ಯಾಕೋಬ 2:9 - ಕೊಡವ ಬೈಬಲ್

⁹ ಆಚೇಂಗಿ ನಿಂಗ ಮನುಷ್ಯಂಗಡ ಪೊರಪಾಡ್‌ನ ನೋಟಿತ್ ಅದ್ಂಡ ಪ್ರಕಾರ ಮರ್ಯಾದೆ ಮಾಡ್‍ಚೇಂಗಿ, ನಿಂಗ ಪಾಪ ಮಾಡಿತ್, ನ್ಯಾಯಪ್ರಮಾಣಕ್ ವಿರೋದವಾಯಿತ್ ಮಾಡ್‌ನಯಿಂಗಾಂದ್ ತೀರ್ಪ್ ಆಪಿರ.

ಯಾಕೋಬ 2:9 ပူးပေါင်းရင်းမြစ်များ

ಯೋಹಾನ 16:8

ಅಂವೊ ಬಂತ್, ಜನಕ್ ಅಯಿಂಗ ಪಾಪ ಮಾಡ್‍ನಯಿಂಗಾಂದು, ನೀತಿ ಪಿಂಞ ದೇವಡ ನ್ಯಾಯತೀರ್ಪ್ ಕಂಡಿತವಾಯಿತ್ ಬಪ್ಪಾಂದು ಅರ್ಥ ಮಾಡಿತ್ ತಪ್ಪ.

ಯೋಹಾನ 8:46

ನಾಡಲ್ಲಿ ಪಾಪ ಉಂಡ್‍ೕಂದ್ ನಿಂಗಡಲ್ಲಿ ದಾರ್ ನನ್ನ ಕುತ್ತ ಪರಿಯುವಕ್ ಕಯ್ಯು? ನಾನ್ ಸತ್ಯ ಎಣ್ಣ್‌ವಕ, ನಿಂಗ ಎನ್ನಂಗ್ ನನ್ನ ನಂಬುಲೆ?

ಯೋಹಾನ 8:9

ಯೇಸು ಇನ್ನನೆ ತಕ್ಕ್ ಪರಿವಾನ ಕ್‍ೕಟದು, ಪೆರಿಯಯಿಂಗಯಿಂಜ ಚೆರಿಯಯಿಂಗಕತ್ತನೆ ಒಬ್ಬೊಬ್ಬಂಗಳಾಯಿತ್ ಅಲ್ಲಿಂಜ ಪೋಯಿರ್‌ತ್. ಯೇಸು ಒಬ್ಬನೇ ಅಲ್ಲಿ ಇಂಜತ್. ಆ ಪೊಣ್ಣಾಳ್ ಅಲ್ಲಿಯೇ ನಿಂದಂಡಿಂಜತ್.

ಅಪೊಸ್ತಲ 10:34

ಅಕ್ಕ ಪೇತ್ರ ತಕ್ಕ್ ಪರಿಯುವಕ್ ಸುರು ಮಾಡಿತ್, ದೇವ ಪಕ್ಷಪಾತ ಮಾಡುಲೇಂದ್ ಇಕ್ಕ ನಾಕ್ ಅರ್ಥ ಆಚಿ.

ರೋಮ್ 3:20

ಆನಗುಂಡ್, ನ್ಯಾಯಪ್ರಮಾಣತ್‍ರಗುಂಡ್ ಒರ್ ಮನುಷ್ಯನು ದೇವಡ ಮಿಂಞತ್ ನೀತಿವಂತವೊನಾಯಿತ್ ಆಪಕ್ ಕಯ್ಯುಲೆ. ಆಚೇಂಗಿ ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಂತ್‍ೕಂದ್ ಗೊತ್ತಾಪ.

1 ಕೊರಿಂಥ 14:24

ಎಲ್ಲಾರು ಪ್ರವಾದನೆ ಎಣ್ಣಿಯಂಡ್ ಇಪ್ಪಕಾಪಕ, ದೇವಡ ಮೇಲೆ ನಂಬಿಕೆ ಬೆಕ್ಕತಯಿಂಗ ಪಿಂಞ ಪೊರಮೆ ಉಳ್ಳಯಿಂಗ ಬಂದಕ, ಅಲ್ಲಿ ದೇವಡ ವಾಕ್ಯತ್‍ನ ಕ್‍ೕಟಿತ್, ತಾನ್ ಒರ್ ಪಾಪೀಂದು, ಅಂವೊ ಕ್‍ೕಟ ಸತ್ಯತ್‍ರಗುಂಡ್ ಅಂವೊಂಗ್ ನ್ಯಾಯತೀರ್ಪ್ ಕ್‍ಟ್ಟ್‌ಚೀಂದ್ ಅರ್ಥ ಆಪ.

ಗಲಾತ್ಯ 2:19

ನಾನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಮೂಲಕ ಆ ನ್ಯಾಯಪ್ರಮಾಣಕ್ ಚತ್ತ್‌ಪೋನ. ಆ ನ್ಯಾಯಪ್ರಮಾಣತ್ಂಜ ಬುಡ್‍ಗಡೆ ಆಯಿತ್ ದೇವಕ್‍ೕಂದ್ ಬದ್‍ಕ್‍ವಕಾಚಿ.

1 ಯೋಹಾನ 3:4

ಆಚೇಂಗಿ, ಪಾಪ ಮಾಡ್‌ವ ಎಲ್ಲಾರು ನ್ಯಾಯಪ್ರಮಾಣತ್‍ನ ಮೀರ್‌ವ. ಎನ್ನಂಗೆಣ್ಣ್‌ಚೇಂಗಿ ನ್ಯಾಯಪ್ರಮಾಣತ್‍ನ ಮೀರ್‌ವದೆ ಪಾಪ.