ಯಾಕೋಬ 4:9 - ಕೊಡವ ಬೈಬಲ್

⁹ ನಿಂಗ ದುಃಖಿತ್, ಗೋಳಾಡಿತ್, ಮೊರಟಿತ್ ನಿಂಗಡ ತೆಳಿನ ಬದ್‍ಲ್ ಮಾಡಿತ್ ವ್ಯಸನ ಪಡಿರಿ, ನಿಂಗಡ ಕುಶೀರ ಬದ್‍ಲ್ ವ್ಯಸನ ಪಡಿರಿ.

ಯಾಕೋಬ 4:9 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:13

ಒಬ್ಬ ತೆಳ್‌ಚಂಡಿಪ್ಪಕಲು ಮನಸ್ಸ್‌ ದುಃಖತ್‌ ಇಪ್ಪ; ಆ ಕುಶೀರ ಆಕೀರ್‌ ಬೇಜಾರ್‌ ಆಯಿತ್‌ಪ್ಪ.

ಮತ್ತಾಯ 21:41

ಅಂವೊ ಆ ದುಷ್ಟ ಜನಳ ಕ್ರೂರವಾಯಿತ್ ಕೊಲ್ಲ್‌ವಂಜಿ, ಪಣ್ಣ್ ಕೊಯ್ಯುವ ಸಮಯ ಬಪ್ಪಕ ದಾರ್ ಎಜಮಾನಂಗ್ ಅಂವೊಂಡ ಪಾಲ್‍ನ ಕೊಡ್‍ಪ, ಅಯಿಂಗಕ್ ತೋಟತ್‍ನ ವಾರಕ್ ಕೊಡ್‍ಪಾಂದ್ ಅಯಿಂಗ ಎಣ್ಣ್‌ಚಿ.

ಮತ್ತಾಯ 5:4

ದುಃಖ ಪಟ್ಟಂಡುಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ದೇವ ಅಯಿಂಗಳ ಸಮಾದಾನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25

ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:21

ಇಕ್ಕ ಕೆಲ ಪಯಿಚಂಡುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ನಿಂಗ ತೃಪ್ತಿಯಾಯಿತ್‌ಪ್ಪಿರ. ಇಕ್ಕ ಮೊರಟಂಡುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ಮಿಂಞಕ್ ನಿಂಗ ತೆಳಿಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:25

ತೃಪ್ತಿಯಾಯಿತುಳ್ಳ ನಿಂಗಕ್ ಅಯ್ಯೋ! ನಿಂಗಕ್ ಕೆಲ ಪಯಿಚಂಡಿಪ್ಪ. ಇಕ್ಕ ತೆಳಿಚಂಡುಳ್ಳ ನಿಂಗಕ್ ಅಯ್ಯೋ! ಮಿಂಞಕ್ ದುಃಖತ್‍ಲ್ ಮೊರಡ್‌ವಿರ.