ಯಾಕೋಬ 3:2 - ಕೊಡವ ಬೈಬಲ್

² ನಂಗ ಎಲ್ಲಾರು ನಾನಾ ತರತ್‍ಲ್ ತಪ್ಪ್ ಮಾಡಿಯಂಡುಂಡ್; ಆಚೇಂಗಿ ನಿಂಗ ನಿಂಗಡ ನಾವ್‌ಕ್ ಕಡಿವಾಣ ಇಟ್ಟತೇಂಗಿ ನಿಂಗಡ ಬದ್‍ಕ್‍ನ ಕಾಪಾಡ್‍ವಿರ.

ಯಾಕೋಬ 3:2 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:19

ದುಂಬ ತಕ್ಕ್‌ ಪರಿಯುವಂವೊ ಪಾಪಕ್‌ ಚಿಕ್ಕಿಪೋಪ. ಆಚೇಂಗಿ ತಾಂಡ ಬಾಯಿನ ಅಡಕ್‌ವಂವೊ ಬುದ್ದಿವಂತಂವೊ.

ಜ್ಞಾನತ್‌ರ ಪಡಿಮ 13:3

ತಾಂಡ ಬಾಯಿನ ಕಾಪಂವೊ ತಾಂಡ ಜೀವತ್‌ನ ಕಾಪಾಡಿಯೊವ. ಆಚೇಂಗಿ ಎಚ್ಚರ ಇಲ್ಲತೆ ತಕ್ಕ್‌ ಪರಿಯುವಂವೊ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 20:9

ನಾಡ ಹೃದಯತ್‌ನ ಶುದ್ದ ಮಾಡ್‌ನ, ನಾಡ ಪಾಪಯೆಲ್ಲಾ ಪೋಪನೆಕೆ ಶುದ್ದ ಮಾಡ್‌ನ್‍ೕಂದ್‌ ದಾರ್‌ಕ್‌ ಎಣ್ಣುವಕಯ್ಯು?

ಜ್ಞಾನತ್‌ರ ಪಡಿಮ 21:23

ತಾಂಡ ಬಾಯಿನ ಪಿಂಞ ನಾವ್‌ನ ಕಾಪಂವೊ, ನಾಶತಿಂಜೆಲ್ಲ ಅಂವೊನ ಕಾಪಾಡಿಯೊವ.

ಮತ್ತಾಯ 12:34

ಬಳೆಮುರಿ ಪಾಂಬ್ ಜಾತಿಯಳೇ, ನಿಂಗ ಕೆಟ್ಟಯಿಂಗಳಾಯಿತ್‌ಪ್ಪಕ ನಲ್ಲ ವಿಷಯತ್‍ನ ಎನ್ನನೆ ಎಣ್ಣ್‌ವಿರ? ಎನ್ನಂಗೆಣ್ಣ್‌ಚೇಂಗಿ, ಹೃದಯತ್‍ಲ್ ಎಂತ ದುಂಬಿತುಂಡೋ, ಅದೇ ನಿಂಗಡ ಬಾಯಿಲ್ ಪರಿವಿರ.

ಮತ್ತಾಯ 12:37

ಎನ್ನಂಗೆಣ್ಣ್‌ಚೇಂಗಿ, ನೀಡ ತಕ್ಕ್‌ಯಿಂಜಲೇ ನೀನ್ ನೀತಿವಂತಂವೋಂದ್ ಅಥವ ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಾಂದ್ ಯೇಸು ಎಣ್ಣ್‌ಚಿ.

ರೋಮ್ 3:10

ಈಂಗಡ ವಿಷಯತ್‍ನ ದೇವಡ ವಾಕ್ಯತ್‍ಲ್: ನೀತಿವಂತಂವೋಂದ್ ದಾರೂ ಇಲ್ಲೆ, ಒಬ್ಬನು ಇಲ್ಲೆ,

ರೋಮ್ 7:21

ಆನಗುಂಡ್, ನಲ್ಲದ್ ಮಾಡಂಡೂಂದ್ ಕುಶೀಲ್ ಇಪ್ಪ ನಾಡಲ್ಲಿ, ಕ್‍ೕಡ್ ಮಾಡ್‌ವ ಒರ್ ಕಾನೂನ್ ಉಳ್ಳಾನ ನಾನ್ ಕಂಡಂಡುಳ್ಳ.

1 ಕೊರಿಂಥ 9:27

ಬೋರೆಯಿಂಗಕ್ ಬೋದನೆ ಮಾಡ್‌ವ ನನ್ನ, ದೇವ ಅರ್ಹದೆ ಇಲ್ಲೇಂದ್ ಮಾಡತನೆಕೆ, ಒರ್ ಕಳಿಕಾರಂಡನೆಕೆ ನಾನ್ ನಾಡ ತಡೀನ ಶಿಸ್ತ್‌ಲ್ ಅಬ್ಯಾಸ ಮಾಡಿಯಂಡುಂಡ್.

ಗಲಾತ್ಯ 3:22

ಆಚೇಂಗಿ ಈ ಬೂಲೋಕ ಪಾಪತ್‍ರ ಶಕ್ತಿಕ್ ಅಡಿಮೆಯಾಯಿತುಂಡ್‍ೕಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್. ಆಂಗ್ ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ವಾಗ್ದಾನ ಮಾಡ್‍ನ ಆಶೀರ್ವಾದ ಅಂವೊಂಡ ಮೇಲೆ ನಂಬಿಕೆ ಬೆಪ್ಪಯಿಂಗಕ್ ಮಾತ್ರ ಕ್‍ಟ್ಟ್‌ವ.

