ಯಾಕೋಬ 3:17 - ಕೊಡವ ಬೈಬಲ್

¹⁷ ಆಚೇಂಗಿ ಪರಲೋಕತ್ಂಜ ಬಪ್ಪ ಜ್ಞಾನ, ಆದ್ಯವಾಯಿತ್, ನಂಗಳ ಶುದ್ದ ಮಾಡ್‌ವ, ಅದ್ ಸಮಾದಾನ ಉಳ್ಳದಾಯಿತು ಅಡಕ ಉಳ್ಳದಾಯಿತು ಕುಶಿ ಉಳ್ಳದಾಯಿತು ಇಪ್ಪ. ಅದ್‍ಲ್ ಕರುಣೆ ಪಿಂಞ ನಲ್ಲ ಫಲ ದುಂಬಿತ್, ಎಲ್ಲಾ ಮನುಷ್ಯಂಗಕು ಒರೇ ತರ ಮರ್ಯಾದೆ ಮಾಡಿತ್, ಕಪಟ ಇಲ್ಲತ ಶುದ್ದ ನಂಬಿಕೆ ಉಳ್ಳದಾಯಿತಿಪ್ಪ.

ಯಾಕೋಬ 3:17 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 2:6

ಯೆಹೋವನೆ ಜ್ಞಾನ ತಪ್ಪಂವೊ. ಅಂವೊಂಡ ತಕ್ಕ್‌ಯಿಂಜ ಅರಿವು ಬುದ್ದಿಯು ಕ್‌ಟ್ಟ್‌ವ.

ಮಲಾಕಿ 2:9

ನಿಂಗ ನಾಡ ಬಟ್ಟೆನ ಬುಟ್ಟಿತ್‌ ದೂರ ಪೋಯಿತ್, ನಿಂಗಡ ಬೋದನೆಲ್‌ ಪಕ್ಷಪಾತ ಮಾಡಿತ್‌ ನಾಡ ಒಪ್ಪಂದತ್‌ನ ಮುರ್ಚನಗುಂಡ್, ನಾನ್‌ ಸತ ನಿಂಗಳ ಇಸ್ರಾಯೇಲ್‌ ದೇಶತ್‌ರ ಎಲ್ಲಾ ಜನಡ ಮಿಂಞತ್‌ ನಿಂಗಳ ದ್ವೇಷ ಮಾಡಿತ್‌ ನಿಂಗಕ್‌ ಅವಮಾನ ಆಪನೆಕೆ, ಅಯಿಂಗ ನಿಂಗಳ ಹಿಯಾಳಿಚಿಟ್ಟಿತ್‌ ಕೀಳ್‌ತರತ್‌ಲ್‌ ನೋಟುವನೆಕೆ ಮಾಡ್‌ನ.

ಮಲಾಕಿ 3:3

ಅಂವೊ ಶುದ್ದಮಾಡುಬವನೆಕೆ ಅಳತ್ತಿತ್‌ ಬೊಳ್ಳಿನ ಚಾಯಿ ಮಾಡುವ; ಅಂವೊ ಲೇವಿಯಡ ಸಂತಾನತ್‌ನ ಬೊಳ್ಳಿ ಪಿಂಞ ಪೊನ್ನ್‌ರನೆಕೆ ಸುದ್ದಮಾಡುವ. ಪಿಂಞ ಒಡಯನಾನ ಯೆಹೋವಂಗ್‌ ನೀತಿರ ಕಾಣಿಕೆ ಅರ್ಪ್ಪಿಚ್ಚಿಡುವ ಜನ ಇಪ್ಪ.

ಮತ್ತಾಯ 23:28

ಅನ್ನನೆ ನಿಂಗ ಪೊರಮೆ ನೀತಿವಂತಯಿಂಗಡನೆಕೆ ಕಾಂಬಿರ. ಆಚೇಂಗಿ ಒಳ್‍ಲ್ ದುಂಬ ಕಪಟತ್‌ಲು ಅನ್ಯಾಯತ್‌ಲು ದುಂಬಿತುಳ್ಳಿರ.

ಮತ್ತಾಯ 5:8

ಶುದ್ದ ಹೃದಯ ಉಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ಅಯಿಂಗ ದೇವನ ಕಾಂಬ.

