ಯಾಕೋಬ 4:4 - ಕೊಡವ ಬೈಬಲ್

⁴ ನಿಯತಿ ಇಲ್ಲತ ಜನಳೇ, ಈ ಬೂಲೋಕತ್‌ರ ಕೂಡೆ ಕೂಟ್ ಉಂಡೇಂಗಿ ದೇವನ ಅಲ್ಲಗೆಳೆದಿತ್, ದೂರ ಮಾಡ್‌ನನೆಕೇಂದ್ ಗೊತ್ತ್‌ಲ್ಲೆಯ? ಆನಗುಂಡ್ ಈ ಬೂಲೋಕತ್‌ರ ಕೂಡೆ ಕೂಟ್ ಬೆಪ್ಪಕ್ ಕುಶಿ ಉಳ್ಳಯಿಂಗ ದೇವಕ್ ಶತ್ರು ಆಯಿಪೋಪ.

ಯಾಕೋಬ 4:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಮತ್ತಾಯ 12:39

ಅದ್ಂಗ್ ಯೇಸು: ದೇವಡ ಮೇಲೆ ನಂಬಿಕೆ ಇಲ್ಲತ, ಕೆಟ್ಟ ಗುಣ ದುಂಬಿತುಳ್ಳ ಈ ಸಂತಾನಕಾರಂಗ ಒರ್ ಗುರ್‌ತ್ ಬೋಂಡೂಂದ್ ತ್‍ೕಡಿಯಂಡುಂಡ್; ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಅಯಿಂಗಕ್ ಕಾಟಿತಪ್ಪುಲೆ.

ಮತ್ತಾಯ 16:4

ದೇವನ ನೇರಾಯಿತ್ ಆರಾದನೆ ಮಾಡತ ಮೋಸವಾನ ಈ ಸಂತಾನಕಾರಂಗ, ನನ್ನಿಂಜ ಒರ್ ಗುರ್‌ತ್ ಬೋಂಡೂಂದ್ ಕ್‍ೕಪ. ಆಚೇಂಗಿ, ಯೋನ ಪ್ರವಾದಿರ ಗುರ್‌ತ್ ಅಲ್ಲತೆ ಬೋರೆ ಒರ್ ಗುರ್‌ತು ಈಂಗಕ್ ತಪ್ಪ್‌ಲೇಂದ್ ಎಣ್ಣಿತ್ ಅಯಿಂಗಳ ಬುಟ್ಟಿತ್ ಪೋಚಿ.

ಮತ್ತಾಯ 6:24

ದಾರೂ ದಂಡ್ ಎಜಮಾನಂಗ್ ಸೇವೆ ಮಾಡ್‌ವಕ್ ಕಯ್ಯುಲೆ. ಅಂವೊ ಒಬ್ಬನ ಕುಶಿಪಡ್‌ತ್‌ವ, ಇಂಞೊಬ್ಬನ ದ್ವೇಶ ಮಾಡ್‌ವ. ಅಥವ ಒಬ್ಬನ ಪ್ರೀತಿ ಮಾಡಿಯಂಡ್ ಇಂಞೊಬ್ಬನ ದೂರ್‌ವ. ನಿಂಗ ದೇವನ ಪಿಂಞ ಪಣತ್‍ನ ಒಕ್ಕಚೆ ಸೇವೆ ಮಾಡ್‌ವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:27

ಇದ್‍ಲ್ಲತೆ, ನಾನ್ ರಾಜನಾಯಿತ್ ಇಪ್ಪದ್ ಕುಶಿ ಇಲ್ಲೇಂದ್ ಎಣ್ಣ್‌ವ ನಾಡ ಶತ್ರುವಳ ಇಲ್ಲಿ ಕೊಂಡ್‌ಬಾರಿ, ನಾಡ ಎದಿಕೆ ಇಕ್ಕಲೆ ಕೊಲ್ಲೀಂದ್ ಎಣ್ಣ್‌ಚಿ.

ಯೋಹಾನ 15:19

ನಿಂಗ ಈ ಲೋಕತ್‍ರ ಜನತ್‍ರನೆಕೆ ಇಂಜತೇಂಗಿ, ಈ ಲೋಕ ನಿಂಗಳ ಅಯಿಂಗಡ ಜನಾಂದ್ ಪ್ರೀತಿ ಮಾಡ್‌ವಕಿಂಜತ್; ಆಚೇಂಗಿ ನಿಂಗ ಈ ಲೋಕತ್‍ರ ಜನತ್‍ರನೆಕೆ ಇಲ್ಲತಗುಂಡ್ ಪಿಂಞ ನಾನ್ ನಿಂಗಳ ಈ ಲೋಕತ್ಂಜ ಗೊತ್ತ್ ಮಾಡಿತುಳ್ಳಗುಂಡ್ ಈ ಲೋಕ ನಿಂಗಳ ವಿರೋದಿಚಿಡುವ.

