಡ ವಾಕ್ಯತ್‍ಲ್ ಉಂಡ್. ಅನ್ನನೆ, ಕ್ರಿಸ್ತ ನಂಗಕಾಯಿತ್ ಶಾಪವಾಯಿತ್, ನ್ಯಾಯಪ್ರಮಾಣತ್‍ರ ಶಾಪತ್ಂಜ ನಂಗಳ ಬುಡುಗಡೆ ಮಾಡಿತ್ ಕಾಪಾಡ್‍ಚಿ.

1 ತಿಮೊಥೆಯ 2:6

ಎಲ್ಲಾ ಜನಳು ಬುಡ್‍ಗಡೆ ಆಂಡೂಂದ್ ಅದ್ಂಗುಳ್ಳ ಬೆಲೆಯಾಯಿತ್ ಅಂವೊನ ಅಂವೊನಾಯಿತೇ ಬಲಿಯಾಪನೆಕೆ ಮರಣಕ್ ಒಪ್ಪ್‌ಚಿಟ್ಟಂವೊನು ಅಂವೊನೇ. ತಕ್ಕ ಸಮಯತ್‍ಲ್ ದೇವ ಈ ನಲ್ಲ ಸುದ್ದಿನ ಈ ಲೋಕಕ್ ಕೊಡ್‌ತಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 2:17

ಈ ಕಾರಣಕಾಯಿತ್, ಅಂವೊ ಜನತ್‍ರ ಪಾಪತ್‍ನೆಲ್ಲಾ ಕಳೆಯುವಕ್ ದೇವಡ ವಿಷಯತ್‍ಲ್ ಕರುಣೆ ಉಳ್ಳಂವೊನಾಯಿತು, ಸತ್ಯವಂತ ಮಹಾ ಯಾಜಕನಾಯಿತು ಆಚಿ. ಇನ್ನನೆ, ಎಲ್ಲಾ ರೀತಿಲು ತಾಂಡ ಅಣ್ಣತಮ್ಮಣಂಗಕ್ ಸಮವಾಯಿತ್ ಆಂಡೂಂದ್ ಇಂಜತ್.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

1 ಪೇತ್ರ 1:19

ಆಚೇಂಗಿ, ದಾರ್‌ಕು ಕೊಡ್‍ಪಕ್ ಕಯ್ಯತ ಬೆಲೆಯುಳ್ಳ ಕ್ರಿಸ್ತಂಡ ಚೋರೆರಗುಂಡ್ ದೇವ ನಿಂಗಳ ಬೆಲೇಕ್ ಎಡ್‍ತಂಡದ್ ನಿಂಗಕ್ ಗೊತ್ತುಂಡಲ್ಲ? ಅಂವೊ ಒರ್ ಪವಿತ್ರವಾಯಿತುಳ್ಳ, ಏದ್ ಪಾಳು ಇಲ್ಲತ ಕೊರಿ ಕುಟ್ಟಿರನೆಕೆ ಉಂಡ್.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

1 ಯೋಹಾನ 2:2

ಅಂವೊನೇ ನಂಗಡ ಪಾಪತ್‍ನ ಪರಿಹಾರ ಮಾಡ್‌ವ ಬಲಿ ಅರ್ಪಣೆ. ನಂಗಡ ಪಾಪಕಾಯಿತ್ ಮಾತ್ರ ಅಲ್ಲ, ಲೋಕತ್‍ಲ್ ಉಳ್ಳ ಎಲ್ಲಾ ಜನಡ ಪಾಪಕು ತ್ಯಾಗ ಅರ್ಪಣೆಯಾಯಿತುಂಡ್.

1 ಯೋಹಾನ 3:5

ನಂಗಡ ಪಾಪತ್‍ನ ಎಡ್‌ತ್‌ ಕಳೆಯುವಕಾಯಿತ್ ಕ್ರಿಸ್ತ ಈ ಲೋಕಕ್ ಬಾತ್‍ೕಂದ್ ನಿಂಗಕ್ ಗೊತ್ತುಂಡ್. ಅಂವೊಂಡ ಪಕ್ಕ ಪಾಪ ಇಲ್ಲೆ.

1 ಯೋಹಾನ 4:10

ನೇರಾನ ಪ್ರೀತಿ ಎಂತ ಎಣ್ಣ್‌ಚೇಂಗಿ, ನಂಗ ದೇವಡ ಮೇಲೆ ಬೆಚ್ಚ ಪ್ರೀತಿ ಅಲ್ಲ, ದೇವ ನಂಗಡ ಮೇಲೆ ಬೆಚ್ಚ ಪ್ರೀತಿಯೇ. ಅದ್, ನಂಗಡ ಪಾಪತ್‍ನ ಪರಿಹಾರ ಮಾಡ್‌ವಕ್ ದೇವ ತಾಂಡ ಒರೇ ಮೋಂವೊನ ಈ ಲೋಕಕ್ ಅಯಿಚದ್.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 14:1

ಪಿಂಞ ನಾನ್ ನೋಟ್‍ವಕ, ಇದಾ, ಚೀಯೋನ್‌ ಕುಂದ್‌ರ ಕೊಡಿಲ್ ಕೊರಿಕುಟ್ಟಿಯಾನಂವೊನ ಪಿಂಞ ಅಂವೊಂಡ ಕೂಡೆ ಅಂವೊಂಡ ಅಪ್ಪನಾನ ದೇವಡ ಪೆದತ್‍ನ ನೆತ್ತಿರ ಮೇಲೆ ಒಳ್‍ದಿತ್ಂಜ 1,44,000 ಜನಳ ಕಂಡಿಯೆ.

