ಯಾಕೋಬ 4:17 - ಕೊಡವ ಬೈಬಲ್

¹⁷ ಅನ್ನನೆ ಆಚೇಂಗಿ, ಒಬ್ಬಂಗ್ ನಲ್ಲದ್ ಮಾಡ್‌ವಕ್ ಗೊತ್ತ್ಂಜತೇಂಗಿಯು ಅಂವೊ ಮಾಡತೆ ಪೋಚೇಂಗಿ, ಅದ್ ಅಂವೊ ಪಾಪ ಮಾಡ್‍ನನೆಕೆ.

ಯಾಕೋಬ 4:17 ပူးပေါင်းရင်းမြစ်များ

ಯೋಹಾನ 13:17

ನಿಂಗಕ್ ಈ ಸತ್ಯ ಇಕ್ಕ ಗೊತ್ತಾಚಿ. ನಿಂಗ ಇದ್‍ನ ಉಪಯೋಗ ಮಾಡ್‍ಚೇಂಗಿ ನಿಂಗ ಎಚ್ಚಕ್ ಆಶೀರ್ವಾದ ಪಡ್ಂದಯಿಂಗಾಂದ್ ಗೊತ್ತುಂಡಾ?

ಯೋಹಾನ 15:22

ನಾನ್ ಬಂದಿತ್ ಅಯಿಂಗಡ ಕೂಡೆ ತಕ್ಕ್ ಪರಿಯತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ. ಆಚೇಂಗಿ ಇಕ್ಕ ಅಯಿಂಗಕ್ ಅಯಿಂಗಡ ಪಾಪತ್ಂಜ ತಪ್ಪಿಚಿಡ್‌ವಕ್ ಬಟ್ಟೆ ಇಲ್ಲೆ.

ಯೋಹಾನ 9:41

ಯೇಸು ಅಯಿಂಗಕ್: ನಿಂಗ ಕುರ್‌ಡಂಗಳಾಯಿತ್ ಇಂಜತೇಂಗಿ ನಿಂಗಡಲ್ಲಿ ಪಾಪ ಇಪ್ಪುಲೆ; ಆಚೇಂಗಿ, ನಿಂಗಕ್ ಕಣ್ಣ್ ಕಾಂಬಾಂದ್ ನಿಂಗ ಎಣ್ಣಿಯಂಡುಳ್ಳಗುಂಡ್, ನಿಂಗಡ ಪಾಪ ಎಕ್ಕಾಲು ಇಪ್ಪ.

ರೋಮ್ 1:32

ಇನ್ನನೆ ಮಾಡ್‌ವಯಿಂಗ ಮರಣಕ್ ಯೋಗ್ಯವಾನಯಿಂಗಾಂದ್ ದೇವಡ ನ್ಯಾಯತೀರ್ಪ್ ಅಯಿಂಗಕ್ ಗೊತ್ತುಂಡೇಂಗಿಯು, ಅಯಿಂಗ ಅದ್‍ನ ಮಾಡ್‍ವದಲ್ಲತೆ, ಇನ್ನನೆ ಕೆಟ್ಟ ಕೆಲಸ ಮಾಡ್‌ವಯಿಂಗಳ ಇಂಞು ಮಾಡ್‌ವಕ್ ಒತ್ತಾಸೆ ಕೊಡ್‍ಪಯಿಂಗಳಾಯಿತುಂಡ್.

ರೋಮ್ 7:13

ಅನ್ನನೆ ಆಚೇಂಗಿ, ನಲ್ಲದಾಯಿತುಳ್ಳ ನ್ಯಾಯಪ್ರಮಾಣ, ನಾಡ ಚಾವ್‍ಕ್ ಕಾರಣ ಆಚೀಂದ್ ಎಣ್ಣುವಕ್ ಕಯ್ಯುವ? ಅನ್ನನೆ ಅಲ್ಲ, ಪಾಪವೇ ನಾಡ ಚಾವ್‍ಕ್ ಕಾರಣ ಆಚಿ; ಪಾಪ ನ್ಯಾಯಪ್ರಮಾಣತ್‍ರಗುಂಡ್ ಇಂಞು ದುಂಬ ಪಾಪವಾಯಿತ್ ಪಿಂಞ ನಲ್ಲದ್‍ನಗುಂಡ್ ನಾಕ್ ಚಾವ್ ಕೊಂಡ್ ಬಾತ್. ಆನಗುಂಡ್, ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಚ್ಚಕ್ ಕ್ರೂರವಾನ ಪಾಪಾಂದ್ ನಂಗ ಕಾಂಬಕ್ ಆಚಿ.

2 ಪೇತ್ರ 2:21

ಅನ್ನನೆ ಉಳ್ಳಯಿಂಗ, ನೀತಿರ ಬಟ್ಟೇನ ಗೊತ್ತಾನ ಪಿಂಞ ಅಯಿಂಗಕ್ ಒಪ್ಪ್‌ಚಿಟ್ಟ ಪವಿತ್ರವಾನ ಆಜ್ಞೆನ ಬುಟ್ಟಿತ್ ಪೋಪಕಿಂಜ, ಅದ್‍ನ ಅಯಿಂಗಕ್ ಗೊತ್ತಿಲ್ಲತೆ ಇಂಜಿತೇಂಗಿ ಚಾಯಾಯಿತ್‌ಪ್ಪ.