ಯಾಕೋಬ 2:6 - ಕೊಡವ ಬೈಬಲ್

⁶ ಆಚೇಂಗಿ ನಿಂಗ ಬಡವಯಿಂಗಳ ಅಲ್ಲಗೆಳದಿತುಳ್ಳಿರ. ಐಶ್ವರ್ಯವಂತಯಿಂಗತಾನೆ ನಿಂಗಳ ಮೋಸ ಮಾಡ್‌ವಯಿಂಗ? ಅಯಿಂಗತಾನೆ ನಿಂಗಳ ನ್ಯಾಯ ತೀರ್ಪ್‌ರ ಜಾಗಕ್ ಬಲ್‍ಚಂಡ್ ಪೋಪ?

ಯಾಕೋಬ 2:6 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:31

ಗರೀಬನ ಹಿಂಸೆಪಡ್‌ತವಂವೊ ಅಂವೊನ ಸೃಷ್ಟಿ ಮಾಡನಂವೊನ ಕಮ್ಮಿಯಾಯಿತ್‌ ನೋಟಿಯಂಡುಂಡ್. ಗರೀಬಂಗ್‌ ಕರುಣೆ ಕಾಟ್‌ವಂವೊ ಅಂವೊನ ಗನಪಡ್‌ತುವ.

ಜ್ಞಾನತ್‌ರ ಪಡಿಮ 17:5

ಗರೀಬನ ಪರಿಹಾಸ ಮಾಡ್‌ವಂವೊ ಅಂವೊನ ಸೃಷ್ಟಿ ಮಾಡ್‌ನಂವೊನ ಅವಮಾನ ಮಾಡ್‌ವ. ಬೋರೆ ಒಬ್ಬ ಅಪಾಯತ್‌ಲ್‌ ಇಪ್ಪದ್‌ನ ಕಂಡಿತ್‌ ಕುಶಿಪಡ್‌ವಂವೊಂಗ್‌ ಶಿಕ್ಷೆ ಕಂಡಿತ.

ಜ್ಞಾನತ್‌ರ ಪಡಿಮ 18:23

ಗರಿಬನಾನಂವೊ ಎರ್‌ಂದಿತ್‌ ಕ್‍ೕಪ. ಪಣಕಾರ ಕಡ್‌ಪಾಯಿತ್‌ ಜವಾಬ್ ಕೊಡ್‌ಪ.

ಜ್ಞಾನತ್‌ರ ಪಡಿಮ 22:16

ತಾನ್‌ ಅಬಿವೃದ್ದಿ ಆಂಡೂಂದ್‌ ಗರೀಬನ ಹಿಂಸೆಪಡ್‌ತವಂವೊನು, ಐಶ್ವರ್ಯವಂತಂವೊಂಗ್‌ ಇನಾಮ್‌ ಕೊಡ್‌ಪ ದಂಡಾಳು ಗರೀಬನಾಪ.

ಜ್ಞಾನತ್‌ರ ಪಡಿಮ 22:7

ಐಶ್ವರ್ಯವಂತ ಗರೀಬನ ಆಳ್‌ವಿಕೆ ಮಾಡುವ. ಸಾಲ ಎಡ್‌ತಂವೊ ಸಾಲ ಕೊಡ್‌ತಂವೊಂಗ್‌ ಅಡಿಯಾಳಾಯಿತ್‌ಪ್ಪ.

ಯೋಹಾನ 8:49

ಯೇಸು ಅಯಿಂಗಳ ನೋಟಿತ್: ನಾನ್ ಕೂಳಿ ಪುಡ್‌ಚಂವೊ ಅಲ್ಲ, ನಾನ್ ನಾಡ ಅಪ್ಪಂಗ್ ಮಹಿಮೆ ಕೊಡ್‍ಪಿ, ನಿಂಗ ನಾಕ್ ಮಹಿಮೆ ತಪ್ಪ್‌ಲೆ.

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 17:6

ಅಲ್ಲಿ ಪೌಲ ಪಿಂಞ ಸೀಲನ ಕಾಂಗತಗುಂಡ್, ಆ ಜನ ಯಾಸೋನ ಪಿಂಞ ಅಲ್ಲಿ ಇಂಜ ಚೆನ್ನ ದೇವಡ ಮಕ್ಕಳ ಪಟ್ಟಣತ್‍ರ ಅದಿಕಾರಿಯಂಗಡ ಪಕ್ಕ ಬಲ್‍ಚಂಡ್ ಪೋಯಿತ್: ಲೋಕತ್‍ನ ಗಲಿಬಿಲಿ ಮಾಡ್‌ವಯಿಂಗ ಇಲ್ಲಿಕೂ ಬಂದಿತುಂಡ್,

ಅಪೊಸ್ತಲ 18:12

ಗಲ್ಲಿಯೋನ ಎಣ್ಣ್‌ವಂವೊ ಅಖಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತಿಪ್ಪಕ, ಯೆಹೂದ್ಯಂಗ ಒಕ್ಕಚೆ ಪೌಲಂಗ್ ವಿರೋದವಾಯಿತ್ ಎದ್ದಿತ್, ಗಲ್ಲಿಯೋನಂಡ ನ್ಯಾಯಸ್ತಾನತ್‍ರ ಮಿಂಞಕ್ ಪೌಲನ ಕೊಂಡ್ ಬಾತ್.