ಮತ್ತಾಯ 5:9

ಸಮಾದಾನ ಮಾಡ್‌ವಯಿಂಗ ಆಶೀರ್ವಾದ ಪಡ್ಂದಯಿಂಗ; ಅಯಿಂಗಳ ದೇವಡ ಮಕ್ಕಾಂದ್ ಎಣ್ಣ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:15

ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:36

ಆನಗುಂಡ್, ನಿಂಗಡ ಅಪ್ಪ ಎನ್ನನೆ ಕನಿಕರ ಉಳ್ಳವಂವೊನಾಯಿತುಂಡೋ ಅನ್ನನೆ ನಿಂಗಳು ಕನಿಕರ ಉಳ್ಳಯಿಂಗಳಾಯಿತಿರಿ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 1:47

ನತಾನಯೇಲ ಯೇಸುರ ಪಕ್ಕ ಬಪ್ಪಕ, ಯೇಸು ಅಂವೊನ ನೋಟಿತ್: ನೋಟಿ, ಇಂವೊ ಏದ್ ಕಪಟವು ಇಲ್ಲತ ನೇರಾನ ಇಸ್ರಾಯೇಲಾಂದ್ ಎಣ್ಣ್‌ಚಿ.

ಅಪೊಸ್ತಲ 11:24

ಬಾರ್ನಬ ದುಂಬ ನಲ್ಲಂವೊನಾಯಿತ್‌ಂಜತ್. ಅಂವೊ ಪವಿತ್ರಾತ್ಮತ್‍ಲ್ ದುಂಬ್‍ನಂವೊನು, ನಂಬಿಕೇಲ್ ದೃಡವುಳ್ಳಂವೊನಾಯಿತು ಇಂಜತ್. ಆನಗುಂಡ್ ದುಂಬ ಜನ ಒಡೆಯಂಡ ಪಕ್ಕ ಕೂಡ್‍ಚಿ.

ಅಪೊಸ್ತಲ 9:36

ಯೊಪ್ಪ ಎಣ್ಣುವ ಒರ್ ಊರ್‌ಲ್ ತಬಿಥಾ ಎಣ್ಣುವ ಒಬ್ಬ ಯೇಸುನ ನಂಬ್‍ನವಳಾಯಿತ್ ಇಂಜತ್. ಗ್ರೀಕ್ ತಕ್ಕ್‌ಲ್ ಅವಡ ಪೆದಕ್ ದೊರ್ಕ. ಅವ ಎಕ್ಕಲೂ ನಲ್ಲ ಕ್ರಿಯೆ ಮಾಡಿಯಂಡ್ ಗರೀಬಯಿಂಗಕ್ ಸಹಾಯ ಮಾಡಿಯಂಡಿಂಜತ್.

ರೋಮ್ 12:18

ಕಯ್ಯುವಚ್ಚಕ್, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರಿ.

ರೋಮ್ 12:9

ನಿಂಗಡ ಪ್ರೀತಿ ಕಪಟ ಇ‍ಲ್ಲತದಾಯಿತ್ ಇರಡ್, ಕೆಟ್ಟದ್‍ನ ದ್ವೇಶ ಮಾಡಿತ್, ನಲ್ಲದ್‍ನ ಪುಡ್‍ಚೊಳಿ.

ರೋಮ್ 15:14

ನಾಡ ಅಣ್ಣತಮ್ಮಣಂಗಳೇ, ನಿಂಗ ನಲ್ಲ ಗುಣತ್‍ಲ್ ಪಿಂಞ ಎಲ್ಲಾ ಬುದ್ದಿಲ್ ದುಂಬ್‍ನಯಿಂಗಳಾಯಿತ್, ಒಬ್ಬೊಂಗೊಬ್ಬ ಬುದ್ದಿ ಎಣ್ಣುವಕ್ ಯೋಗ್ಯತೆ ಉಳ್ಳಯಿಂಗಳಾಯಿತ್ ಉಂಡ್‍ೕಂದ್ ನಾನ್ ನೇರಾಯಿತು ನಂಬಿಯಂಡುಂಡ್.

