ಯೋಹಾನ 1:19 - ಕೊಡವ ಬೈಬಲ್

¹⁹ ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 1:19 ပူးပေါင်းရင်းမြစ်များ

ಯೋಹಾನ 1:7

ಅಂವೊ ತಾಂಡ ಸಾಕ್ಷಿರ ಮೂಲಕ ಎಲ್ಲಾರು ನಂಬಂಡೂಂದ್, ಈ ಬೊಳಿರ ವಿಷಯತ್ ಸಾಕ್ಷಿ ಕೊಡ್‍ಪಕ್ ಬಾತ್.

ಯೋಹಾನ 10:24

ಚೆನ್ನ ಜನ ಒಟ್ಟ್ ಕೂಡಿತ್: ನಂಗಳ ಎಚ್ಚಕ್ ಕಾಲ ನೀನ್ ಇನ್ನನೆ ಅನುಮಾನತ್‍ಲ್ ಬೆಪ್ಪಿಯಾ? ನೀನ್ ನೇರಾನ ಕ್ರಿಸ್ತನಾಚೇಂಗಿ ಸತ್ಯವಾಯಿತ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಯೋಹಾನ 10:31

ಜನ ಎಲ್ಲಾ ಇದ್‍ನ ಕ್‍ೕಪಕ: ಪುನಃ ಕಲ್ಲ್ ಕನಿಪಕ್ ನೋಟ್‌ಚಿ.

ಯೋಹಾನ 11:19

ದುಂಬ ಯೆಹೂದ್ಯಂಗ ಮಾರ್ಥ ಪಿಂಞ ಮರಿಯಡ ಕೂಡೆ ಅಯಿಂಗಡ ತಮ್ಮಣಂಡ ವಿಷಯತತ್‌ಲ್ ತಕ್ಕ್ ಪರಿಚಿಟ್ಟಿತ್, ಸಮಾದಾನ ಮಾಡ್‌ವಕ್ ಬಂದಿತ್ಂಜತ್.

ಯೋಹಾನ 2:18

ಅಕ್ಕ ಯೆಹೂದ್ಯ ಅದಿಕಾರಿಯಂಗ ಯೇಸುಕ್: ನೀನ್ ಏದ್ ಗುರ್‍ತ್‍ನ ಕಾಟಿತ್, ಇನ್ನನೆ ಮಾಡ್‌ವಕುಳ್ಳ ಅದಿಕಾರ ನೀಕ್ ಉಂಡ್‍ೕಂದ್ ನಂಗಕ್ ಕಾಟ್‌ವಿಯಾಂದ್ ಕ್‍ೕಟತ್.

ಯೋಹಾನ 2:20

ಅಕ್ಕ ಯೆಹೂದ್ಯಂಗ: ಈ ದೇವಾಲಯತ್‍ನ ಕೆಟ್ಟ್‌ವಕ್ ನಾಪತಾರ್ ಕಾಲ ಆಚಿ, ನೀನ್ ಇದ್‍ನ ಮೂಂದ್ ದಿವಸತ್‍ಲ್ ಎಪ್ಪ್‌ಚಿಡುವಿಯಾಂದ್ ಕ್‍ೕಟತ್.

ಯೋಹಾನ 5:10

ಆನಗುಂಡ್, ಯೆಹೂದ್ಯ ಅದಿಕಾರಿಯಂಗ: ಇಂದ್ ಸಬ್ಬತ್ ದಿನ, ನೀಡ ಪಲಂಬ್‌ನ ಎಡ್‍ತಂಡ್ ಪೋಪ ಕೆಲಸತ್‍ನ ಮಾಡ್‌ವಕ್ ನಂಗಡ ನ್ಯಾಯಪ್ರಮಾಣ ಅನುಮತಿ ತಂದಿತ್‌ಲ್ಲೇಂದ್ ವಾಸಿಯಾನ ಮನುಷ್ಯಂಗ್ ಎಣ್ಣ್‌ಚಿ.

ಯೋಹಾನ 5:15

ಅಕ್ಕ, ವಾಸಿಯಾನ ಆ ಮನುಷ್ಯ ಯೆಹೂದ್ಯಂಗಡ ಅದಿಕಾರಿಯಂಗಕ್ ಪೋಯಿತ್, ನನ್ನ ವಾಸಿ ಮಾಡ್‍ನಂವೊ ಯೇಸೂಂದ್ ಎಣ್ಣ್‌ಚಿ.