ಯೋಹಾನ 17:14

ನಾನ್ ನೀಡ ವಾಕ್ಯತ್‍ನ ಅಯಿಂಗಕ್ ಕೊಡ್‌ತಿಯೆ; ನಾನ್ ಈ ಲೋಕಕ್ ಕೂಡ್‍ನಂವೊ ಅಲ್ಲತನೆಕೆ, ಈಂಗಳು ಈ ಲೋಕಕ್ ಕೂಡ್‍ನಯಿಂಗ ಅಲ್ಲ. ಅದ್ಂಗಾಯಿತ್ ಈ ಲೋಕ ಈಂಗಳ ದ್ವೇಶ ಮಾಡಿಯಂಡ್ ಉಂಡ್.

ಯೋಹಾನ 7:7

ಈ ಲೋಕತ್‍ರ ಜನ ನಿಂಗಳ ವಿರೋದಿಚಿಡುಲೆ, ಅಯಿಂಗ ಮಾಡ್‌ವ ಕಾರ್ಯವೆಲ್ಲಾ ಕೆಟ್ಟದ್‍ೕಂದ್ ನಾನ್ ಸಾಕ್ಷಿ ಎಣ್ಣಿಯಂಡುಳ್ಳಗುಂಡ್, ನನ್ನ ವಿರೋದಿಚಿಡುವ.

ರೋಮ್ 5:10

ನಂಗ ದೇವಕ್ ವಿರೋದಿಯಂಗಳಾಯಿತಿಪ್ಪಕ, ಅಂವೊಂಡ ಮೋಂವೊಂಡ ಚಾವ್‍ರಗುಂಡ್ ವಿರೋದತ್‍ನ ನೀಕಿತ್ ಸಮಾದಾನತ್‍ನ ಕೊಂಡ್ ಬಾತೇಂಗಿ, ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟ್‌ನ ಪಿಂಞ ಅಂವೊಂಡ ಜೀವತ್‍ರ ಮೂಲಕ ಬಚಾವಾಪದ್ ಎಚ್ಚಕ್ ಕಂಡಿತ.

ರೋಮ್ 8:7

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡ ಪಾಪ ಗುಣತ್‍ರ ಗೇನ, ದೇವಕ್ ವಿರೋದವಾಯಿತ್ ಕ್ರಿಯೆ ಮಾಡ್‌ವ; ಆ ಪಾಪತ್‍ರ ಗುಣ ನ್ಯಾಯಪ್ರಮಾಣಕ್ ಬಗ್ಗ್‌ಚಿಡುಲೆ, ಬಗ್ಗಿಚಿಡ್‌ವಕ್ ಕಯ್ಯುವುದು ಇಲ್ಲೆ.

1 ಕೊರಿಂಥ 1:20

ಜ್ಞಾನಿ ಎಲ್ಲಿ? ನ್ಯಾಯಪ್ರಮಾಣತ್‍ರ ಉಪಾದ್ಯ ಎಲ್ಲಿ? ಶಾಸ್ತ್ರಿ ಎಲ್ಲಿ? ಈ ಲೋಕತ್‍ಲ್ ನಲ್ಲ ತರ್ಕ ಮಾಡ್‌ವಯಿಂಗ ಎಲ್ಲಿ? ಈ ಲೋಕತ್‍ರ ಜ್ಞಾನತ್‍ನ ದೇವ ಪುಚ್ಚಿತನವಾಯಿತ್ ಮಾಡಿತುಂಡಲ್ಲ.

1 ಕೊರಿಂಥ 1:21

ಎನ್ನನೆ ಎಣ್ಣ್‌ಚೇಂಗಿ, ಮನುಷ್ಯಂಡ ಬುದ್ದಿಲ್ ಈ ಲೋಕ ಅಂವೊನ ಗೊತ್ತ್ ಮಾಡಿತ್‌ಲ್ಲೇಂದ್, ದೇವಕ್ ಅಂವೊಂಡ ಜ್ಞಾನತ್‍ಲ್ ಗೊತ್ತುಂಡ್. ಅನ್ನನೆ ನಂಗ ಎಣ್ಣುವ ಈ ತಕ್ಕ್‌ನ ಲೋಕತ್‍ರ ಜನ ಜ್ಞಾನ ಇಲ್ಲತ ಬೋದನೇಂದ್ ಎಣ್ಣುವ. ಆಚೇಂಗಿ ಅದ್‍ನ ನಂಬುವ ಜನತ್‍ನ ರಕ್ಷಣೆ ಮಾಡ್‌ವಕ್, ದೇವಕ್ ಕುಶಿಯಾಚಿ.

ಗಲಾತ್ಯ 1:10

ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.

ಯಾಕೋಬ 1:27

ತಬ್ಬಲಿ ಮಕ್ಕ ಪಿಂಞ ವಿದವೆಯಿಂಗಡ ಕಷ್ಟತ್‍ಲ್ ಸಹಾಯ ಮಾಡ್‍ವದ್ ಪಿಂಞ ಈ ಲೋಕತ್‍ರ ಪಾಪ ಅಂವೊನ ದೋಷ ಮಾಡತನೆಕೆ ಕಾಪಾಡಿಯಂಡ್ ಬದ್‍ಕ್‍ವದ್ ಇನ್ನತಾನ ವಿಷಯವೇ, ಅಪ್ಪನಾನ ದೇವಡ ಮಿಂಞತ್ ಶುದ್ದವಾನ ಕಳಂಗ ಇಲ್ಲತ ಬಕ್ತಿಯಾಯಿತ್‌ಪ್ಪ.