ಪ್ರಕಟನೆ 14:10

ದೇವಡ ಬಲ್ಯ ಚೆಡಿರ ಪಾತ್ರತ್‍ಲ್ ಏದು ಕಲ್‍ಕ್‍ತ ದೇವಡ ಗಟ್ಟಿಯಾನ ಬಲ್ಯ ಚೆಡಿರ ಕಳ್ಳ್‌ನ ಕುಡಿಚಿತ್, ಪವಿತ್ರವಾನ ದೂತಂಗಡ ಮಿಂಞತ್, ಕೊರಿಕುಟ್ಟಿಯಾನವೊಂಡ ಮಿಂಞತ್ ತಿತ್ತ್‌ರ ಜ್ವಾಲತ್‌ರಗುಂಡ್ ಗಂಧಕತ್‍ರಗುಂಡ್ ಕಷ್ಟಪಟ್ಟಂಡ್ ಇಪ್ಪ.

ಪ್ರಕಟನೆ 14:4

ಈಂಗಳೇ ಪೊಣ್ಣಾಳ್‍ರಗುಂಡ್ ಅಶುದ್ದ ಆಕತ, ಕನ್ನಿ ಮೂಡಿಯರನೆಕೆ ಶುದ್ದವಾಯಿತ್ ಇಂಜಯಿಂಗ. ಕೊರಿಕುಟ್ಟಿಯಾನಂವೊ ಎಲ್ಲಿಯೆಲ್ಲಾ ಪೋಪ, ಅಂವೊಂಡ ಬಯ್ಯಕ್ ಪೋಪಯಿಂಗ ಈಂಗಳೇ. ಅಯಿಂಗ ಜನಡ ಮದ್ಯತ್ಂಜ ದೇವಕಾಯಿತ್ ಪಿಂಞ ಕೊರಿಕುಟ್ಟಿಯಾನವೊಂಗಾಯಿತ್ ಆದ್ಯ ಪಣ್ಣಾಯಿತ್ ವಿಮೋಚನ ಆನಯಿಂಗ.

ಪ್ರಕಟನೆ 15:3

ಅಯಿಂಗ ದೇವಡ ಸೇವಕನಾನ ಮೋಶೇರ ಪಾಟ್ ಪಿಂಞ ಕೊರಿಕುಟ್ಟಿರ ಪಾಟ್‍ನ ಪಾಡಿಯಂಡ್ ಇಂಜತ್. ಸರ್ವ ಶಕ್ತಿವಂತ ದೇವಾದಿ ದೇವನೇ, ನೀಡ ಕ್ರಿಯೆ ಎಲ್ಲಾ ಮಹತ್ವ ದುಂಬ್‍ನದಾಯಿತು, ಆಶ್ಚರ್ಯವಾಯಿತು ಉಂಡ್. ಎಲ್ಲಾ ಜಾತಿಯಡ ರಾಜನೇ, ನೀಡ ಬಟ್ಟೆ ನೀತಿಯಾನದು ಸತ್ಯ ದುಂಬ್‍ನದಾಯಿತು ಉಂಡ್.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 19:7

ನಂಗ ಕುಶಿಪಟ್ಟಿತ್, ಕೊಂಡಾಡಿತ್ ಅಂವೊಂಗ್ ಮಹಿಮೆ ಅರ್ಪಿಚಿಡನ. ಕೊರಿಕುಟ್ಟಿಯಾನವೊಂಡ ಮಂಗಲ ಬಾತ್, ಅಂವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿ ಅವಳ ತಯಾರ್ ಮಾಡ್‍ಚೀಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 19:9

ಇಂಞು ದೇವದೂತ ನನ್ನ ನೋಟಿತ್: ಕೊರಿಕುಟ್ಟಿಯಾನವೊಂಡ ಮಂಗಲತ್‍ರ ಗದ್ದಾಳಕ್ ಕಾಕ್‍ಚಿಟ್ಟಯಿಂಗ ಆಶೀರ್ವಾದ ಪಡ್ಂದಯಿಂಗ ಇನ್ನನೆ ಒಳ್‌ದ್‍ೕಂದ್ ಎಣ್ಣ್‌ಚಿ. ಇದ್ ದೇವಡ ಸತ್ಯವಾಯಿತುಳ್ಳ ತಕ್ಕ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 21:14

ಆ ಪಟ್ಟಣತ್‍ರ ಗೋಡೆರ ಪನ್ನೆರಂಡ್ ಅಡಿಪಾಯತ್‍ರ ಕಲ್ಲ್ ಇಂಜತ್; ಅದ್ಂಡಮೇಲೆ, ಕೊರಿಕುಟ್ಟಿಯಾನವೊಂಡ ಪನ್ನೆರಂಡ್ ಅಪೊಸ್ತಲಂಗಡ ಪನ್ನೆರಂಡ್ ಪೆದ ಇಂಜತ್.