ಯೋಹಾನ 5:16

ಯೇಸು ಸಬ್ಬತ್ ದಿವಸತ್‍ಲ್ ಇನ್ನನೆ ಮಾಡ್‍ನಗುಂಡ್, ಅಂವೊನ ಹಿಂಸೆಪಡ್‍ತ್‌ವಕ್ ಸುರು ಮಾಡಿತ್, ಅಂವೊನ ಕೊಲ್ಲಂಡೂಂದ್ ಯೆಹೂದ್ಯ ಅದಿಕಾರಿಯಂಗ ನೋಟಿಯಂಡಿಂಜತ್.

ಯೋಹಾನ 5:18

ಯೇಸು ಸಬ್ಬತ್ ದಿವಸತ್‍ಲ್ ಮಾಡ್‌ವಕಯ್ಯತದ್‍ನ ಮಾಡ್‍ನದ್ ಅಲ್ಲತೆ, ದೇವನ ತಾಂಡ ಸ್ವಂತ ಅಪ್ಪಾಂದ್ ಕಾಕಿತ್, ಅಂವೊನ ದೇವಕ್ ಸಮವಾಯಿತ್ ಮಾಡ್‍ನಗುಂಡ್, ಯೆಹೂದ್ಯ ಅದಿಕಾರಿಯಂಗ ಅಂವೊನ ಕೊಲ್ಲಂಡೂಂದ್ ಇಂಞು ದುಂಬ ಆಲೋಚನೆ ಮಾಡಿಯಂಡಿಂಜತ್.

ಯೋಹಾನ 6:41

ನಾನ್ ಪರಲೋಕತ್ಂಜ ಬಂದ ಒಟ್ಟೀಂದ್ ಯೇಸು ಎಣ್ಣ್‌ನದ್‍ನ ಕ್‍ೕಟಿತ್ ಯೆಹೂದ್ಯಂಗ ಗೊಣಗ್‍ವಕ್ ಸುರು ಮಾಡ್‍ಚಿ.

ಯೋಹಾನ 6:52

ಅಕ್ಕ ಯೆಹೂದ್ಯಂಗ: ಇಂವೊ ತಾಂಡ ತಡೀನ ನಂಗಕ್ ಎನ್ನನೆ ತಿಂಬಕ್ ತಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ತರ್ಕ ಮಾಡ್‍ಚಿ.

ಯೋಹಾನ 7:1

ಇದೆಲ್ಲಾ ಆನ ಪಿಂಞ, ಯೆಹೂದ್ಯಂಗ ಯೇಸುನ ಕೊಲ್ಲ್‌ವಕ್ ಬಟ್ಟೆ ನೋಟಿಯಂಡ್ ಇಂಜಗುಂಡ್, ಅಂವೊ ಯೆಹೂದ್ಯ ಪ್ರಾಂತ್ಯತ್‍ಲ್ ಇಕ್ಕತೆ ಗಲಿಲಾಯ ಪ್ರಾಂತ್ಯಾತ್‍ಲ್ ಒಳಿಂಜತ್.

ಯೋಹಾನ 7:11

ಯೆಹೂದ್ಯ ಅದಿಕಾರಿಯಂಗ ಯೇಸುನ ತ್‍ೕಡಿಯಂಡ್, ಅಂವೊ ಎಲ್ಲಿ ಉಂಡ್‍ೕಂದ್ ಜನಳ ಕ್‍ೕಟತ್.

ಯೋಹಾನ 7:15

ಯೇಸು ಬೋದನೆ ಮಾಡ್‌ವಾನ ಕ್‍ೕಟಿತ್, ಇಂವೊ ಪಡಿಚಿತ್‌ಲ್ಲೆ, ಆಚೇಂಗಿಯು, ದೇವಡ ವಾಕ್ಯತ್‍ನ ಇಚ್ಚಕ್ ಚಾಯಿತೆ ಎನ್ನನೆ ಬೋದನೆ ಮಾಡ್‌ವಾಂದ್ ಯೆಹೂದ್ಯಂಗಡ ಅದಿಕಾರಿಯಂಗ ದುಂಬ ಆಶ್ಚರ್ಯತ್‍ಲ್ ಕ್‍ೕಟತ್.

