ಯಾಕೋಬ 3:1 - ಕೊಡವ ಬೈಬಲ್

¹ ನಾಡ ಅಣ್ಣತಮ್ಮಣಂಗಳೇ, ದೇವ ನಿಂಗಕ್ ಕಠಿಣ ತೀರ್ಪ್ ತಪ್ಪಾಂದ್ ಗೊತ್ತಾನಗುಂಡ್ ನಿಂಗ ಎಲ್ಲಾರು ಬೋದನೆಕಾರಂಗಳಾಯಿತ್ ಆಕತಿರಿ.

ಯಾಕೋಬ 3:1 ပူးပေါင်းရင်းမြစ်များ

ಮಲಾಕಿ 2:12

ಇಂತ ಒರ್‌ ಅಸಹ್ಯವಾನ ಕಾರ್ಯ ಮಾಡ್‌ನ ಓರೋರ್‌ ಮನುಷ್ಯಂಗು, ಇಸ್ರಾಯೇಲ್‌ ಜನತ್‌ಲ್‌ ಅಂವೊ ಇಲ್ಲತೆ ಆಯಿ ಪೋಡ್. ಅಂವೊ ನಂಗಡ ಒಡಯನಾನ ಯೆಹೋವಂಗ್‌ ಅರ್ಪಿಚಿಡುವಕ್‌ ಬಪ್ಪಕುಲ್ಳಂವೊನಾಯಿತಿಂಜತೇಂಗಿಯು ಆಪ್ಪಲೆ.

ಮತ್ತಾಯ 10:24

ಉಪಾದ್ಯಕಿಂಜ ಶಿಷ್ಯ ಬಲ್ಯಂವೊನು ಅಲ್ಲ, ಎಜಮಾನಕಿಂಜ ಆಳ್ ಬಲ್ಯಂವೊನು ಅಲ್ಲ.

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮತ್ತಾಯ 23:14

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ಬೋರೆಯಿಂಗ ಕಾಂಗಂಡೂಂದ್ ಉದ್ದವಾಯಿತ್ ಪ್ರಾರ್ಥನೆ ಮಾಡಿಯಂಡ್, ವಿದವೆರ ಮನೆಕ್ ನುಗ್ಗಿತ್ ಅಯಿಂಗಕ್ ವಂಚನೆ ಮಾಡಿಯಂಡ್ ಉಳ್ಳಯಿಂಗಳೇ, ನಿಂಗಕ್ ದುಂಬ ಶಿಕ್ಷೆ ಉಂಡ್.

ಮತ್ತಾಯ 9:11

ಚೆನ್ನ ಫರಿಸಾಯಂಗ ಯೇಸುರ ಶಿಷ್ಯಂಗಳ ನೋಟಿತ್: ಎನ್ನಂಗ್ ನಿಂಗಡ ಉಪಾದ್ಯ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಬಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:2

ಎಜಮಾನ ಅಂವೊನ ಕಾಕುವಂಜಿ, ಇದೆಂತ್, ನೀಡ ವಿಷಯತ್‍ನ ನಾನ್ ಕ್‍ೕಟಂಡುಳ್ಳದ್? ನೀಡ ಲೆಕ್ಕತ್‍ನ ನಾಡ ಪಕ್ಕ ಒಪ್ಪ್‌ಚಿಡ್, ನೀನ್ ಇಂಞು ಮಿಂಞಕ್ ನಾಡ ಆಸ್ತಿರ ಲೆಕ್ಕತ್‍ನ ನೋಟ್‌ವಕ್ಕಾಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:37

ನಿಂಗ ದಾರ್‌ನು ತೀರ್ಪ್ ಮಾಡತಿ, ಅಕ್ಕ ದೇವ ನಿಂಗಳ ಸಹ ತೀರ್ಪ್ ಮಾಡುಲೆ; ನಿಂಗ ದಾರ್‌ನು ಕಂಡನೆ ಮಾಡತಿ, ಅಕ್ಕ ದೇವ ನಿಂಗಳ ಸಹ ಕಂಡನೆ ಮಾಡುಲೆ; ಮನ್ನಿಚಿಡಿ, ಅಕ್ಕ ದೇವ ನಿಂಗಳ ಮನ್ನಿಚಿಡುವ.

