ಯಾಕೋಬ 3:14 - ಕೊಡವ ಬೈಬಲ್

¹⁴ ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.

ಯಾಕೋಬ 3:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:11

ಯೋಸೇಫಂಡ ಅಣ್ಣಂಗ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ಪಟ್ಟತ್. ಆಚೇಂಗಿ ಅಂವೊಂಡ ಅಪ್ಪ ಅಂವೊ ಕಂಡ ಸ್ವಪ್ನ ಎಂತ ಆಯಿತಿಕ್ಕೂಂದ್‌ ಗೇನ ಮಾಡಿಯಂಡಿಂಜತ್.

ಆದ್ಯತ್‌ರ ಪುಸ್ತಕ 38:9

ಆಚೇಂಗಿ ಓನಾನ್‌ ಈ ರೀತಿಲ್‌ ಆಪ ಸಂತಾನ ತಾಂಡದ್‌ ಆಪ್‌ಲೇಂದ್‌ ಅರಿಂಜಿತ್, ತಾಂಡ ಅಣ್ಣಂಡ ಪೊಣ್ಣ್‌ರ ಕೂಡೆ ಕೂಡ್‌ವಕ ತಾಂಡ ಅಣ್ಣಂಗ್‌ ಸಂತಾನ ಆಕತನೆಕೆ ಇಪ್ಪಕ್‌ ಅಂವೊ ಎಚ್ಚರತ್‌ಲ್‌ ಇಂಜತ್.

ಜ್ಞಾನತ್‌ರ ಪಡಿಮ 14:30

ನೆಮ್ಮದಿ ಉಳ್ಳ ಮನಸ್ಸ್‌ ತಡಿಕ್‌ ಸೌಕ್ಯ ತಪ್ಪ. ಆಚೇಂಗಿ ಹೊಟ್ಟೆಕಿಚ್ಚ್‌ಲ್‌ ಮೂಳೆ ಕೀವ.

ಜ್ಞಾನತ್‌ರ ಪಡಿಮ 27:4

ಬಲ್ಯ ಚೆಡಿ ಕ್ರೂರವಾನದ್. ಚೆಡಿ ಪಾಳ್ಮಾಡಿರುವ. ಆಚೇಂಗಿ ಹೊಟ್ಟೆಕಿಚ್ಚ್‌ರ ಮಿಂಞ ದಾರ್‌ಕ್‌ ನಿಪ್ಪಕಯ್ಯು?

ಮತ್ತಾಯ 27:18

ಎನ್ನಂಗೆಣ್ಣ್‌ಚೇಂಗಿ ಯೇಸುರ ಮೇಲೆ ಉಳ್ಳ ಒಟ್ಟೆಕಿಚ್ಚ್‌ಯಿಂಜಲೇ ಅಂವೊನ ಪುಡ್‍ಚಿ ಕೊಡ್‌ತತ್‍ೕಂದ್ ಪಿಲಾತಂಗ್ ಗೊತ್ತಾನಗುಂಡ್ ಇನ್ನನೆ ಕ್‍ೕಟತ್.

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಅಪೊಸ್ತಲ 13:45

ಆಚೇಂಗಿ ಯೆಹೂದ್ಯಂಗ, ಜನ ಗುಂಪ್ ಗುಂಪಾಯಿತ್ ಬಪ್ಪಾನ ಕಂಡಿತ್, ಒಟ್ಟೆಕಿಚ್ಚ್‌ಲ್ ದುಂಬಿತ್, ಪೌಲ ಎಣ್ಣುವ ತಕ್ಕ್‌ಕ್ ವಿರೋದವಾಯಿತ್ ದೂಷಣೆ ಮಾಡಿಯಂಡಿಂಜತ್.

ಅಪೊಸ್ತಲ 26:9

ನಜರೇತ್‍ರ ಯೇಸುರ ಪೆದಕ್ ವಿರೋದವಾಯಿತ್ ಎಂತೆಲ್ಲಾ ನಾಕ್ ಕಯ್ಯು, ಅದ್‍ನೆಲ್ಲಾ ಮಾಡಂಡೂಂದ್ ನಾನ್ ಸಹ ಗೇನ ಮಾಡ್‍ನ.

