ಯಾಕೋಬ 4:6 - ಕೊಡವ ಬೈಬಲ್

⁶ ಅಂವೊ ನಂಗಕ್ ಇಂಞು ದುಂಬ ಕರುಣೆ ಕಾಟಿಯಂಡುಂಡಲ್ಲ. ಅದ್ಂಗಾಯಿತೇ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕೃಪೆ ತಪ್ಪಾಂದ್ ದೇವಡ ವಾಕ್ಯ ಎಣ್ಣಿತುಂಡ್.

ಯಾಕೋಬ 4:6 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:33

ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ, ಅದ್‌ ಜ್ಞಾನತ್‌ನ ಬೋದನೆ ಮಾಡುವ; ಗನಪಡ್‌ವಕ್‌ ಮಿಂಞ ತಗ್ಗಿತ್‌ ನಡ್‌ಕಂಡು.

ಜ್ಞಾನತ್‌ರ ಪಡಿಮ 18:12

ನಾಶ ಬಪ್ಪಕ್‌ ಮಿಂಞ ಬಲ್ಯರಿಕೆ ಬಪ್ಪ; ತಗ್ಗಿತ್‌ ನಡ್‌ಪ್ಪದ್‌ ಗನಪಡ್‌ವಕ್‌ ಮಾಡುವ.

ಜ್ಞಾನತ್‌ರ ಪಡಿಮ 22:4

ತಗ್ಗಿತ್‌ ಪಿಂಞ ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ ಅದ್‌ಂಡ ಫಲವಾಯಿತ್‌ ಐಶ್ವರ್ಯ, ಗೌರವ ಪಿಂಞ ಜೀವ ಕ್‌ಟ್ಟು.

ಜ್ಞಾನತ್‌ರ ಪಡಿಮ 29:23

ಮನುಷ್ಯಂಡ ಆಂಗಾರ ಅಂವೊನ ತಗ್ಗ್‌ಚಿಡುವ. ಆಚೇಂಗಿ ಮನಸ್ಸ್‌ ತಗ್ಗಿತ್‌ ಉಳ್ಳಂವೊಂಗ್‌ ಗೌರವ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 3:34

ಪರಿಹಾಸ ಮಾಡ್‌ವಂವೊನ ಯೆಹೋವ ಪರಿಹಾಸ ಮಾಡುವ. ತಗ್ಗಿತ್‌ ಉಳ್ಳಯಿಂಗಕ್‌ ಕರುಣೆ ಕಾಟುವ.

ಮತ್ತಾಯ 13:12

ಉಳ್ಳಯಿಂಗಕ್ ಇಂಞು ಕ್‍ಟ್ಟ್‌ವ, ಅಯಿಂಗಕ್ ಬೋಂಡಿಯಚ್ಚಕ್ ಇಪ್ಪ; ಇಲ್ಲತಯಿಂಗಕ್ ಚೆನ್ನ ಉಳ್ಳದ್‍ನ ಸಹ ಎಡ್‌ತ್‌ರ್‌ವ.

ಮತ್ತಾಯ 23:12

ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ವಂವೊ ಅಡಿಕ್ ಬಪ್ಪ, ಆಚೇಂಗಿ ಬಗ್ಗಿತ್ ನಡ್‌ಪಂವೊ ಮಿಂಞಕ್ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:52

ಪ್ರಭುವಳ ಸಿಂಹಾಸನತ್ಂಜ ಅಡಿಕ್ ಕೊಂಡ್ ಬಪ್ಪಂಜಿ ಗರೀಬಂಗಳ ಕೊಡಿಕ್ ಕೊಂಡ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:11

ನಿಂಗ, ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:14

ಫರಿಸಾಯ ಅಲ್ಲ, ಕಂದಾಯ ಎಡ್‍ಪಂವೊನೇ ದೇವಡಯಿಂಜ ಪಾಪ ಕ್ಷೆಮೆ ಕ್‍ಟ್ಟಿತ್ ನೀತಿವಂತಂವೊನಾಯಿತ್ ಅಂವೊಂಡ ಮನೆಕ್ ಪೋಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪಾಂದ್ ಎಣ್ಣ್‌ಚಿ.

ಯಾಕೋಬ 4:10

ದೇವಡ ಮಿಂಞತ್‍ಲ್ ತಾಳ್ಮೆಲ್ ಇರಿ, ಅಕ್ಕ ನಿಂಗಳ ದೇವ ಮಿಂಞಕ್ ಎಡ್‌ತ ಪೋಪ.

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.