ಯಾಕೋಬ 5:10 - ಕೊಡವ ಬೈಬಲ್

¹⁰ ನಾಡ ಅಣ್ಣತಮ್ಮಣಂಗಳೇ, ದೇವಡ ಪೆದತ್‍ಲ್ ತಕ್ಕ್ ಪರ್ಂದ ಅಂವೊಂಡ ಪಂಡತ ಪ್ರವಾದಿಯಂಗ ಅಯಿಂಗಡ ಕಷ್ಟತ್‍ಲ್ ತಾಳ್ಮೆಯಾಯಿತ್ ಇಂಜದ್‍ನ ಉದಾರಣೆಯಾಯಿತ್ ಬೆಚ್ಚೊಳಿ.

ಯಾಕೋಬ 5:10 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:34

ಓ ಯೆರೂಸಲೇಮೇ, ಯೆರೂಸಲೇಮೇ, ಪ್ರವಾದಿಯಂಗಳ ಕೊಂದಿತ್ ದೇವ ಅಯಿಚ ಜನಳ ಕಲ್ಲ್ ಕನ್‍ಚಿತ್ ಕೊಲ್ಲುವ ಜನಳೇ, ಕೋಳಿ ತಾಂಡ ಕುಂಞಿಯಳ ರೆಕ್ಕೆರ ಒಳ್‍ಕ್ ಕೂಟಿಯಂಡ್ ಇಪ್ಪನೆಕೆ, ನೀಡ ಮಕ್ಕಳ ನಾನ್ ಸಹ ಕೂಟಿಯಂಡ್ ರಕ್ಷಣೆ ಮಾಡ್‌ವಕ್ ಎಚ್ಚಕೋ ಕುರಿ ನಾಕ್ ಮನಸ್ಸ್ ಇಂಜತ್, ಆಚೇಂಗಿ ನಿಂಗಕ್ ನಾನ್ ಅನ್ನನೆ ಮಾಡ್‍ವದ್ ಕುಶಿಯಿಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:23

ಇದೆಲ್ಲಾ ಆಪಕ ಕುಶಿ ಪಡಿರಿ. ಕುಶಿ ಪಡಿರಿ; ಪರಲೋಕತ್‍ಲ್ ನಿಂಗಡ ಫಲ ಬಲ್ಯದಾಯಿತ್‌ಪ್ಪ. ಅಯಿಂಗಡ ಅಪ್ಪಯಿಂಗಳೂ ಪ್ರವಾದಿಯಂಗಕ್ ಅನ್ನನೆ ಮಾಡಿಯೆ.

ಅಪೊಸ್ತಲ 3:21

ಅಂವೊಂಡ ಪವಿತ್ರವಾನ ಪ್ರವಾದಿಯಂಗಡ ಮೂಲಕ, ಪಂಡೇ ವಾಗ್ದಾನ ಮಾಡ್‍ನನೆಕೆ, ದೇವ ಎಲ್ಲಾನ ಸರಿಮಾಡ್‍ವಾಂದ್ ಎಣ್ಣ್‌ನ ವಿಷಯನೆಲ್ಲ ನೆರೆವೇರುವ ಕಾಲಕತ್ತನೆ, ಈ ಕ್ರಿಸ್ತ, ಪರಲೋಕತ್‍ಲ್ ಇಕ್ಕಂಡು.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.

ಇಬ್ರಿಯ 13:7

ದೇವಡ ವಾಕ್ಯತ್‍ನ ನಿಂಗಕ್ ಬೋದನೆ ಮಾಡಿತ್ ನಿಂಗಳ ನಡ್‌ತ್‍ನಯಿಂಗಳ ಗೇನ ಮಾಡಿತ್, ಅಯಿಂಗಡ ಬದ್‍ಕ್ ಆಕೀರ್‍ಕತ್ತನೆ ಎನ್ನನೆ ಇಂಜತ್‍ೕಂದ್ ಚಾಯಿತೆ ನೋಟಿತ್, ಅಯಿಂಗಡ ನಂಬಿಕೇರನೆಕೆ ನಡ್‍ಪಿರ.

ಯಾಕೋಬ 4:11

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಬ್ಬಂಗೊಬ್ಬ ವಿರೋದವಾಯಿತ್ ಕೆಟ್ಟದ್ ಪರಿಯತಿ; ನಿಂಗ ಒಬ್ಬಂಗೊಬ್ಬ ತಪ್ಪ್ ಪರ್ಂದಿತ್, ದೂಷಣೆ ಮಾಡ್‍ಚೇಂಗಿ, ಅಕ್ಕ ನಿಂಗ ನ್ಯಾಯಪ್ರಮಾಣತ್‍ಲ್ ತಪ್ಪ್ ಕಂಡ್‍ಪುಡ್‌ಚಿತ್ ದೂಷಣೆ ಮಾಡ್‍ನನೆಕೆ; ನ್ಯಾಯಪ್ರಮಾಣ ಸರಿ ತಪ್ಪ್‍ೕಂದ್ ನಿಂಗ ತೀರ್ಪ್ ಕೊಡ್‍ಪಕ್ಕಾಗ, ಅದ್‍ನ ಕ್‍ೕಟಿತ್ ನಡ್‍ಪದೇ ನಿಂಗಡ ಕೆಲಸ.

ಯಾಕೋಬ 5:13

ನಿಂಗಡಲ್ಲಿ ದಾರೇಂಗಿಯು ಕಷ್ಟತ್‍ಲ್ ಉಂಡೇಂಗಿ ನಿಂಗ ಪ್ರಾರ್ಥನೆ ಮಾಡಂಡು. ನಿಂಗಡಲ್ಲಿ ದಾರೇಂಗಿಯು ಕುಶೀಲ್ ಉಂಡೇಂಗಿ ದೇವನ ತುದಿಚಂಡ್ ಪಾಟ್ ಪಾಡಂಡು.

ಯಾಕೋಬ 5:7

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ಒಡೆಯ ಬಪ್ಪಕತ್ತನೆ ನಿಂಗ ತಾಳ್ಮೆಯಾಯಿತ್ ಇಕ್ಕಂಡು. ನೋಟಿ, ಒರ್ ಮನುಷ್ಯ ಬೇಲ್‌ಲ್ ಕೆಲಸ ಮಾಡಿತ್‌ ಬೂಮಿರ ನಲ್ಲ ಪಸಲ್ ಕ್‍ಟ್ಟ್‌ವಕಾಯಿತ್, ಮಿಂಞತ್‍ರ ಪಿಂಞ ಬಯ್ಯತ್‌ರ ಮಳೆಕಾಯಿತ್ ಪಾರಕಾತಂಡ್ ಇಪ್ಪ.

ಯಾಕೋಬ 5:9

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನ್ಯಾಯತೀರ್ಪ್ ಕ್‍ಟ್ಟತನೆಕೆ ಅಪ್ಪರ ಇಪ್ಪರ ಗೊಣಗಿಯಂಡ್ ಇಕ್ಕತಿ; ನೋಟಿ, ನ್ಯಾಯದಿಪತಿಯಾನ ಯೇಸು ಪಡಿರ ಪಕ್ಕ ನಿಂದಂಡ್ ಉಂಡ್.