ಯೋಹಾನ 1:13 - ಕೊಡವ ಬೈಬಲ್

¹³ ಈಂಗ ಪುಟ್ಟ್‌ನದ್, ಒರ್ ಕುಂಞಿ ಪುಟ್ಟ್‌ನನೆಕೆ ಮನುಷ್ಯಂಡ ತಡೀರ ಚಿತ್ತತ್‍ರಗುಂಡೋ ಅಥವ ಒರ್ ವಡಿಯಂಡ ಚಿತ್ತತ್‍ರಗುಂಡೋ ಪುಟ್ಟ್‌ವನೆಕೆ ಪುಟ್ಟಿತ್‌ಲ್ಲೆ, ದೇವಡ ಮಕ್ಕಳಾಯಿತ್ ದೇವಡಯಿಂಜಲೇ ಪುಟ್ಟ್‌ನಯಿಂಗ.

ಯೋಹಾನ 1:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 25:22

ಆಚೇಂಗಿ, ಅವಡ ಕೆಲತ್‌ಲ್‌ ಕುಂಞಿಯ ಒಂದಂಗೊಂದ್‌ ನೂಕಿಯಂಡಿಪ್ಪಕ, ಅವ: ನಾಕ್‍ ಎನ್ನಂಗ್‌ ಇನ್ನನೆ ಆಯಂಡುಂಡ್‍ೕಂದ್‌ ಯೆಹೋವನ ಕ್‍ೕಪಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 25:28

ಕಾಡ್‌ ಯರ್ಚಿ ಇಸಾಕಂಗ್‌ ದುಂಬ ಕುಶಿಯಾನಗುಂಡ್‌ ಅಂವೊ ಏಸಾವನ ಪ್ರೀತಿ ಮಾಡ್‌ಚಿ. ಆಚೇಂಗಿ ರೆಬೆಕ್ಕ ಯಾಕೋಬನ ಪ್ರೀತಿ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 27:33

ಅಕ್ಕ ಇಸಾಕ ಬೊತ್ತಿತ್‌ ನಡ್‍ಗಿಯಂಡ್: ನೀನ್‌ ಬಪ್ಪಕಿಂಜಿ ಮಿಂಞ ಬೋಟೆಯಾಡಿತ್‌ ಎಡ್‌ತಂಡ್‌ ಬಂದಂವೊ ದಾರ್. ನೀನ್‌ ಬಪ್ಪಕಿಂಜ ಮಿಂಞ ಅದನೆಲ್ಲ ನಾನ್‌ ಉಂಡಿತ್‌ ಅಂವೊನ ಆಶೀರ್ವಾದ ಮಾಡ್‌ನನಲ್ಲ. ಅಕ್ಕು ಅಂವೊನೇ ಆಶೀರ್ವಾದ ಪಡ್‌ಂದಂವೊನಾಯಿತ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 27:4

ಅನ್ನನೆ ಬೋಟೆಯರ್ಚಿಲ್‌ ನಾಕ್‍ ಕುಸಿ ಆಪನೆಕೆ ಅಡಿಗೆ ಮಾಡಿತ್‌ ಎಡ್‌ತಂಡ್‌ ಬಾ. ನಾನ್‌ ಅದ್‌ನ ಉಂಡಿತ್‌ ನಾನ್‌ ಚಾವಕ್‌ ಮಿಂಞ ನಾಡ ಆತ್ಮತ್‌ಂಜ ನಿನ್ನ ಆಶೀರ್ವಾದ ಮಾಡ್‌ವೀಂದ್‌ ಎಣ್ಣ್‌ಚಿ.

ಮತ್ತಾಯ 3:9

ಅಬ್ರಹಾಮ ನಂಗಡ ಅಪ್ಪಾಂದ್ ಎಣ್ಣುವಕ್ ಗೇನ ಮಾಡತಿ. ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

1 ಕೊರಿಂಥ 3:6

ನಾನ್ ಕುರುನ ಬಿತ್ತಿಯೆ, ಅಪೊಲ್ಲೋಸ ನೀರ್ ಬೂಕ್‌ಚ್. ಆಚೇಂಗಿ ದೇವನೇ ಗಿಡತ್‍ನ ಬೊಳಿಯುವಕ್ ಮಾಡ್‍ಚಿ.

ಫಿಲಿಪ್ಪಿ 2:13

ಎನ್ನಂಗೆಣ್ಣ್‌ಚೇಂಗಿ ದೇವ ಅಂವೊಂಗ್ ಕುಶಿಯಾನದ್‌ನ ಮಾಡ್‌ವಕ್, ನಿಂಗಕ್ ಆಸೆ ಪಿಂಞ ಶಕ್ತಿ ತಂದಿತ್ ನಿಂಗಡ ಬದ್‍ಕ್‍ಲ್ ಕ್ರಿಯೆ ಮಾಡಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:5

ನಂಗ ಮಾಡ್‍ನ ನೀತಿರ ಕೆಲಸತ್‍ರಗುಂಡ್ ನಂಗಳ ರಕ್ಷಣೆ ಮಾಡತೆ, ಅಂವೊಂಡ ಕರುಣೇರಗುಂಡ್ ನಂಗಳ ರಕ್ಷಣೆ ಮಾಡ್‍ಚಿ. ಅನ್ನನೆ ನಂಗಡ ಪಾಪತ್‍ನ ಕತ್ತಿತ್, ಪುನಃ ಪುದಿಯದಾಯಿತ್ ಪುಟ್ಟಿತುಳ್ಳನೆಕೆ ನಂಗಕ್ ಪುದಿಯ ಜೀವ ತಂದಿತ್, ನಂಗಡ ಮನಸ್ಸ್‌ನ ಪವಿತ್ರಾತ್ಮಂಡ ಮೂಲಕ ಬದ್‍ಲ್ ಮಾಡ್‍ಚಿ.

