ಯಾಕೋಬ 5:3 - ಕೊಡವ ಬೈಬಲ್

³ ನಿಂಗಡ ಪೊನ್ನ್, ಬೊಳ್ಳಿ ಪ್ರಯೋಜನಯಿಲ್ಲತೆ ಆಯಿಪೋಪ; ನಿಂಗ ಕೂಟಿ ಬೆಚ್ಚಿತುಳ್ಳ ಆಸ್ತಿರ ಮೇಲೆ ಉಳ್ಳ ನಂಬಿಕೆ, ನಿಂಗಡ ತಡೀನ ತಿತ್ತ್ ತಿಂಬನೆಕೆ ತಿಂಬ. ನಿಂಗ ಕೂಟಿ ಬೆಚ್ಚಿತುಳ್ಳ ಆಸ್ತಿ ದೇವ ತೀರ್ಪ್ ಕೊಡ್‍ಪ ದಿನತ್‌ಲ್ ನಿಂಗಕ್ ವಿರೋದವಾಯಿತ್ ಸಾಕ್ಷಿ ತಪ್ಪ.

ಯಾಕೋಬ 5:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 31:48

ಈ ಕಲ್ಲ್‌ರ ಗುಡ್ಡೆ ನಂಗ ಇಂದ್‌ ಮಾಡಿಯಂಡ ಒಪ್ಪಂದಕ್‌ ಸಾಕ್ಷಿಯಾಯಿತ್‌ಪ್ಪಾಂದ್‌ ಲಾಬಾನ ಎಣ್ಣನಗುಂಡ್, ಆ ಕಲ್‌ಲ್‌ ಗುಡ್ಡೆಕ್‌ ಗಲೇದ್‌ ಎಣ್ಣಿಯಂಡೇ ಪೆದ ಕ್‌ಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 31:52

ಕ್‍ೕಡ್‌ ಮಾಡುವಕ್‌ ನಾನ್‌ ಈ ಕಲ್ಲ್‌ರ ಗುಡ್ಡೆನ ದಾಟಿತ್‌ ನಿನ್ನ ಪಕ್ಕ ಬರತೆ ಇಪ್ಪಕಾಯಿತು, ನೀನ್‌ ಈ ಗುಡ್ಡೆನ ಪಿಂಞ ಕಂಬತ್‌ನ ದಾಟಿತ್‌ ನಾಡ ಪಕ್ಕ ಬರತೆ ಇಪ್ಪಕಾಯಿತು ಈ ಗುಡ್ಡೆಯು ಕಂಬವು ನಂಗ ಮಾಡ್‌ನ ಒಪ್ಪಂದಕ್‌ ಸಾಕ್ಷಿಯಾಯಿತ್‌ ಉಂಡ್.

ಆದ್ಯತ್‌ರ ಪುಸ್ತಕ 49:1

ಯಾಕೋಬ ತಾಂಡ ಎಲ್ಲಾ ಮಕ್ಕಳ ಕಾಕಿತ್: ನಿಂಗೆಲ್ಲಾರು ಒಕ್ಕಚೆ ಕೂಡಿ ಬಾರಿ. ಮಿಂಞತ ದಿವಸತ್‌ಲ್‌ ಎಂತ ಆಪಾಂದ್‌ ನಾನ್‌ ನಿಂಗಕ್‌ ಎಣ್ಣ್‌ವಿ.

ಅಪೊಸ್ತಲ 2:17

ಕಡೆ ಕಾಲತ್‍ಲ್ ನಾನ್ ಎಲ್ಲಾ ಮನುಷ್ಯಂಗಡ ಮೇಲೆ ನಾಡ ಆತ್ಮತ್‌ನ ಬೂಕುವಿ. ಅಕ್ಕ ನಿಂಗಡ ಮೋನಿಯಂಗ, ಮೋಳಿಯ ಪ್ರವಾದನೆ ಎಣ್ಣುವ. ನಿಂಗಡ ಬಾಲೆಕಾರ ಮಕ್ಕ ದರ್ಶನ ಕಾಂಬ. ನಿಂಗಡ ಪೆರಿಯಯಿಂಗ ಸ್ವಪ್ನ ಕಾಂಬ.

ರೋಮ್ 2:5

ಆಚೇಂಗಿ, ನಿಂಗಡ ಕಠಿಣ ಹೃದಯತ್‍ರಗುಂಡ್ ಪಿಂಞ ವಾಸಿ ಆಕತ ಹೃದಯತ್‍ರಗುಂಡ್, ನೀತಿಯುಳ್ಳ ತೀರ್ಪ್ ತಪ್ಪ ದೇವಡ ಬಲ್ಯ ಚೆಡಿರ ದಿವಸತ್‍ಲ್, ನಿಂಗ ನಿಂಗಕಾಯಿತ್ ದೇವಡ ಬಲ್ಯ ಚೆಡಿನ ಕೂಟಿ ಬೆಚ್ಚಂಡುಳ್ಳಿರಲ್ಲ?

2 ತಿಮೊಥೆಯ 2:17

ಆ ತರ ತಕ್ಕ್, ವಾಸಿ ಆಕತ ತಡೀಲ್ ಪಬ್ಬ್‌ವ ಗಾಯತ್‍ರನೆಕೆ ಉಂಡ್. ಹುಮೆನಾಯ, ಪಿಲೇತ ಸಹ ಇನ್ನನೆ ತಕ್ಕ್ ಪರಿವಕಿಂಜತ್.

2 ಪೇತ್ರ 3:3

ನಿಂಗಕ್ ಗೊತ್ತಾಂಡೂಂದ್ ಉಳ್ಳ ಆದ್ಯ ವಿಷಯ ಎಂತ ಎಣ್ಣ್‌ಚೇಂಗಿ: ಕಡೆ ಕಾಲತ್‍ಲ್ ಏಜುವಯಿಂಗ ಬಂದಿತ್ ಏಜಿತ್, ಅಯಿಂಗಡ ಇಚ್ಛೆಲ್ ನಡ್‍ಪ.

ಪ್ರಕಟನೆ 17:16

ಆ ಮೃಗತ್‍ರ ಮೇಲೆ ನೀನ್ ನೋಟ್‌ನ ಪತ್ತ್ ಕೊಂಬ್‍ರಯಿಂಗ ಆ ವೇಶಿನ ವಿರೋದ ಮಾಡಿತ್, ಪಾಳ್ ಮಾಡಿತ್, ಅವಳ ಬೆತ್ತಲೆ ಮಾಡಿತ್, ಅವಡ ಯರ್ಚಿನ ತಿಂದಿತ್, ಅವಳ ತಿತ್ತ್‌ಲ್ ಚುಟ್ಟ್‌ರ್‍ವ.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.