ಯೋಹಾನ 8:22

ಅಕ್ಕ, ಅಲ್ಲಿ ಇಂಜ ಯೆಹೂದ್ಯ ಅದಿಕಾರಿಯಂಗ: ಅಂವೊ ಪೋಪಲ್ಲಿಕ್ ನಂಗ ಪೋಪಕ್ ಕಯ್ಯುಲೇಂದ್ ಎಣ್ಣುವಲ್ಲ, ಇದ್ಂಡ ಅರ್ಥ ಎಂತ? ಅಂವೊನ ಅಂವೊನೇ ಕೊಂದ್‍ರ್‍ಂವೊನೋ ಎಣ್ಣಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದಂಡಿಂಜತ್.

ಯೋಹಾನ 8:48

ಅಕ್ಕ ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುಕ್: ನೀನ್ ಸಮಾರ್ಯ ಊರ್‌ಕ್ ಕೂಡ್‍ನಂವೋಂದು, ಕೂಳಿ ಪುಡ್‌ಚಂವೋಂದು ನಂಗ ಎಣ್ಣ್‌ನದ್ ಸರಿಯಾಚಲ್ಲಾಂದ್ ಎಣ್ಣ್‌ಚಿ.

ಯೋಹಾನ 8:52

ನೀಕ್ ಕೂಳಿ ಪುಡ್‌ಚಿತ್ ಉಂಡ್‍ೕಂದ್ ನಂಗಕ್ ಇಕ್ಕ ಗೊತ್ತಾಚಿ. ಅಬ್ರಹಾಮನು, ಪ್ರವಾದಿಯಂಗಳು ಚತ್ತ್ ಪೋಚಿ. ಆಚೇಂಗಿ, ನೀನ್: ನೀಡ ಬೋದನೆರ ಪ್ರಕಾರ ನಡ್‍ಪಯಿಂಗ ಎಕ್ಕಾಲು ಚಾವ್‍ಲೇಂದ್ ಎಣ್ಣುವಿಯಲ್ಲಾಂದ್ ಎಣ್ಣ್‌ಚಿ.

ಯೋಹಾನ 8:57

ಅಕ್ಕ ಅಯಿಂಗ: ನೀಕ್ ಇಂಞು ಐಂಬದ್ ವಯಸ್ ಆಯಿತ್‌ಲ್ಲೆ, ನೀನ್ ಅಬ್ರಹಾಮನ ಕಂಡಿತುಳ್ಳಿಯಾಂದ್ ಕ್‍ೕಟತ್.

ಅಪೊಸ್ತಲ 13:25

ಈ ಯೋಹಾನ ತಾಂಡ ಸೇವೇನ ಪೂರ್ತಿಮಾಡ್‍ವಕಾಪಕ, ಜನತ್‍ನ ನೋಟಿತ್: ನಿಂಗ ನನ್ನ ದಾರ್‍ೕಂದ್ ಗೇನಮಾಡಿರ? ನಾನ್ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನಲ್ಲ, ಆಚೇಂಗಿ ನಾಡ ಬಯ್ಯ ಒಬ್ಬ ಬಪ್ಪ. ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 19:4

ಅದ್ಂಗ್ ಪೌಲ: ಪಶ್ಚಾತಾಪ ಪಟ್ಟಿತ್, ಬಪ್ಪಕುಳ್ಳ ಯೇಸುರ ಮೇಲೆ ಜನ ನಂಬಿಕೆ ಇಡ್‌ವಕಾಯಿತ್ ಮಾತ್ರ ಯೋಹಾನ ದೀಕ್ಷಾಸ್ನಾನ ಮಾಡ್‍ಚಲ್ಲಾಂದ್ ಎಣ್ಣ್‌ಚಿ.

1 ಯೋಹಾನ 1:5

ದೇವ ಬೊಳಿಯಾಯಿತುಂಡ್. ಅಂವೊಂಡಲ್ಲಿ ಇರ್‌ಟ್‌ಂದ್ ಎಣ್ಣ್‌ವದೇ ಇಲ್ಲೆ; ಇದ್ ನಂಗ ಯೇಸು ಕ್ರಿಸ್ತಯಿಂಜ ಕ್‍ೕಟಗುಂಡ್, ನಿಂಗಕ್ ಅರಿಚಿಟ್ಟಡುಂಡ್.