ಅಪೊಸ್ತಲ 5:17

ಇಕ್ಕ, ಮಹಾ ಯಾಜಕ ಪಿಂಞ ಅಂವೊಂಡ ಮುಕ್ಯಸ್ತಂಗಳಾನ ಸದ್ದುಕಾಯಂಗಡ ಕೂಟ್‍ಕ್ ಕೂಡ್‍ನಯಿಂಗ, ದುಂಬ ಒಟ್ಟೆಕಿಚ್ಚ್‌ಲ್ ಇಂಜತ್

ಅಪೊಸ್ತಲ 7:9

ಆ ಗೋತ್ರತ್‍ರ ಮುತ್ತಜ್ಜಂಗ ಅಯಿಂಗಡ ಎಳಿಯ ತಮ್ಮಣನಾನ ಯೋಸೇಫಂಡ ಮೇಲೆ ಒಟ್ಟೆಕಿಚ್ಚ್ ಪಟ್ಟಿತ್, ಯೋಸೇಫನ ಐಗುಪ್ತ ದೇಶಕ್ ಅಡಿಮೆಯಾಯಿತ್ ಮಾರಿರ್‌ತ್. ಆಚೇಂಗಿ ದೇವ ಅಂವೊಂಡ ಕೂಡೆ ಇಂಜತ್.

ರೋಮ್ 1:29

ಅಯಿಂಗ ಎಲ್ಲಾ ವಿದವಾನ ದುಷ್ಟತನತ್‍ಲ್, ಕೇಡ್‍ಲ್, ದ್ರೋಹ ಮಾಡ್‌ವದ್‍ಲ್, ಪಣತ್‍ರ ಆಸೇಲ್, ಆಂಗಾರತ್‍ಲ್, ಕೊಲೆ ಮಾಡ್‌ವದ್‍ಲ್, ತರ್ಕ ಮಾಡ್‌ವದ್‍ಲ್, ಕೆಟ್ಟ ಆಸೇಲ್, ವಂಚನೆಲ್, ಒಟ್ಟೆಕಿಚ್ಚ್‌ಲ್ ದುಂಬಿತುಂಡ್.

ರೋಮ್ 13:13

ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು.

ರೋಮ್ 2:17

ಇಕ್ಕ, ನಿಂಗಳ ಯೆಹೂದ್ಯಂಗಾಂದ್ ಕಾಕಿಯಂಡ್, ನ್ಯಾಯಪ್ರಮಾಣತ್‍ನ ಪುಡ್‍ಚಂಡ್, ದೇವಡ ಕೂಡೆ ಉಳ್ಳ ನಿಂಗಡ ಸಂಬಂದತ್‍ಲ್ ಹೊಗಳಿಯಂಡ್ ಉಳ್ಳಿರ.

ರೋಮ್ 2:8

ಆಚೇಂಗಿ, ಅಯಿಂಗಕಾಯಿತೇ ಬದ್‍ಕಿಯಂಡ್, ಸತ್ಯತ್‍ರನೆಕೆ ಮಾಡತೆ, ಅನ್ಯಾಯ ಮಾಡಿಯಂಡುಳ್ಳಯಿಂಗಡ ಮೇಲೆ ದೇವಡ ಚೆಡಿಯು, ಬಲ್ಯ ಚೆಡಿಯು ಬಪ್ಪ.

1 ಕೊರಿಂಥ 13:4

ಪ್ರೀತಿ ತಾಳ್ಮೆಯು ದಯೆಯು ಉಳ್ಳದ್; ಪ್ರೀತಿಕ್ ಒಟ್ಟೆಕಿಚ್ಚ್ ಇಲ್ಲೆ, ಪ್ರೀತಿ ಹೊಗ್‍ಳ್‍ಚಿಡುಲೆ, ಆಂಗಾರ ಪಡುಲೆ.

1 ಕೊರಿಂಥ 3:3

ನಿಂಗಡ ಪಕ್ಕ ಒಟ್ಟೆಕಿಚ್ಚ್ ಉಂಡ್, ಬೋರೆಯಿಂಗಡ ಕೂಡೆ ಜಗಳ ಮಾಡ್‌ವಿರ. ಇದೆಲ್ಲಾನ ನಿಂಗಡ ಪಾಪತ್‍ರ ಗುಣತ್‍ನಗುಂಡ್ ಈ ಲೋಕತ್‍ರ ಜನತ್‍ರನೆಕೆ ಮಾಡಿಯಂಡುಳ್ಳಿರಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 5:2

ನಿಂಗ ಇದ್‍ನೆಲ್ಲ ಕಂಡಿತ್ ಎನ್ನನೆ ಬಲ್ಯರಿಕೇಲ್ ಕಳಿಪಿರ? ಆಂಡ ಬದ್‍ಲ್ ನಿಂಗ ಈ ವಿಷಯತ್‍ನ ಕ್‍ೕಟಿತ್ ದುಂಬ ಬೇಜಾರ್ ಆಯಿತ್ ಮೊರಟಂಡ್ ಇಕ್ಕಂಡು. ಅಂತ ಮನುಷ್ಯನ ನಿಂಗಡ ಐಕ್ಯತ್ಂಜ ಪೊರಮೆ ಬೆಚ್ಚಿತಿಕ್ಕಂಡು.

