ಯಾಕೋಬ 4:2 - ಕೊಡವ ಬೈಬಲ್

² ನಿಂಗಕ್ ಆಸೆ ಉಂಡೇಂಗಿಯು ನಿಂಗಕ್ ಕ್‌ಟ್ಟಿಯಂಡಿಲ್ಲೆ; ನಿಂಗ ಕೊಂದಿತು ಪಿಂಞ ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ಉಂಡೇಂಗಿಯು ನಿಂಗಕ್ ಬೋಂಡಿಯಾನದ್ ಕ್‌ಟ್ಟಿಯಂಡಿಲ್ಲೆ; ನಿಂಗ ಜಗಳ ಮಾಡ್‌ವಿರ, ಯುದ್ದವು ಮಾಡ್‌ವಿರ, ಆಚೇಂಗಿಯು ನಿಂಗ ದೇವಡ ಪಕ್ಕ ಕ್‍ೕಕತೆಗುಂಡ್ ನಿಂಗಕ್ ಅದ್ ಕ್‌ಟ್ಟಿಯಂಡಿಲ್ಲೆ.

ಯಾಕೋಬ 4:2 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:19

ಐಷ್ವರ್ಯತ್‌ರ ಮೇಲೆ ಬೋಂಡತ ಆಸೆ ಬೆಚ್ಚಿತುಳ್ಳಯಿಂಗಡ ಗತಿ ಇನ್ನನೆ ಇಪ್ಪ; ಅಯಿಂಗಡ ಜೀವತ್‌ನ ಅದೇ ಎಡ್‌ತ್‌ರ್‌ವ.

ಯೋಹಾನ 16:24

ಇಲ್ಲಿಕತ್ತನೆ ನಾಡ ಪೆದತ್‍ಲ್ ನಿಂಗ ಒಂದು ಕ್‍ೕಟಿತ್‌ಲ್ಲೆ. ನಿಂಗ ಕ್‍ೕಳಿ! ಅಕ್ಕ ನಿಂಗಕ್ ಕ್‍ಟ್ಟುವ; ನಿಂಗಡ ಕುಶಿ ಪೂರ್ತಿ ಆಪನೆಕೆ ನಿಂಗಕ್ ಕ್‍ಟ್ಟುವ.

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

ಯಾಕೋಬ 1:5

ದೇವ ಎಣ್ಣ್‌ನನೆಕೆ ನಿಂಗ ನಡ್‍ಕಂಡೂಂದ್ ಉಳ್ಳ ಜ್ಞಾನ ಬೋಂಡ್‌ಚೇಂಗಿ, ಅಂವೊಂಡ ಪಕ್ಕ ಕ್‍ೕಳಿ. ಅಕ್ಕ, ಅಂವೊ ನಿಂಗಳ ಜೋರ್ ಮಾಡುಲೆ, ಉದಾರ ಮನಸ್ಸ್‌ಲ್ ನಿಂಗಕ್ ಜ್ಞಾನತ್‍ನ ತಪ್ಪ.

ಯಾಕೋಬ 5:6

ನೀತಿವಂತಯಿಂಗಳ ನಿಂಗ ಕಂಡನೆ ಮಾಡಿತ್ ಕೊಂದಿತುಳ್ಳಿರ; ಆಚೇಂಗಿಯು ಅಯಿಂಗ ದಾರೂ ನಿಂಗಕ್ ವಿರೋದವಾಯಿತ್ ನಿಂದಿತ್‌ಲ್ಲೆ.

1 ಯೋಹಾನ 3:15

ದಾರ್ ಒಬ್ಬ ತಾಂಡ ಅಣ್ಣತಮ್ಮಣಂಗಳ ದ್ವೇಶ ಮಾಡ್‌ವ ಅಂವೊ ಕೊಲೆಗಾರನೆಕೆ. ಏದ್ ಕೊಲೆಗಾರಂಡಲ್ಲಿಯು ನಿತ್ಯ ಜೀವ ಇಪ್ಪುಲೇಂದ್ ನಿಂಗಕ್ ಗೊತ್ತುಂಡ್.