ಯಾಕೋಬ 3:4 - ಕೊಡವ ಬೈಬಲ್

⁴ ಇಂಞ್ಞೊರ್ ಉದಾರಣೆಕ್, ಒರ್ ಹಡಗ್‍ನ ಎಡ್‌ತೊಳಿ. ಅದ್ ಎಚ್ಚಕ್ ಬಲ್ಯದಾಯಿತಿಪ್ಪ, ಅದ್ಂಗ್ ಬಿರ್‌ಗಾಳಿ ಮುಟ್ಟ್‌ಚೇಂಗಿಯು ಹಡಗ್‍ರ ಮುಕ್ಯಸ್ತ ಎಲ್ಲಿ ಪೋಕಂಡೂಂದ್ ಗೇನ ಮಾಡ್‌ವ ಆ ಜಾಗಕ್ ನೇರೆ ಚುಕ್ಕಾಣಿರಗುಂಡ್ ತಿರ್‌ಕಿತ್ ಹಡಗ್‍ನ ಕೊಂಡ್ ಪೋಪ.

ಯಾಕೋಬ 3:4 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:4

ಅಕ್ಕಣೆಕ್ ಯೆಹೋವ ಬಲ್ಯ ಬಿರ್‌ಗಾಳಿನ ಸಮುದ್ರತ್‌ರ ಮೇಲೆ ಬಪ್ಪನೆಕೆ ಮಾಡ್‌ಚಿ. ಆ ಬಿರ್‌ಗಾಳಿ ಬಯಂಕರವಾಯಿತ್‌ ಬಪ್ಪಕ, ಬಲ್ಯ ಅಲೆ ಪೊಜ್ಜಿತ್, ಹಡಗ್‌ ಪೊಳಿಂಜಿ ಪೋಪನೆಕೆ ಆಚಿ.

ಮತ್ತಾಯ 11:27

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.

ಮತ್ತಾಯ 8:24

ಒಮ್ಮಕೆ, ಒರ್ ಎಚ್ಚರಿಕೆಯು ಇಲ್ಲತೆ ದೋಣಿ ಅಲೆಯಿಂಜ ಮುಳ್‌ಗ್‌ವನೆಕೆ ಜೋರಾಯಿತ್ ಬಿರ್‌ಗಾಳಿ ಬಾತ್. ಆಚೇಂಗಿ ಯೇಸು ವರಿಯಂಡಿಂಜತ್.

ಅಪೊಸ್ತಲ 27:11

ಆಚೇಂಗಿ ನೂರ್ ಸಿಪಾಯಿಯಡ ಅದಿಪತಿ, ಪೌಲ ಎಣ್ಣುವ ತಕ್ಕ್‌ಕಿಂಜ ಹಡಗ್‍ರ ನಾಯಕ ಪಿಂಞ ಹಡಗ್‍ರ ಎಜಮಾನ ಎಣ್ಣುವ ತಕ್ಕ್‌ಕ್ ದುಂಬ ಕೆಮಿ ಕೊಡ್‍ತತ್.

ಯಾಕೋಬ 3:3

ನೋಟಿ, ಕುದ್‍ರೆರ ಬಾಯಿಕ್ ಕಡಿವಾಣ ಇಟ್ಟತೇಂಗಿ ಅದ್ ನಂಗ ಎಣ್ಣ್‌ನನೆಕೆ ಪೋಪ. ನಂಗಕ್ ಎಲ್ಲೆಲ್ಲಾ ಪೋಕಂಡುವೋ ಅಲ್ಲೆಲ್ಲಾ ಕುದ್‍ರೆನ ಓಟ್‌ವಕ್ ತಿರ್‌ಕಿಯವಲು.

ಯಾಕೋಬ 3:5

ಅನ್ನನೆ, ನಂಗಡ ತಡೀಲ್ ಉಳ್ಳ ನಾವ್ ಒರ್ ಚೆರಿಯ ಅಂಷ. ಆಚೇಂಗಿ ಅದ್ ದುಂಬ ಹೊಗಳ್‌ವ. ನೋಟಿ, ಚೆರಿಯ ತಿತ್ತ್‌ರ ಚೆಡಿ ಒರ್ ಬಲ್ಯ ಕಾಡ್‌ನ ಚುಟ್ಟ್‌ರ್‍ವ.