1 ಕೊರಿಂಥ 5:6

ನಿಂಗ ನಿಂಗಡ ಆತ್ಮೀಯ ವಿಷಯತ್‍ಲ್ ಆಂಗಾರತ್‍ಲ್ ಕಳಿಪದ್ ಸರಿ ಅಲ್ಲ. ಚೆನ್ನ ಈಸ್ಟ್ ಇಟ್ಟಕ ಪೂರ್ತಿ ಮುದ್ದೆ ಬೊಳಿಯುವಾಂದ್ ಎಣ್ಣುವ ತಕ್ಕ್ ನಿಂಗಕ್ ಗೊತ್ತ್‌ಲ್ಲೆಯಾ?

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

ಗಲಾತ್ಯ 5:15

ಆಚೇಂಗಿ, ನಿಂಗ ಕಾಡ್ ಪ್ರಾಣಿಯರನೆಕೆ ಒಬ್ಬೊಬ್ಬನ ಕಡಿಚಂಡ್ ತಿಂದಂಡೇ ಉಂಡೇಂಗಿ, ನೋಟಿಯಂಡಿರಿ, ಎಚ್ಚರತ್‍ಲ್ ಇರಿ, ಇಲ್ಲತಪೋನಕ ನಿಂಗ ಒಬ್ಬೊಬ್ಬಂಡಗುಂಡ್ ಪಾಳಾಯಿ ಪೋಪಿರ.

ಗಲಾತ್ಯ 5:20

ವಿಗ್ರಹ ಆರಾದನೆ, ಮಾಟ, ವಿರೋದ, ಪಗೆ, ವೈರಾಗ್ಯ, ಚೆಡಿ, ಬಡಾಯಿ, ವಿಂಗಡ, ಗುಂಪ್ ಮಾಡ್‍ವದ್, ಬೋರೆ ಬೋರೆ ಮಾಡ್‍ವದ್,

ಗಲಾತ್ಯ 5:21

ಪೊರಾಮೆ, ಕುಡಿ, ಕೂಟ್‌ಕಳಿ ಪಿಂಞ ಬೋರೆ ಬೋರೆ ಕೆಟ್ಟ ಕಾರ್ಯ. ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ. ಈ ತರ ಮಾಡ್‌ವಯಿಂಗಕ್, ದೇವ ಅಂವೊಂಡ ಮಕ್ಕಕ್ ಕೊಡ್‍ಪಾಂದ್ ಎಣ್ಣ್‌ನ ದೇವಡ ರಾಜ್ಯತ್‍ನ ಕೊಡ್‍ಪ್‍ಲೆ.

ಗಲಾತ್ಯ 5:26

ಆನಗುಂಡ್ ನಂಗ ಆಂಗಾರತ್‍ಲ್ ಇಪ್ಪಕ್ಕಾಗ, ಒಬ್ಬಂಗ್ ಒಬ್ಬ ಕಷ್ಟಕೊಡ್‌ಪಕ್ಕಾಗ, ದಾಡಮೇಲು ಒಟ್ಟೆಕಿಚ್ಚ್‌ಲ್ ಇಪ್ಪಕ್ಕಾಗ.

ಗಲಾತ್ಯ 6:13

ಸುನ್ನತಿ ಮಾಡಂಡೂಂದ್ ಎಣ್ಣುವ ಅಯಿಂಗ ಸಹ ನ್ಯಾಯಪ್ರಮಾಣ ಎಣ್ಣ್‌ವನೆಕೆ ಮಾಡುಲೆ; ಅಯಿಂಗ ಅನ್ನನೆ ಇಂಜತೇಂಗಿಯು, ನಿಂಗ ಸುನ್ನತಿ ಮಾಡಂಡೂಂದ್ ಅಯಿಂಗ ನಿಂಗಡ ವಿಷಯತ್‍ಲ್ ಆಸೆ ಪಡುವ. ಅಕ್ಕ ನಿಂಗ ಅಯಿಂಗಡ ಬೋದನೆಲ್ ನಡ್‌ಪಯಿಂಗಾಂದ್ ಕುಶೀಲ್ ಎಣ್ಣುವಕ್ ಅಯಿಂಗಕ್ ಕಯ್ಯು.

