ಯಾಕೋಬ 5:9 - ಕೊಡವ ಬೈಬಲ್

⁹ ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನ್ಯಾಯತೀರ್ಪ್ ಕ್‍ಟ್ಟತನೆಕೆ ಅಪ್ಪರ ಇಪ್ಪರ ಗೊಣಗಿಯಂಡ್ ಇಕ್ಕತಿ; ನೋಟಿ, ನ್ಯಾಯದಿಪತಿಯಾನ ಯೇಸು ಪಡಿರ ಪಕ್ಕ ನಿಂದಂಡ್ ಉಂಡ್.

ಯಾಕೋಬ 5:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:7

ನೀನ್‌ ಸರಿಯಾನದ್‌ನ ಮಾಡಿತ್‌ಂಜಕ, ನಿನ್ನ ಸ್ವೀಕಾರ ಮಾಡ್‌ವಕಿಂಜಿತ್‌ಲ್ಲೆಯ? ಆಚೇಂಗಿ ನೀನ್‌ ನಲ್ಲದ್‌ ಮಾಡ್‌ವಕ್‌ ತ್‌ಕ್ಕಾರ ಮಾಡಿಚೇಂಗಿ, ಪಾಪ ನಿನ್ನ ಆಳ್‌ವಿಕೆ ಮಾಡ್‌ವಕ್‌ ಪಿಂಞ ನಾಶ ಮಾಡ್‌ವಕ್‌ ಪಡಿರ ಪಕ್ಕ ಪಾರಕಾತಂಡಿಪ್ಪ, ಆಚೇಂಗಿ ನೀನ್‌ ಅದನ ಆಳಂಡು.

ಮತ್ತಾಯ 24:33

ಅನ್ನನೆ ಈ ತರತ್‍ರ ಘಟನೆಯೆಲ್ಲ ನಿಂಗ ಕಾಂಬಕಾಪಕ, ಆ ದಿನ ದುಂಬ ಪಕ್ಕ ಉಂಡ್, ಅಂವೊ ಪಡಿರ ಪಕ್ಕತ್ ಬಂದಿತುಂಡ್‍ೕಂದ್ ನಿಂಗಕ್ ಗೊತ್ತಿರಡ್.

ಮಾರ್ಕ 13:29

ಅನ್ನನೆ ಈ ತರತ್‍ರ ಘಟನೆಯೆಲ್ಲ ನಿಂಗ ಕಾಂಬಕಾಪಕ, ಅಂವೊ ಪಡಿರ ಪಕ್ಕತ್ ಬಂದಿತ್ತುಂಡ್‍ೕಂದ್ ನಿಂಗಕ್ ಗೊತ್ತಿರಡ್.

ಮಾರ್ಕ 6:19

ಅದ್ಂಗಾಯಿತ್ ಹೆರೋದ್ಯ ಯೋಹಾನಂಡ ಮೇಲೆ ಪಗೆ ಬೆಚ್ಚಂಡಿಂಜತ್. ಅಂವೊನ ಕೊಲ್ಲಂಡೂಂದ್ ಎಣ್ಣಿಯಂಡಿಂಜತ್, ಆಚೇಂಗಿ ಕಯಿಂಜಿತ್‌ಲ್ಲೆ.

1 ಕೊರಿಂಥ 10:11

ನಂಗಡ ಯೆಹೂದ್ಯ ಮುತ್ತಜ್ಜಂಗಕ್ ಆನದ್ ನಂಗಕ್ ಒರ್ ಉದಾರಣೆಯಾಯಿತ್ ಉಂಡ್; ಲೋಕತ್‍ರ ಆಕೀರ್ ಕಾಲತ್‍ಲ್ ಬದ್‍ಕ್‍ವ ನಂಗಕ್ ಇದ್ ಎಚ್ಚರವಾಯಿತ್ ಇಪ್ಪಕ್ ಇದ್‍ನೆಲ್ಲಾ ಒಳ್‍ದಿ ಬೆಚ್ಚಿತುಂಡ್.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

2 ಕೊರಿಂಥ 9:7

ಒಬ್ಬೊಬ್ಬನು ಮನಸ್ಸ್ ಕಷ್ಟಪಟ್ಟಿತೋ ಒತ್ತಾಯ ಮಾಡಿತೋ ಅಲ್ಲ, ತಾಂಡ ಮನಸ್ಸ್‌ಲ್ ತೀರ್ಮಾನ ಮಾಡ್‍ನನೆಕೆ ಕೊಡ್‌ಕಡ್; ಕುಶೀಲ್ ಕೊಡ್‍ಪಂವೊನ ದೇವ ಪ್ರೀತಿಚಿಡುವ.

ಗಲಾತ್ಯ 5:14

ನಿಂಗ ನಿಂಗಳ ಎನ್ನನೆ ಪ್ರೀತಿ ಮಾಡ್‍ವಿರೋ ಅನ್ನನೆ ನಿಂಗಡ ನೆರೆಮನೆಕಾರಳ ಪ್ರೀತಿ ಮಾಡಿ ಎಣ್ಣುವ ಈ ಒರೇ ವಾಕ್ಯ, ನ್ಯಾಯಪ್ರಮಾಣತ್‍ಲ್ ಉಳ್ಳಾನೆಲ್ಲಾ ಪೂರ್ತಿ ಮಾಡ್‌ವ.

