ಯಾಕೋಬ 4:16 - ಕೊಡವ ಬೈಬಲ್

¹⁶ ಇಕ್ಕ ನಿಂಗ, ನಿಂಗಳ ದುಂಬ ಹೊಗಳಿಯಂಡುಂಡ್. ಈ ತರ ಹೊಗಳಿಕೆ ಎಲ್ಲಾ ಕೆಟ್ಟದ್.

ಯಾಕೋಬ 4:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:14

ಇನಾಮ್‌ ತಪ್ಪೀಂದ್‌ ಎಣ್ಣಿತ್‌ ಅದ್‌ನ ಕೊಡ್‌ಕತಂವೊ, ಮಳೆ ಇಲ್ಲತ ಮೋಡಕು ಗಾಳಿಕು ಸರಿಸಮ.

ಜ್ಞಾನತ್‌ರ ಪಡಿಮ 27:1

ನಾಳೆರ ವಿಷಯತ್‌ ಕೊಚ್ಚಿಯೊತೆ. ಒರ್‌ ದಿನಕು ಎಂತ ಆಪ ಎಣ್ಣಿಯಂಡ್‌ ನೀಕ್‌ ಗೊತ್ತ್‌ಲೆಲ್ಲಾ.

1 ಕೊರಿಂಥ 5:6

ನಿಂಗ ನಿಂಗಡ ಆತ್ಮೀಯ ವಿಷಯತ್‍ಲ್ ಆಂಗಾರತ್‍ಲ್ ಕಳಿಪದ್ ಸರಿ ಅಲ್ಲ. ಚೆನ್ನ ಈಸ್ಟ್ ಇಟ್ಟಕ ಪೂರ್ತಿ ಮುದ್ದೆ ಬೊಳಿಯುವಾಂದ್ ಎಣ್ಣುವ ತಕ್ಕ್ ನಿಂಗಕ್ ಗೊತ್ತ್‌ಲ್ಲೆಯಾ?

ಯಾಕೋಬ 3:14

ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.

1 ಯೋಹಾನ 2:16

ಎನ್ನಂಗೆಣ್ಣ್‌ಚೇಂಗಿ ತಡೀನ ಕುಶಿಪಡ್‌ತ್‌ವ ಆಸೆ, ನೋಟ್‌ವಾನೆಲ್ಲ ಬೋಂಡೂಂದ್ ಉಳ್ಳ ಆಸೆ, ಆಸ್ತಿರ ಹೆಮ್ಮೆ ಇದ್ ಏದು ದೇವನಾನ ಅಪ್ಪಂಡಿಂಜ ಬಪ್ಪುಲೆ. ಇದೆಲ್ಲ ಲೋಕತ್ಂಜ ಬಪ್ಪದೇ.

ಪ್ರಕಟನೆ 18:7

ಅವ ಅವಕ್ ಮಹಿಮೆ ಕೊಡ್‌ತಿತ್, ಎಚ್ಚಕ್ ಐಶ್ವರ್ಯವಂತವಳಾಯಿತ್ ಬದ್‍ಕ್‍ಚೋ, ಅಚ್ಚಕ್ ಬಾದೇನ, ದುಃಖತ್‍ನ ಅವಕ್ ಕೊಡಿ. ಅವ ಅವಡ ಹೃದಯತ್‍ಲ್ ನಾನ್ ರಾಣಿಯಾಯಿತ್ ಅಳ್‌ತಿತ್ ಉಳ್ಳ, ನಾನ್ ವಡಿಯ ಚತ್ತ ಪೊಣ್ಣಾಳ್ ಅಲ್ಲ, ನಾಕ್ ದುಃಖ ಬಪ್ಪದೇ ಇಲ್ಲೇಂದ್ ಅವ ಗೇನ ಮಾಡ್‍ಚಿ.