ಯಾಕೋಬ 3:9 - ಕೊಡವ ಬೈಬಲ್

⁹ ಅದೇ ನಾವ್‌ಲ್ ನಂಗಡ ಅಪ್ಪನಾನ ದೇವನ ತುದಿಚಿತ್ ಕೊಂಡಾಡುವ; ದೇವಡ ರೂಪತ್‌ಲ್ ಸೃಷ್ಟಿ ಮಾಡ್‍ನ ಮನುಷ್ಯಂಗಳ ಅದೇ ನಾವ್ಂಜ ಶಾಪ ಇಡ್‌ವ.

ಯಾಕೋಬ 3:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 5:1

ಆದಾಮಂಡ ವಂಶಾವಳಿರ ನೇಮ. ದೇವ ಮನುಷ್ಯನ ಸೃಷ್ಟಿ ಮಾಡ್‌ವ ದಿವಸತ್‌ಲ್‌ ದೇವಡ ರೂಪತ್‌ಲ್‌ ಉಂಟ್ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 9:6

ದೇವ ಮನುಷ್ಯನ ತಾಂಡ ರೂಪತ್‌ಲ್‌ ಸೃಷ್ಟಿ ಮಾಡ್‍ನಗುಂಡ್, ಒರ್‌ ಮನುಷ್ಯ ಇಂಞೊರ್‌ ಮನುಷ್ಯನ ಕೊಂದತೇಂಗಿ, ಅಂವೊಂಡ ಜೀವ ಸಹ ಒರ್‌ ಮನುಷ್ಯಂಡ ಕೈಯಿಂಜಲೆ ಪೋಪ.

ಮತ್ತಾಯ 26:74

ಅಕ್ಕ ಅಂವೊ: ಸತ್ಯ ಮಾಡಿತ್, ನಾಕ್ ಅಂವೊನ ಗೊತ್ತ್‌ಲ್ಲೆ, ಅನ್ನನೆ ನಾನ್ ಪೊಟ್ಟ್‌ಪರಿಯುವೇಂಗಿ ನಾಡ ಮೇಲೆ ಶಾಪ ಬರಡ್‍ೕಂದ್ ಎಣ್ಣ್‌ಚಿ, ಅಕ್ಕಣೆಕ್ ಮಲ್ಲಂಗೋಳಿ ಕೂಂದತ್.

ಮತ್ತಾಯ 5:44

ಆಚೇಂಗಿ ನಾನ್ ಇಕ್ಕ ಎಣ್ಣ್‌ವಿ, ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಿಂಗಳ ಹಿಂಸೆ ಮಾಡ್‌ವಯಿಂಗಕ್ ಪ್ರಾರ್ಥನೆ ಮಾಡಿ.

ಅಪೊಸ್ತಲ 2:26

ಆಂಗಾಯಿತ್ ನಾಡ ಹೃದಯಕ್ ಕುಶಿಯಾಚಿ, ನಾಡ ನಾವ್‌ಲ್ ಕೊಂಡಾಡುವ ತಕ್ಕ್‌ನ ಬಪ್ಪನೆಕೆ ಮಾಡ್‍ಚಿ; ನಾಡ ತಡಿ ಸಹ ನಿರಿಕ್ಷೇಲ್ ಎಕ್ಕಾಲು ಜೀವತ್‍ಲ್ ಇಪ್ಪ.

ರೋಮ್ 3:14

ಅಯಿಂಗಡ ಬಾಯಿ, ಕೆಟ್ಟ ತಕ್ಕ್ ಪಿಂಞ ಶಾಪ ದುಂಬಿತ್ ಉಂಡ್.

1 ಕೊರಿಂಥ 11:7

ಒರ್ ಆಣಾಳ್ ಮಂಡೆಕ್ ತುಣಿ ಇಡ್‌ವಕ್ಕಾಗ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ದೇವಡ ರೂಪತ್‌ಲ್ ಪಿಂಞ ದೇವಡ ಮಹಿಮೇರ ಪ್ರತಿಮೆಲ್ ಉಂಡ್. ಆಚೇಂಗಿ ಪೊಣ್ಣಾಳ್ ಆಣಾಳ್‌ರ ಮಹಿಮೆಯಾಯಿತ್ ಉಂಡ್.

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.

ಯಾಕೋಬ 1:27

ತಬ್ಬಲಿ ಮಕ್ಕ ಪಿಂಞ ವಿದವೆಯಿಂಗಡ ಕಷ್ಟತ್‍ಲ್ ಸಹಾಯ ಮಾಡ್‍ವದ್ ಪಿಂಞ ಈ ಲೋಕತ್‍ರ ಪಾಪ ಅಂವೊನ ದೋಷ ಮಾಡತನೆಕೆ ಕಾಪಾಡಿಯಂಡ್ ಬದ್‍ಕ್‍ವದ್ ಇನ್ನತಾನ ವಿಷಯವೇ, ಅಪ್ಪನಾನ ದೇವಡ ಮಿಂಞತ್ ಶುದ್ದವಾನ ಕಳಂಗ ಇಲ್ಲತ ಬಕ್ತಿಯಾಯಿತ್‌ಪ್ಪ.

ಯಾಕೋಬ 3:10

ತುದಿ ಪಿಂಞ ಶಾಪ, ದಂಡು ಒರೇ ನಾವ್ಂಜ ಬಪ್ಪ. ನಾಡ ಅಣ್ಣತಮ್ಮಣಂಗಳೇ, ಇನ್ನನೆ ಇಪ್ಪಕ್ಕಾಗ.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.