ಗಲಾತ್ಯ 5:17

ಮನುಷ್ಯಂಡ ಪಾಪತ್‍ರ ಗುಣ ಪವಿತ್ರಾತ್ಮಕ್ ವಿರೋದವಾಯಿತು, ದೇವಡ ಆತ್ಮ ಮನುಷ್ಯಂಡ ಪಾಪತ್‍ರ ಗುಣಕ್ ವಿರೋದವಾಯಿತು ಪೋರಾಡಿಯಂಡುಂಡ್. ನಿಂಗ ಮಾಡಂಡೂಂದ್ ಉಳ್ಳದ್‍ನ ಮಾಡ್‌ವಕ್ ಕಯ್ಯತನೆಕೆ ಈ ದಂಡು ಶತ್ರುವಳಾಯಿತುಂಡ್.

ಕೊಲೊಸ್ಸೆ 1:28

ಅದ್ಂಗಾಯಿತ್, ಎಲ್ಲಾ ಜ್ಞಾನತ್‍ಲ್ ಕ್ರಿಸ್ತನ ಎಲ್ಲಾರ್‌ಕು ಅರಿಚಿಟ್ಟಂಡ್, ಎಲ್ಲಾರ್‌ಕು ಎಚ್ಚರ ಮಾಡಿಯಂಡ್, ಎಲ್ಲಾರ್‌ಕು ಬೋದನೆ ಮಾಡಿಯಂಡ್ ಉಳ್ಳ. ಒಬ್ಬೊಬ್ಬನ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಬೊಳ್ಂದಂವೊನಾಯಿತ್ ದೇವಡ ಪಕ್ಕ ನಿಪ್ಪ್‌ಚಿಡುವಕಾಯಿತ್ ಇದ್‍ನ ಮಾಡಿಯಂಡುಳ್ಳ.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

ಇಬ್ರಿಯ 13:21

ಯೇಸುರ ಮೂಲಕ ತಾಂಡ ಮಿಂಞತ್ ಕುಶಿಯುಳ್ಳದ್‍ನ, ನಿಂಗಡ ಮದ್ಯತ್‍ಲ್ ಮಾಡಿತ್, ನಿಂಗ ಅಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್, ನಿಂಗಳ ಎಲ್ಲಾ ತರತ್‍ರ ನಲ್ಲ ಕ್ರಿಯೇರಗುಂಡ್ ಪೂರ್ತಿ ಮಾಡಿತ್ ಬಲಪಡ್‍ತಡ್; ಅಂವೊಂಗ್ ಎಕ್ಕಾಲು ಮಹಿಮೆ ಬರಡ್. ಆಮೆನ್.

ಯಾಕೋಬ 1:26

ನಿಂಗಡಲ್ಲಿ ಒಬ್ಬ ತಾಂಡ ನಾವ್‌ಕ್ ಕಡಿವಾಣ ಇಡತೆ ನಾನ್ ದೇವಡ ಮೇಲೆ ಬಕ್ತಿ ಉಳ್ಳಂವೋಂದ್ ಗೇನ ಮಾಡ್‍ಚೇಂಗಿ ಅಂವೊ ತಾಂಗ್ ತಾನೆ ಮೋಸ ಮಾಡ್‌ವ, ಅಂವೊಂಡ ಬಕ್ತಿ ಪ್ರಯೋಜನ ಇಲ್ಲತ ಬಕ್ತಿಯಾಯಿತ್‌ಪ್ಪ.

ಯಾಕೋಬ 1:4

ನಿಂಗ ಗುಣತ್‍ಲ್ ಬೊಳಿಯುವಕ, ನಿಂಗಡ ತಾಳ್ಮೆ ಪೂರ್ತಿ ಕೆಲಸ ಮಾಡಡ್, ಅಕ್ಕ ನಿಂಗ ಗುಣತ್‍ಲ್ ಶಕ್ತಿವಂತಯಿಂಗಳಾಯಿತ್, ನಿಂಗ ಒರ್ ವಿಷಯತ್‍ಲು ಕಮ್ಮಿ ಇಲ್ಲತಯಿಂಗಳಾಯಿತಿಪ್ಪಿರ.

ಯಾಕೋಬ 2:10

ಒಬ್ಬ ದೇವಡ ನ್ಯಾಯಪ್ರಮಾಣ ಎಣ್ಣುವಾನೆಲ್ಲ ಮಾಡಿತ್, ಒರೇ ಒರ್ ನ್ಯಾಯಪ್ರಮಾಣತ್‍ನ ಮಾತ್ರ ಮಾಡತೆ ಪೋಚೇಂಗಿ ಅಂವೊ ಎಲ್ಲಾ ವಿಷಯತ್‍ಲು ಅಪರಾದಿಯಾಯಿತ್‌ಪ್ಪ.

1 ಪೇತ್ರ 3:10

ದಾರ್ ಅಯಿಂಗಡ ಬದ್‍ಕ್‍ನ ಪ್ರೀತಿಚಿಡುವ, ಪಿಂಞ ನಲ್ಲ ಬವಿಷ್ಯ ಬರಂಡೂಂದ್ ಗೇನ ಮಾಡ್‌ವ, ಅಯಿಂಗ ಕೆಟ್ಟದ್ ಪರಿಯುವಕ್ ತಾಂಡ ನಾವ್‌ನ ಪಿಂಞ ಪೊಟ್ಟ್ ಪರಿಯುವಕ್ ತಾಂಡ ಕಿರಿನ ಅಡಕುವ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.