ಯಾಕೋಬ 5:14 - ಕೊಡವ ಬೈಬಲ್

¹⁴ ನಿಂಗಡಲ್ಲಿ ದಾರ್‌ಕೇಂಗಿಯು ಸೌಕ್ಯ ಇಲ್ಲತೆ ಪೋಯಿತ್ಂಜತೇಂಗಿ, ಅಂವೊ ಸಬೆರ ಪೆರಿಯಯಿಂಗಳ ಕಾಕಡ್; ಅಯಿಂಗ ಒಡೆಯಂಡ ಪೆದತ್‍ಲ್ ಆ ಮನುಷ್ಯಂಗ್ ಎಣ್ಣೆ ಉದ್ದುವಂಜಿ ಪ್ರಾರ್ಥನೆ ಮಾಡಡ್.

ಯಾಕೋಬ 5:14 ပူးပေါင်းရင်းမြစ်များ

ಮಾರ್ಕ 16:18

ಅಯಿಂಗ ಪಾಂಬ್‍ನ ಪುಡ್‌ಚತೇಂಗಿಯೂ, ವಿಷ ಕುಡಿಚತೇಂಗಿಯೂ ಅಯಿಂಗಕ್ ಒಂದು ಆಪುಲೆ. ಕಾಯಿಲೆ ಬಂದ ಜನಡಮೇಲೆ ಕೈ ಬೆಚ್ಚತೇಂಗಿ ಅಯಿಂಗ ವಾಸಿ ಆಪಾಂದ್ ಅಂವೊ ಎಣ್ಣ್‌ಚಿ.

ಮಾರ್ಕ 6:13

ಅಯಿಂಗ ದುಂಬ ಜನಡ ಕೂಳಿನ ಬುಡ್‌ತಿಯಂಡ್, ಕಾಯಿಲೆ ಉಳ್ಳ ಜನಕ್ ಎಣ್ಣೇನ ತೇಚಿತ್ ಜನಳ ವಾಸಿ ಮಾಡ್‍ಚಿ.

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 28:8

ಅಂವೊಂಡ ಅಪ್ಪಂಗ್ ಚೋರೆ ತೂರಾಟ ಕಾಯಿಲೆ ಪಿಂಞ ಪನಿ ಬಂದಿತ್ ಬುದ್ದಂಡ್ ಇಂಜತ್. ಪೌಲ ಅಂವೊಂಡ ಪಕ್ಕ ಪೋಯಿತ್ ಪ್ರಾರ್ಥನೆ ಮಾಡಿತ್ ಅಂವೊಂಡ ಮೇಲೆ ಕೈ ಬೆಚ್ಚಿತ್ ಅಂವೊನ ವಾಸಿ ಮಾಡ್‍ಚಿ.

ಅಪೊಸ್ತಲ 9:40

ಪೇತ್ರ ಅಯಿಂಗ ಎಲ್ಲಾರ್‌ನ ಆ ಕೋಂಬರೆಯಿಂಜ ಪೊರಮೆ ಅಯಿಚಿತ್, ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡಿತ್, ಚಾವ್ ತಡೀರ ಪಕ್ಕ ತಿರಿತ್: ತಬಿಥಾ, ಏಳ್‍ೕಂದ್ ಎಣ್ಣ್‌ಚಿ; ಅಕ್ಕ ಅವ ಕಣ್ಣ್ ತೊರಂದಿತ್, ಪೇತ್ರನ ಕಂಡದು ಅವ ಎದ್ದಿತ್ ಅಳ್‌ತಂಡತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:5

ನಂಗ ಕ್ರೇತ ದ್ವೀಪತ್‍ಲ್ ಮಾಡಿಯಂಡಿಂಜ ದೇವಡ ಸೇವೇನ ಪೂರ್ತಿಮಾಡ್‌ವಕಾಯಿತು, ನಾನ್ ನೀಕ್ ಎಣ್ಣ್‌ನನೆಕೆ ಪಟ್ಟಣತ್ಂಜ ಪಟ್ಟಣಕ್ ಸಬೆರ ಪೆರಿಯಯಿಂಗಳ ನೇಮಿಚಿಡ್‌ವಕಾಯಿತು ನಾನ್ ನಿನ್ನ ಅಲ್ಲಿ ಬುಟ್ಟಿತ್ ಬಂದಿಯೆ.