1 ಕೊರಿಂಥ 12:8

ಎನ್ನನೆ ಎಣ್ಣ್‌ಚೇಂಗಿ, ಒಬ್ಬಂಗ್ ಪವಿತ್ರಾತ್ಮನಗುಂಡ್ ಜ್ಞಾನತ್‍ನ ಬೋದನೆ ಮಾಡ್‌ವ ವರ, ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಬುದ್ದಿ ಎಣ್ಣುವ ವರ,

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 6:6

ನಂಗ ನಂಗಳ ಪವಿತ್ರತ್‍ಲ್, ಅರ್ಥಮಾಡ್‌ವದ್‍ಲ್, ಪೊರುಮೇಲ್, ದಯೇಲ್, ನಂಗಡ ಒಳ್‍ಲ್ ಉಳ್ಳ ಪವಿತ್ರಾತ್ಮತ್‍ರಗುಂಡ್ ಕಪಟ ಇಲ್ಲತ ಪ್ರೀತಿಲ್ ನಿರೂಬಿಚಿಟ್ಟಂಡುಂಡ್.

2 ಕೊರಿಂಥ 7:11

ದೇವಡ ಚಿತ್ತತ್‍ರನೆಕೆ ಬಂದ ಈ ದುಃಖ ನಿಂಗಡಲ್ಲಿ ಎಚ್ಚಕ್ ಜಾಗ್ರತೆನ, ಎಚ್ಚಕ್ ನಿಂಗಳ ಗೊತ್ತಿಲ್ಲತಯಿಂಗಾಂದ್ ಕಾಂಬ್‍ಚಿಡುವಕ್, ಎಚ್ಚಕ್ ಪಗೇನ, ಎಚ್ಚಕ್ ಪೋಡಿನ, ಎಚ್ಚಕ್ ದುಂಬ ಆಸೇನ, ಎಚ್ಚಕ್ ಬಕ್ತಿನ, ಎಚ್ಚಕ್ ಕಂಡಿತತ್‍ನ ಉಂಟ್ ಮಾಡ್‍ಚಿ? ಈ ಎಲ್ಲಾ ವಿಷಯತ್‍ಲ್ ನಿಂಗ ನಿಂಗಳ ಶುದ್ದವಾನಯಿಂಗಾಂದ್ ಕಾಂಬ್‍ಚಿಟ್ಟಿತುಳ್ಳಿರ.

2 ಕೊರಿಂಥ 9:10

ಬಿತ್ತ್‌ವಂವೊಂಗ್ ಕುರುನ ಪಿಂಞ ತಿಂಬಕ್ ಕೂಳ್‌ನ ತಪ್ಪ ದೇವ, ನಿಂಗಕ್ ಕುರುನ ತಂದಿತ್, ಅದ್‍ನ ಜಾಸ್ತಿ ಮಾಡಿತ್, ನಿಂಗಡ ನೀತಿರ ಬೊಳೆನ ಜಾಸ್ತಿ ಮಾಡ್‌ವ.

ಎಫೆಸ 5:9

ಬೊಳಿರ ಫಲ, ಎಲ್ಲಾ ನಲ್ಲ ಗುಣತ್‍ಲ್, ನೀತಿಲ್ ಪಿಂಞ ಸತ್ಯತ್‍ಲ್ ಇಪ್ಪ.

ಫಿಲಿಪ್ಪಿ 1:11

ಅದಲ್ಲತೆ ಇಲ್ಲಿಯತ್‍ರ ನಿಂಗಡ ಬದ್‍ಕ್ ಯೇಸು ಕ್ರಿಸ್ತನಗುಂಡ್ ಮಾತ್ರ ಕ್‍ಟ್ಟ್‌ವ ನೀತಿರ ಗುಣತ್‍ಲ್ ದುಂಬ್‍ನದಾಯಿತ್ ಇಪ್ಪ. ಅನ್ನನೆ ದೇವಕ್ ಮಾತ್ರ ಮಹಿಮೆ ಪಿಂಞ ತುದಿ ಆಡ್.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

1 ಥೆಸಲೊನೀಕ 2:7

ಆಚೇಂಗಿಯು ನಂಗ ನಿಂಗಡ ಕೂಡೆ ದುಂಬ ಸಾದುವಾಯಿತ್ ಒರ್ ಅವ್ವ ಅವಡ ಕುಂಞಿನ ಎನ್ನನೆ ಚಾಕ್‌ವ ಅನ್ನನೆ ಸಮಾದಾನತ್‍ಲ್ ಕಾಪಾಡಿಯಂಡ್ ಇಂಜತ್.