ಯೋಹಾನ 3:10

ನೀನ್ ಇಸ್ರಾಯೇಲ್‍ರ ಒರ್ ಉಪಾದ್ಯನಾಯಿತ್ಂಜತೇಂಗಿಯು ಈ ವಿಷಯವೆಲ್ಲ ನೀಕ್ ಗೊತ್ತ್‌ಲ್ಲೆಯಾಂದ್ ಯೇಸು ಅಂವೊಂಗ್ ಜವಾಬ್ ಕೊಡ್‍ತತ್.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

2 ಕೊರಿಂಥ 5:10

ಎನ್ನಂಗೆಣ್ಣ್‌ಚೇಂಗಿ, ಒಬ್ಬೊಬ್ಬನು ತಡೀಲ್ ಮಾಡ್‍ನ ನಲ್ಲದಾಡ್ ಕೆಟ್ಟದಾಡ್, ಅದ್ಂಡ ತಕ್ಕ ಫಲ ಕ್‍ಟ್ಟ್‌ವಕಾಯಿತ್ ಕ್ರಿಸ್ತಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಕ್ಕಂಡು.

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

1 ತಿಮೊಥೆಯ 1:7

ಅಯಿಂಗ ಅಚ್ಚಕ್ ದೃಡವಾಯಿತ್ ಗತ್ತ್‌ಲ್ ತಕ್ಕ್ ಪರ್ಂದತೇಂಗಿಯು, ಅಯಿಂಗ ಪರಿಯುವ ತಕ್ಕ್‌ರ ಅರ್ಥ ಎಂತ್‍ೕಂದ್ ಅಯಿಂಗಕೇ ಗೊತ್ತಿಲ್ಲತೆ ಪೋಚೇಂಗಿಯು, ಅಯಿಂಗ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳಾಯಿತ್ ಇರಂಡೂಂದ್ ಕುಶಿ ಪಡುವ.

1 ತಿಮೊಥೆಯ 2:7

ಈ ನಲ್ಲ ಸುದ್ದಿಕಾಯಿತೇ ದೇವ ನನ್ನ ಒರ್ ಬೋದಕನಾಯಿತ್ ಪಿಂಞ ಒರ್ ಅಪೊಸ್ತಲನಾಯಿತ್ ನೇಮಿಚಿಟ್ಟತ್. ನಂಬಿಕೇರ ವಿಷಯತ್‍ನ, ಸತ್ಯತ್‍ರ ವಿಷಯತ್‍ನ ಅನ್ಯ ಜನಕ್ ಬೋದನೆ ಮಾಡ್‌ವಕಾಯಿತ್ ನನ್ನ ಅಯಿಚತ್. ನಾನ್ ಪೊಟ್ಟ್ ಪರಿಯತೆ ಯೇಸು ಕ್ರಿಸ್ತಂಡ ಪೆದತ್‍ಲ್ ಸತ್ಯತ್‍ನ ಎಣ್ಣಿಯಂಡುಂಡ್.

2 ತಿಮೊಥೆಯ 1:11

ಈ ನಲ್ಲ ಸುದ್ದಿಕಾಯಿತ್ ದೇವ ನನ್ನ ಒರ್ ಪ್ರಸಂಗಿಯಾಯಿತ್, ಒರ್ ಅಪೊಸ್ತಲನಾಯಿತ್ ಪಿಂಞ ಬೋದಕನಾಯಿತ್ ನೇಮಿಚಿಟ್ಟಿತುಂಡ್.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಯಾಕೋಬ 1:16

ನಾಡ ಅಣ್ಣತಮ್ಮಣಂಗಳೇ, ನಿಂಗ ಮೋಸ ಪೋಕತಿ.

ಯಾಕೋಬ 1:19

ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.

ಯಾಕೋಬ 3:10

ತುದಿ ಪಿಂಞ ಶಾಪ, ದಂಡು ಒರೇ ನಾವ್ಂಜ ಬಪ್ಪ. ನಾಡ ಅಣ್ಣತಮ್ಮಣಂಗಳೇ, ಇನ್ನನೆ ಇಪ್ಪಕ್ಕಾಗ.

1 ಪೇತ್ರ 5:3

ನಿಂಗಡ ಕೈಕ್ ಒಪ್ಪ್‌ಚಿಟ್ಟಿತುಳ್ಳಯಿಂಗಳ ಬಾರವಾಯಿತ್ ಆಳುವನೆಕೆ ಅಲ್ಲ, ದೇವಡ ಮಕ್ಕಕ್ ಉದಾರಣೆಯಾಯಿತ್ ಇರಿ.