ಅಪೊಸ್ತಲ 8:3

ಇದ್‍ಲ್ಲತೆ ಸೌಲ, ಮನೆಮನೆಕ್ ಪೋಯಿತ್, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಆಣಾಳ್ ಪಿಂಞ ಪೊಣ್ಣಾಳ್‍ನ ಅಯಿಂಗಡ ಮನೇಯಿಂಜ ಪೊರಮೆ ಬಲ್‍ಚಿತ್, ಸೆರೆಮನೆಕ್ ಒಪ್ಪ್‌ಚಿಟ್ಟತ್. ಇನ್ನನೆ ಅಂವೊ ದೇವಡ ಸಬೇನ ಪಾಳ್ ಮಾಡಿಯಂಡಿಂಜತ್.

1 ಕೊರಿಂಥ 11:22

ಉಂಬಕ್ ತಿಂಬಕ್ ನಿಂಗಕ್ ನಿಂಗಡ ಮನೆ ಇಲ್ಲೆಯಾ? ಇದ್ ದೇವಡ ಸಬೇನ ತ್‍ಕ್ಕಾರ ಮಾಡಿತ್, ಉಳ್ಳಯಿಂಗ ಇಲ್ಲತಯಿಂಗಳ ಞಾಣಪಡ್‍ತ್‍ವನೆಕೆ ಉಂಡ್. ನಾನ್ ನಿಂಗಡ ಪಕ್ಕ ಎಂತ ಎಣ್ಣಡ್? ಈ ವಿಷಯತ್‍ಲ್ ನಾನ್ ನಿಂಗಳ ಕೊಂಡಾಡುವಕಯ್ಯುವಾ? ನಾನ್ ಅದ್‍ನ ಮಾಡುಲೆ.

ಯಾಕೋಬ 2:3

ಅಕ್ಕ ನಿಂಗ ಚಾಯಿ ಬಟ್ಟೆ ಇಟ್ಟಿತುಳ್ಳ ಮನುಷ್ಯನ ಚಾಯಿತೆ ಸತ್ಕಾರ ಮಾಡಿತ್ ಅಂವೊ ಅಳ್‌ಪಕ್ ನಲ್ಲ ಜಾಗ ಕೊಡ್‍ಪಿರ. ಅದೇ ಸಮಯತ್‍ಲ್ ಬಡವಂಗ್: ನೀನ್ ಇಲ್ಲೆ ನಿಂದ, ಅಲ್ಲತ ಪೋನಕ ನಾಡ ಕಾಲ್‍ರ ಅಡಿಲ್ ಅಳೆ ಎಣ್ಣಿಯಂಡ್ ಎಣ್ಣುವಿರ.

ಯಾಕೋಬ 5:4

ನಿಂಗಡ ಬೇಲ್‌ಲ್ ಕೆಲಸ ಮಾಡ್‍ನ ಆಳುವಡ ಸಂಬಳತ್‌ನ ಅನ್ಯಾಯವಾಯಿತ್ ನಿಂಗಳೇ ಬೆಚ್ಚಿತುಳ್ಳಗುಂಡ್ ಆ ಪಣ ನಿಂಗಕ್ ವಿರೋದವಾಯಿತ್ ಜೋರಾಯಿತ್ ಮೊರಟಂಡುಂಡ್; ಕೆಲಸ ಮಾಡ್‍ನಯಿಂಗಡ ಮೊರೆ ಪರಲೋಕತ್‍ರ ಸೇನೆಯಡ ಒಡೆಯಂಡ ಕೆಮಿಕ್ ಕ್‍ೕಟ್‍ಚಿ.

ಯಾಕೋಬ 5:6

ನೀತಿವಂತಯಿಂಗಳ ನಿಂಗ ಕಂಡನೆ ಮಾಡಿತ್ ಕೊಂದಿತುಳ್ಳಿರ; ಆಚೇಂಗಿಯು ಅಯಿಂಗ ದಾರೂ ನಿಂಗಕ್ ವಿರೋದವಾಯಿತ್ ನಿಂದಿತ್‌ಲ್ಲೆ.