1 ತಿಮೊಥೆಯ 5:21

ನೀನ್ ದಾರ್‌ನು ಮೂಡ್ ನೋಟಿತ್ ನ್ಯಾಯಮಾಡತ, ಪಕ್ಷಪಾತ ಮಾಡತೆ, ನೀನ್ ಇದ್‍ನೆಲ್ಲಾ ಮಾಡಿಯಂಡಿರ್‍ೕಂದ್ ದೇವಡ ಮಿಂಞತ್, ಯೇಸು ಕ್ರಿಸ್ತಂಡ ಪ್ರಸನ್ನತ್‌ಲ್ ಪಿಂಞ ಗೊತ್ತ್ ಮಾಡಿತುಳ್ಳ ದೂತಂಗಡ ಮಿಂಞತ್ ಆಜ್ಞೆ ಮಾಡ್‌ವಿ.

2 ತಿಮೊಥೆಯ 2:24

ದೇವಡ ಸೇವಕ ಜಗಳ ಮಾಡ್‌ವಕ್ಕಾಗ; ಆಂಡ ಬದ್‍ಲ್ ಅಂವೊ ಎಲ್ಲಾರ್‌ಕು ಕನಿಕರ ಉಳ್ಳಂವೊನಾಯಿತು, ಬೋದನೆ ಕೊಡ್‍ಪದ್‍ಲ್ ಗಟ್ಟಿ ಉಳ್ಳಂವೊನಾಯಿತು ಪಿಂಞ ತಾಳ್ಮೆ ಉಳ್ಳಂವೊನಾಯಿತು ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15

ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:2

ಅಯಿಂಗ ದಾರ್‌ನು ಕೆಟ್ಟಯಿಂಗಾಂದ್ ಎಣ್ಣತೆ, ದಾಡ ಕೂಡೆಯು ಜಗಳ ಮಾಡತೆ, ಎಕ್ಕಾಲು ಬೋರೆಯಿಂಗಡ ವಿಷಯತ್‍ನ ಬಲ್ಯದಾಯಿತ್ ನೋಟ್‌ವಯಿಂಗಳಾತು, ನೇರಾನ ತಾಳ್ಮೆನ ಎಲ್ಲಾ ಜನಕ್ ಕಾಟಂಡೂಂದ್ ಗೇನ ಮಾಡ್‍ಚಿಡ್.

ಇಬ್ರಿಯ 12:11

ಏದ್ ಶಿಕ್ಷೆಯು, ಆ ಸಮಯತ್‍ಲ್ ಕುಶಿಯಾಯಿತ್ ಇಪ್ಪುಲೆ, ಕಷ್ಟವಾಯಿತೇ ಇಪ್ಪ. ಆಚೇಂಗಿ, ಅದ್‍ಲ್ ಅಬ್ಯಾಸ ಆನಯಿಂಗಕ್, ಅದ್ ಮಿಂಞಕ್ ನೀತಿ ಪಿಂಞ ಸಮಾದಾನ ಎಣ್ಣುವ ಫಲತ್‍ನ ತಪ್ಪ.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

ಯಾಕೋಬ 1:17

ಎಲ್ಲಾ ನಲ್ಲದು ಪಿಂಞ ಪೂರ್ತಿಯಾಯಿತುಳ್ಳ ಏದ್ ಇನಾಮು ಬಾನತ್‌ರ ಬೊಳಿನ ಸೃಷ್ಟಿ ಮಾಡ್‌ನ, ಪರಲೋಕತ್‌ಲ್‌ ಉಳ್ಳ ಅಪ್ಪನಾನ ದೇವಡಯಿಂಜ ಇಳಿಂಜಿ ಬಂದಂಡುಂಡ್. ನಳ ಅಪ್ಪರ ಇಪ್ಪರ ಪೋಪನೆಕೆ ಅಂವೊ ಬದ್‍ಲಾಪುಲೆ.