ಪ್ರಕಟನೆ 21:27

ಕೊರಿಕುಟ್ಟಿಯಾನವೊಂಡ ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತುಳ್ಳಯಿಂಗ ಅಲ್ಲತೆ ಬೋರೆ ದಾರೂ ಅದ್ಂಡ ಒಳ್‍ಕ್ ಪೋಪಕ್ ಕಯ್ಯುಲೆ; ಅಶುದ್ದವಾನದ್ ಒಂದು ಅಲ್ಲಿಕ್ ಪೋಪುಲೆ, ಹೇಸಿಗೆಯಾನದ್‌ನ ಅಥವ ಕಳ್ಳತನ ಮಾಡ್‌ವ ದಾರೂ ಅಲ್ಲಿಕ್ ಎತ್ತುಲೆ.

ಪ್ರಕಟನೆ 21:9

ಪಿಂಞ ಆಕೀರ್‌ಲ್ ಏಳ್ ಬಾದೆರಗುಂಡ್ ದುಂಬಿತ್ಂಜ ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೇವದೂತಂಗಡಲ್ಲಿ ಒಬ್ಬ ನಾಡ ಪಕ್ಕ ಬಂದಿತ್: ಇಲ್ಲಿ ಬಾ! ನಾನ್, ಕೊರಿಕುಟ್ಟಿಯಾನವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 5:6

ಸಿಂಹಾಸನತ್‍ರ, ನಾಲ್ ಜೀವ ಪ್ರಾಣಿಯಡ ಪಿಂಞ ಪೆರಿಯಯಿಂಗಡ ಮದ್ಯತ್‍ಲ್, ಮಿಂಞಲೇ ಬಲಿಯಾಯಿತ್ಂಜ ಕೊರಿ ಕುಟ್ಟಿರನೆಕೆ ಉಳ್ಳ ಒಬ್ಬನ ನಾನ್ ಕಂಡಿಯೆ; ಅದ್ಂಗ್ ಏಳ್ ಕೊಂಬ್ ಪಿಂಞ ಏಳ್ ಕಣ್ಣ್ ಇಂಜತ್. ಈ ಲೋಕತ್‍ರ ಎಲ್ಲಾ ಜಾಗಕು ಅಯಿಪಕಾಯಿತ್ ಉಳ್ಳ ದೇವಡ ಏಳ್ ಆತ್ಮವೇ ಈ ಏಳ್ ಕಣ್ಣ್.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ:

ಪ್ರಕಟನೆ 6:1

ಕೊರಿಕುಟ್ಟಿಯಾನಂವೊ ಮುದ್ರೆಲ್ ಒರ್ ಮುದ್ರೆನ ಪೊಳಿಪದ್‍ನ ನಾನ್ ಕಂಡಿಯೆ. ಅಕ್ಕ ನಾಲ್ ಜೀವ ಪ್ರಾಣಿಯಡಡೆಲ್ ಒರ್ ಜೀವ ಪ್ರಾಣಿ ನನ್ನ ನೋಟಿತ್: ನೀನ್ ಬಂದ್ ನೋಟ್‍ೕಂದ್ ತೆಡ್ ಬಡಿಪ ಸದ್ದ್‌ಲ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 6:16

ಅಯಿಂಗ ಕುಂದ್‍ನ, ಬಂಡೇನ ನೋಟಿತ್: ನಿಂಗ ನಂಗಡ ಮೇಲೆ ಬುದ್ದಿತ್, ಸಿಂಹಾಸನತ್‍ಲ್ ಅಳ್‍ತಂಡುಳ್ಳವೊಂಡ ಮೂಡ್‍ಕ್, ಮಿಂಞಲೇ ಬಲಿಯಾಯಿತ್ಂಜ ಕೊರಿಕುಟ್ಟಿರ ಚೆಡಿಕ್ ನಂಗಳ ಒಳ್‍ಪ್‍ಚಿಡಿ.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.

ಪ್ರಕಟನೆ 7:17

ಸಿಂಹಾಸನತ್‍ರ ಮದ್ಯತ್‍ಲ್ ಉಳ್ಳ ಕೊರಿಕುಟ್ಟಯಾನಂವೊನೇ ಈಂಗಳ ಚಾಕಿತ್, ಅಯಿಂಗಳ ಜೀವತ್‍ರ ಜಲ ಉಕ್ಕಿ ಬಪ್ಪ ಜಾಗಕ್ ಕಾಕಿಯಂಡ್ ಪೋಪ; ದೇವ ತಾನೆ ಅಯಿಂಗಡ ಕಣ್ಣ್‌ಂಜ ಕಣ್ಣೀರ್‌ನೆಲ್ಲಾ ತ್‍ೕಟ್‍ವಾಂದ್ ಎಣ್ಣ್‌ಚಿ.