ಗಲಾತ್ಯ 5:26

ಆನಗುಂಡ್ ನಂಗ ಆಂಗಾರತ್‍ಲ್ ಇಪ್ಪಕ್ಕಾಗ, ಒಬ್ಬಂಗ್ ಒಬ್ಬ ಕಷ್ಟಕೊಡ್‌ಪಕ್ಕಾಗ, ದಾಡಮೇಲು ಒಟ್ಟೆಕಿಚ್ಚ್‌ಲ್ ಇಪ್ಪಕ್ಕಾಗ.

ಯಾಕೋಬ 4:11

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಬ್ಬಂಗೊಬ್ಬ ವಿರೋದವಾಯಿತ್ ಕೆಟ್ಟದ್ ಪರಿಯತಿ; ನಿಂಗ ಒಬ್ಬಂಗೊಬ್ಬ ತಪ್ಪ್ ಪರ್ಂದಿತ್, ದೂಷಣೆ ಮಾಡ್‍ಚೇಂಗಿ, ಅಕ್ಕ ನಿಂಗ ನ್ಯಾಯಪ್ರಮಾಣತ್‍ಲ್ ತಪ್ಪ್ ಕಂಡ್‍ಪುಡ್‌ಚಿತ್ ದೂಷಣೆ ಮಾಡ್‍ನನೆಕೆ; ನ್ಯಾಯಪ್ರಮಾಣ ಸರಿ ತಪ್ಪ್‍ೕಂದ್ ನಿಂಗ ತೀರ್ಪ್ ಕೊಡ್‍ಪಕ್ಕಾಗ, ಅದ್‍ನ ಕ್‍ೕಟಿತ್ ನಡ್‍ಪದೇ ನಿಂಗಡ ಕೆಲಸ.

ಯಾಕೋಬ 4:12

ನ್ಯಾಯಪ್ರಮಾಣತ್‍ನ ತಪ್ಪಂವೊ ಪಿಂಞ ನ್ಯಾಯ ಕೊಡ್‍ಪಂವೊ ಒಬ್ಬನೇ. ರಕ್ಷಣೆ ಮಾಡ್‌ವಕು ಪಾಳ್ ಮಾಡ್‌ವಕು ಅಂವೊಂಗ್ ಮಾತ್ರ ಅದಿಕಾರ ಉಂಡ್; ಬೋರೆಯಿಂಗಳ ಕುತ್ತ ಕಂಡ್‌ಪುಡಿಪಕ್ ನಿಂಗ ದಾರ್?

ಯಾಕೋಬ 5:10

ನಾಡ ಅಣ್ಣತಮ್ಮಣಂಗಳೇ, ದೇವಡ ಪೆದತ್‍ಲ್ ತಕ್ಕ್ ಪರ್ಂದ ಅಂವೊಂಡ ಪಂಡತ ಪ್ರವಾದಿಯಂಗ ಅಯಿಂಗಡ ಕಷ್ಟತ್‍ಲ್ ತಾಳ್ಮೆಯಾಯಿತ್ ಇಂಜದ್‍ನ ಉದಾರಣೆಯಾಯಿತ್ ಬೆಚ್ಚೊಳಿ.

ಯಾಕೋಬ 5:7

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ಒಡೆಯ ಬಪ್ಪಕತ್ತನೆ ನಿಂಗ ತಾಳ್ಮೆಯಾಯಿತ್ ಇಕ್ಕಂಡು. ನೋಟಿ, ಒರ್ ಮನುಷ್ಯ ಬೇಲ್‌ಲ್ ಕೆಲಸ ಮಾಡಿತ್‌ ಬೂಮಿರ ನಲ್ಲ ಪಸಲ್ ಕ್‍ಟ್ಟ್‌ವಕಾಯಿತ್, ಮಿಂಞತ್‍ರ ಪಿಂಞ ಬಯ್ಯತ್‌ರ ಮಳೆಕಾಯಿತ್ ಪಾರಕಾತಂಡ್ ಇಪ್ಪ.

1 ಪೇತ್ರ 4:5

ಆಚೇಂಗಿ, ಅನ್ನನೆ ಬದ್‍ಕಿಯಂಡ್ ಉಳ್ಳಯಿಂಗಕ್ ಪಿಂಞ ಚತ್ತಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪಕ್ ತಯಾರಾಯಿತ್ ಉಳ್ಳಂವೊಂಗ್ ಅಯಿಂಗ ಲೆಕ್ಕ ಕೊಡ್‍ಕಂಡು.

1 ಪೇತ್ರ 4:9

ಗೊಣಗತೆ, ಮನೆಲ್ ಎಲ್ಲಾರ್‌ನ ಚಾಯಿ ಸತ್ಕಾರ ಮಾಡಂಡು.

ಪ್ರಕಟನೆ 3:20

ಇದಾ, ನಾನ್ ಪಡಿರ ಪಕ್ಕ ನಿಂದಂಡ್ ತಟ್ಟಿಯಂಡುಳ್ಳ, ದಾರೇಂಗಿ ನಾಡ ಸದ್ದ್‌ನ ಕ್‍ೕಟಿತ್, ಪಡಿನ ತೊರ್‌ಂದ್‍ತೇಂಗಿ, ನಾನ್ ಒಳ್‍ಕ್ ಬಂದಿತ್, ಅಂವೊಂಡ ಕೂಡೆ ಅಳ್‌ತಿತ್ ಉಂಬಿ, ಅಂವೊನು ನಾಡ ಕೂಡೆ ಅಳ್‌ತಿತ್ ಉಂಬ.