ಯಾಕೋಬ 1:5

ದೇವ ಎಣ್ಣ್‌ನನೆಕೆ ನಿಂಗ ನಡ್‍ಕಂಡೂಂದ್ ಉಳ್ಳ ಜ್ಞಾನ ಬೋಂಡ್‌ಚೇಂಗಿ, ಅಂವೊಂಡ ಪಕ್ಕ ಕ್‍ೕಳಿ. ಅಕ್ಕ, ಅಂವೊ ನಿಂಗಳ ಜೋರ್ ಮಾಡುಲೆ, ಉದಾರ ಮನಸ್ಸ್‌ಲ್ ನಿಂಗಕ್ ಜ್ಞಾನತ್‍ನ ತಪ್ಪ.

ಯಾಕೋಬ 2:13

ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.

ಯಾಕೋಬ 2:4

ನಿಂಗ ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡೊಳ್‌ಲ್ ಪಕ್ಷಪಾತ ಮಾಡಿತ್, ಕೆಟ್ಟ ಬುದ್ದಿಲ್ ತೀರ್ಪ್ ಮಾಡ್‌ವಯಿಂಗಳಾಯಿತ್‌ಪ್ಪಿರಲ್ಲ?

ಯಾಕೋಬ 3:15

ಅಂತ ಬುದ್ದಿವಂತಿಗೆ ಪರಲೋಕತ್ಂಜ ಬಪ್ಪದ್ ಅಲ್ಲ, ಅದ್ ಬೂಲೋಕಕ್ ಕೂಡ್‍ನದ್, ಆತ್ಮೀಯವಾನದಲ್ಲತದ್ ಪಿಂಞ ಕೂಳಿಯಡದ್.

ಯಾಕೋಬ 4:8

ನಿಂಗ ದೇವಡ ಪಕ್ಕ ಬಾರಿ, ಅಕ್ಕ ದೇವ ನಿಂಗಡ ಪಕ್ಕ ಬಪ್ಪ. ಪಾಪಿಯಳೇ, ನಿಂಗಡ ಕೈಯಿನ ಕತ್ತಿಯೊಳಿ; ದೇವಡ ವಿಷಯತ್ ದಂಡ್ ಮನಸ್ಸ್ ಉಳ್ಳಯಿಂಗಳೇ, ನಿಂಗಡ ಹೃದಯತ್‍ನ ಶುದ್ದ ಮಾಡಿ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಪೇತ್ರ 2:1

ಆನಗುಂಡ್, ಬೋರೆಯಿಂಗಳ ಕಷ್ಟಪಡ್‌ತ್‌ವದ್‍ಲ್ ಕುಶಿ ಪಡುವ ಎಲ್ಲಾ ಗುಣತ್‍ನ, ವಂಚನೆ ಮಾಡ್‌ವ ಗುಣತ್‍ನ, ಎಲ್ಲಾ ಕಪಟಿಯಾನ ಗುಣತ್‍ನ, ಹೊಟ್ಟೆಕಿಚ್ಚ್‌ನ, ಕುತ್ತಪರಿಯುವಾನೆಲ್ಲಾನ ನಿಂಗಡಲ್ಲಿಂಜ ಚಾಡಿ ಕಳೆಯುವಿರ.

1 ಪೇತ್ರ 2:18

ಅಳುವಳೇ, ಎಲ್ಲಾ ಮರ್ಯಾದೆಲ್ ನಿಂಗಡ ಎಜಮಾನಂಗಕ್ ತಗ್ಗಿತ್ ನಡ್‌ಪಿರ, ನಲ್ಲಯಿಂಗಕು, ಶಾಂತ ಗುಣ ಉಳ್ಳಯಿಂಗಕ್ ಮಾತ್ರ ಅಲ್ಲ, ಕಠಿಣ ಗುಣ ಉಳ್ಳಯಿಂಗಕು ಅನ್ನನೆ ಮಾಡಿ.

1 ಯೋಹಾನ 3:18

ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.

1 ಯೋಹಾನ 3:3

ಯೇಸುರ ಮೇಲೆ ನಂಬಿಕೆ ಉಳ್ಳ ಎಲ್ಲಾರು, ಕ್ರಿಸ್ತ ಶುದ್ದವಾಯಿತ್ ಉಳ್ಳನೆಕೆ ಅಯಿಂಗಳು ಅಯಿಂಗಳ ಶುದ್ದ ಮಾಡ್‌ವ.