ಯಾಕೋಬ 1:18

ಅಂವೊಂಡ ಚಿತ್ತತ್‍ರನೆಕೆ, ತಾಂಡ ಎಲ್ಲಾ ಸೃಷ್ಟಿಲ್, ನಂಗಳ ಆದ್ಯ ಸ್ತಾನತ್‍ಲ್ ಇಕ್ಕಂಡೂಂದ್ ನಂಗಳ ಸತ್ಯ ವಾಕ್ಯತ್‍ರ ಮೂಲಕ ಪುಟ್ಟ್‌ವಕ್ ಮಾಡ್‍ಚಿ.

1 ಪೇತ್ರ 1:23

ಪಾಳಾಯಿ ಪೋಪ ಕುರುರ ಮೂಲಕ ಅಲ್ಲ, ಎಕ್ಕಾಲು ಬದ್‍ಕಿಯಂಡಿಪ್ಪ, ಜೀವವಾಯಿತ್ ಉಳ್ಳ ಪಾಳಾಯಿ ಪೋಕತ ಕುರುವಾನ ದೇವಡ ವಾಕ್ಯತ್‍ರ ಮೂಲಕ ನಿಂಗ ಪುನಃ ಪುಟ್ಟಿತುಳ್ಳಿರ.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

1 ಪೇತ್ರ 2:2

ಒರ್ ಪುಟ್ಟ್‌ನ ಕುಂಞಿರನೆಕೆ, ರಕ್ಷಣೆಲ್ ಬೊಳಿಯುವಕ್, ಆತ್ಮೀಯ ಪಾಲಾಯಿತ್ ಉಳ್ಳ ಶುದ್ದವಾನ ದೇವಡ ವಾಕ್ಯತ್‍ನ ಕುಡಿಪಕ್ ಕುಶಿಪಡಿ.

1 ಯೋಹಾನ 3:9

ದೇವಡ ಮಕ್ಕಳಾಯಿತ್ ಆನಯಿಂಗ ಪಾಪ ಮಾಡಿಯಂಡೇ ಇಪ್ಪುಲೆ. ಎನ್ನಂಗೆಣ್ಣ್‌ಚೇಂಗಿ, ದೇವಡ ಜೀವ ಅಂವೊಂಡಲ್ಲಿ ಬೇರ್‌ರೂರಿ ಪೋಯಿತುಂಡ್ ಪಿಂಞ ದೇವ ಅಯಿಂಗಡ ಅಪ್ಪನಾನಗುಂಡ್ ಪಾಪ ಮಾಡಿಯಂಡೇ ಇಪ್ಪಕ್ ಕಯ್ಯುಲೆ.

1 ಯೋಹಾನ 4:7

ಪ್ರೀತಿರ ಜನಳೇ, ನಂಗ ಒಬ್ಬೊಬ್ಬನ ಪ್ರೀತಿ ಮಾಡನ, ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದೇವಡಯಿಂಜ ಬಂದದ್. ದಾರೆಲ್ಲ ಪ್ರೀತಿ ಮಾಡ್‌ವ ಅಯಿಂಗೆಲ್ಲ ದೇವಡ ಮಕ್ಕ ಆಪ ಪಿಂಞ ಅಯಿಂಗಕ್ ದೇವನ ಗೊತ್ತುಂಡ್.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

1 ಯೋಹಾನ 5:18

ದೇವಡ ಮಕ್ಕ ಪಾಪ ಮಾಡಿಯಂಡೇ ಇಪ್ಪುಲೇಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ದೇವಡ ಮೋಂವೊ ಅಯಿಂಗಳ ಬದ್ರವಾಯಿತ್ ಕಾಪಾಡ್‌ವ. ಪಿಂಞ ಸೈತಾನ ಅಯಿಂಗಳ ತೊಂದರೆ ಮಾಡ್‌ವಕ್ ಕಯ್ಯುಲೆ.

1 ಯೋಹಾನ 5:4

ಎನ್ನಂಗೆಣ್ಣ್‌ಚೇಂಗಿ ದೇವಡ ಮಕ್ಕ ಎಲ್ಲಾರು ಈ ಲೋಕತ್‍ನ ಗೆಲ್ಲುವ. ದೇವಡ ಮೇಲೆ ಬೆಚ್ಚ ನಂಬಿಕೆಯಿಂಜಲೇ ನಂಗ ಈ ಲೋಕತ್‍ನ ಗೆದ್ದತ್.