ಫಿಲಿಪ್ಪಿ 1:15

ಅಕ್ಕು, ಚೆನ್ನ ಜನ ನಾಡ ಮೇಲೆ ಉಳ್ಳ ಒಟ್ಟೆಕಿಚ್ಚ್‌ಲ್ ಪಿಂಞ ವಿರೋದತ್‍ಲ್ ಯೇಸು ಕ್ರಿಸ್ತನ ಬೋದನೆ ಮಾಡಿಯಂಡುಂಡ್, ಆಚೇಂಗಿ ಚೆನ್ನ ಜನ ಸತ್ಯತ್‍ಲ್ ನಲ್ಲ ಮನಸ್ಸ್‌ಲ್ ಬೋದನೆ ಮಾಡಿಯಂಡುಂಡ್.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

1 ತಿಮೊಥೆಯ 2:4

ಎಲ್ಲಾ ಜನಕು ರಕ್ಷಣೆ ಕ್‍ಟ್ಟಂಡೂಂದು, ಎಲ್ಲಾರ್‌ಕು ಸತ್ಯ ಗೊತ್ತಾಂಡೂಂದು ಉಳ್ಳದೇ ಅಂವೊಂಡ ಚಿತ್ತವಾಯಿತುಂಡ್.

1 ತಿಮೊಥೆಯ 6:4

ಅಂವೊ ಪೆರ್‌ಮೆ ಉಳ್ಳಂವೊನು, ಒಂದು ಅರ್ಥ ಆಕತಂವೊನಾಯಿತ್‌ಪ್ಪ. ಅನ್ನನೆ ಮಾಡ್‌ವಂವೊ, ಆಂಗಾರತ್‍ಲ್ ಕಳಿಪ ಸೊಮಾರಿಯನೆಕೆ ಮುಂಡತೆ ತರ್ಕ ಮಾಡ್‌ವಕು, ವಾಕ್ಯತ್‍ರ ಮೇಲೆ ಜಗಳ ಕಳಿಪಕೇ ಕುಶಿ ಪಡುವ. ಇದೆಲ್ಲ ವಾದ ಮಾಡ್‌ವಕ್, ಒಟ್ಟೆಕಿಚ್ಚ್, ಜಗಳ, ದೂಷಣೆ ಪಿಂಞ ಬೋಂಡತ ಕೆಟ್ಟ ಸಂಶಯತ್‍ನ ಉಂಟ್ ಮಾಡ್‌ವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.

ಯಾಕೋಬ 1:18

ಅಂವೊಂಡ ಚಿತ್ತತ್‍ರನೆಕೆ, ತಾಂಡ ಎಲ್ಲಾ ಸೃಷ್ಟಿಲ್, ನಂಗಳ ಆದ್ಯ ಸ್ತಾನತ್‍ಲ್ ಇಕ್ಕಂಡೂಂದ್ ನಂಗಳ ಸತ್ಯ ವಾಕ್ಯತ್‍ರ ಮೂಲಕ ಪುಟ್ಟ್‌ವಕ್ ಮಾಡ್‍ಚಿ.

ಯಾಕೋಬ 3:16

ಎಕ್ಕ ಜನಕ್ ಒಟ್ಟೆಕಿಚ್ಚ್ ಪಿಂಞ ಸ್ವಾರ್ತತೆ ಇಪ್ಪ, ಅಕ್ಕ ಅಯಿಂಗ ಮೋಸ ಪಿಂಞ ಕಲಹ ಮಾಡ್‌ವ.

ಯಾಕೋಬ 5:19

ನಾಡ ಅಣ್ಣತಮ್ಮಣಂಗಳೇ, ನಿಂಗಡಲ್ಲಿ ಒಬ್ಬ ದೇವಡ ಸತ್ಯತ್ಂಜ ದೂರ ಪೋಯಿತ್ ಪಾಳಾಯಿಪೋಯಂಡಿಪ್ಪಕ, ಅಂವೊನ ಇಂಞೊಬ್ಬ ನಲ್ಲ ಬಟ್ಟೇಕ್ ಕಾಕಿಯಂಡ್ ಬಾತೇಂಗಿ,