ಯಾಕೋಬ 2:4 - ಕೊಡವ ಬೈಬಲ್

⁴ ನಿಂಗ ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡೊಳ್‌ಲ್ ಪಕ್ಷಪಾತ ಮಾಡಿತ್, ಕೆಟ್ಟ ಬುದ್ದಿಲ್ ತೀರ್ಪ್ ಮಾಡ್‌ವಯಿಂಗಳಾಯಿತ್‌ಪ್ಪಿರಲ್ಲ?

ಯಾಕೋಬ 2:4 ပူးပေါင်းရင်းမြစ်များ

ಮಲಾಕಿ 2:9

ನಿಂಗ ನಾಡ ಬಟ್ಟೆನ ಬುಟ್ಟಿತ್‌ ದೂರ ಪೋಯಿತ್, ನಿಂಗಡ ಬೋದನೆಲ್‌ ಪಕ್ಷಪಾತ ಮಾಡಿತ್‌ ನಾಡ ಒಪ್ಪಂದತ್‌ನ ಮುರ್ಚನಗುಂಡ್, ನಾನ್‌ ಸತ ನಿಂಗಳ ಇಸ್ರಾಯೇಲ್‌ ದೇಶತ್‌ರ ಎಲ್ಲಾ ಜನಡ ಮಿಂಞತ್‌ ನಿಂಗಳ ದ್ವೇಷ ಮಾಡಿತ್‌ ನಿಂಗಕ್‌ ಅವಮಾನ ಆಪನೆಕೆ, ಅಯಿಂಗ ನಿಂಗಳ ಹಿಯಾಳಿಚಿಟ್ಟಿತ್‌ ಕೀಳ್‌ತರತ್‌ಲ್‌ ನೋಟುವನೆಕೆ ಮಾಡ್‌ನ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:6

ಒಡೆಯ ಶಿಷ್ಯಂಗಳ ನೋಟಿತ್: ನ್ಯಾಯ ಇಲ್ಲತ ಆ ನ್ಯಾಯಾದಿಪತಿ ಎಣ್ಣ್‌ನದ್‍ನ ಗೇನ ಮಾಡಿಯೊಳಿ.

ಯೋಹಾನ 7:24

ಪೊರಮೆ ಉಳ್ಳದ್‍ನ ಕಂಡಿತ್ ನ್ಯಾಯತೀರ್ಪ್ ಮಾಡತಿ. ನೀತಿಯಾಯಿತ್ ನ್ಯಾಯತೀರ್ಪ್ ಮಾಡೀಂದ್ ಎಣ್ಣ್‌ಚಿ.

ಯಾಕೋಬ 3:17

ಆಚೇಂಗಿ ಪರಲೋಕತ್ಂಜ ಬಪ್ಪ ಜ್ಞಾನ, ಆದ್ಯವಾಯಿತ್, ನಂಗಳ ಶುದ್ದ ಮಾಡ್‌ವ, ಅದ್ ಸಮಾದಾನ ಉಳ್ಳದಾಯಿತು ಅಡಕ ಉಳ್ಳದಾಯಿತು ಕುಶಿ ಉಳ್ಳದಾಯಿತು ಇಪ್ಪ. ಅದ್‍ಲ್ ಕರುಣೆ ಪಿಂಞ ನಲ್ಲ ಫಲ ದುಂಬಿತ್, ಎಲ್ಲಾ ಮನುಷ್ಯಂಗಕು ಒರೇ ತರ ಮರ್ಯಾದೆ ಮಾಡಿತ್, ಕಪಟ ಇಲ್ಲತ ಶುದ್ದ ನಂಬಿಕೆ ಉಳ್ಳದಾಯಿತಿಪ್ಪ.

ಯಾಕೋಬ 4:11

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಬ್ಬಂಗೊಬ್ಬ ವಿರೋದವಾಯಿತ್ ಕೆಟ್ಟದ್ ಪರಿಯತಿ; ನಿಂಗ ಒಬ್ಬಂಗೊಬ್ಬ ತಪ್ಪ್ ಪರ್ಂದಿತ್, ದೂಷಣೆ ಮಾಡ್‍ಚೇಂಗಿ, ಅಕ್ಕ ನಿಂಗ ನ್ಯಾಯಪ್ರಮಾಣತ್‍ಲ್ ತಪ್ಪ್ ಕಂಡ್‍ಪುಡ್‌ಚಿತ್ ದೂಷಣೆ ಮಾಡ್‍ನನೆಕೆ; ನ್ಯಾಯಪ್ರಮಾಣ ಸರಿ ತಪ್ಪ್‍ೕಂದ್ ನಿಂಗ ತೀರ್ಪ್ ಕೊಡ್‍ಪಕ್ಕಾಗ, ಅದ್‍ನ ಕ್‍ೕಟಿತ್ ನಡ್‍ಪದೇ ನಿಂಗಡ ಕೆಲಸ.