ಯಾಕೋಬ 2:23 - ಕೊಡವ ಬೈಬಲ್

²³ ಅನ್ನನೆ ಅಬ್ರಹಾಮ ದೇವನ ನಂಬ್‍ಚಿ. ಅದ್ಂಗ್ ದೇವ ಅಂವೊನ ನೀತಿವಂತಂವೋಂದ್ ಲೆಕ್ಕ ಮಾಡ್‍ಚೀಂದ್ ಎಣ್ಣ್‌ವ ದೇವಡ ವಾಕ್ಯ ಪೂರ್ತಿಯಾಚಿ. ಇದ್‍ನಗುಂಡ್ ದೇವ ಅಂವೊನ ದೇವಡ ಸ್ನೇಹಿತಾಂದ್ ಕಾಕ್‍ಚಿ.

ಯಾಕೋಬ 2:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:6

ಅಬ್ರಾಮ ಯೆಹೋವನ ನಂಬ್‌ಚಿ; ಯೆಹೋವ ಅಂವೊಂಡ ನಂಬಿಕೆನ ನೋಟಿತ್‌ ಅಂವೊನ ನೀತಿವಂತಂವೋಂದ್‌ ಲೆಕ್ಕ ಮಾಡ್‌ಚಿ.

ಮಾರ್ಕ 12:10

ಮನೆ ಕೆಟ್ಟ್‌ವಂವೊ ಲಾಯಕಾಯಿತ್‌ಲ್ಲೇಂದ್ ತ್‍ಕ್ಕಾರ ಮಾಡ್‍ನ ಕಲ್ಲೇ ಮುಕ್ಯವಾನ ಮೂಲೆ ಕಲ್ಲಾಚ್.

ಮಾರ್ಕ 15:27

ಅದಲ್ಲತೆ ಇಂಞು ದಂಡ್ ಕಳ್ಳಂಗಳ ಯೇಸುರ ಬಲ್‌ತೆ ಬರಿಲ್ ಒಬ್ಬನ, ಎಡ್‍ತೆ ಬರಿಲ್ ಒಬ್ಬನ ಶಿಲುಬೇಕ್ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:21

ಅಕ್ಕ, ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ; ನಿಂಗ ಕ್‍ೕಟ ಈ ದೇವಡ ವಾಕ್ಯ ಇಂದ್ ಪೂರ್ತಿ ಆಚೀಂದ್ ಎಣ್ಣ್‌ಚಿ.

ಅಪೊಸ್ತಲ 1:16

ನಾಡ ಅಣ್ಣತಮ್ಮಣಂಗಳೇ, ಯೇಸುನ ಪುಡ್‌ಚಿತ್ ಪೋಪಯಿಂಗಕ್ ಬಟ್ಟೆ ಕಾಟಿ ಕೊಡ್‍ತ ಯೂದಂಡ ವಿಷಯತ್‍ನ ದಾವೀದಂಡ ಮೂಲಕ ಪವಿತ್ರಾತ್ಮ ಮಿಂಞಲೇ ಎಣ್ಣ್‌ನ ದೇವಡ ವಾಕ್ಯ ಒಳ್‍ದಿತುಳ್ಳದ್ ನೆರೆವೇರಂಡೂಂದ್ ಇಂಜತ್.

ರೋಮ್ 11:2

ದೇವ, ಮಿಂಞಲೇ ಗೊತ್ತ್ ಮಾಡ್‍ನ ತಾಂಡ ಜನತ್‍ನ ತಿರಸ್ಕಾರ ಮಾಡುಲೆ. ಎಲೀಯ ಪ್ರವಾದಿರ ವಿಷಯತ್‍ನ ದೇವಡ ವಾಕ್ಯ ಎಣ್ಣುವ ಜಾಗತ್‍ಲ್, ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತ್‌ಲ್ಲೆಯ? ಎಲೀಯ ದೇವಡ ಪಕ್ಕ:

ರೋಮ್ 9:17

ಅದಲ್ಲತೆ, ನಾಡ ಶಕ್ತಿನ ನೀಡಲ್ಲಿ ಕಾಂಬಿಚಿಡುವಕ್ ಪಿಂಞ ನಾಡ ಪೆದ ಇಡೀ ಲೋಕತ್‍ಲ್ ಪಬ್ಬ್‌ಚಿಡ್‌ವಕಾಯಿತ್ ನಿನ್ನ ನಾನ್ ರಾಜನಾಯಿತ್ ನೇಮಿಚಿಟ್ಟಿಯೇಂದ್ ದೇವ ಐಗುಪ್ತಂಡ ರಾಜನಾನ ಫರೋಹನಂಡ ಪಕ್ಕ ಎಣ್ಣ್‌ನದಾಯಿತ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್.

ಗಲಾತ್ಯ 3:22

ಆಚೇಂಗಿ ಈ ಬೂಲೋಕ ಪಾಪತ್‍ರ ಶಕ್ತಿಕ್ ಅಡಿಮೆಯಾಯಿತುಂಡ್‍ೕಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್. ಆಂಗ್ ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ವಾಗ್ದಾನ ಮಾಡ್‍ನ ಆಶೀರ್ವಾದ ಅಂವೊಂಡ ಮೇಲೆ ನಂಬಿಕೆ ಬೆಪ್ಪಯಿಂಗಕ್ ಮಾತ್ರ ಕ್‍ಟ್ಟ್‌ವ.

ಗಲಾತ್ಯ 3:6

ಇದೇ ತರತ್‍ಲ್ ಅಬ್ರಹಾಮ ದೇವನ ನಂಬ್‍ಚಿ, ಆನಗುಂಡ್ ದೇವ ಅಂವೊನ ನೀತಿವಂತಂವೋಂದ್ ಲೆಕ್ಕ ಮಾಡ್‍ಚಿ.

2 ತಿಮೊಥೆಯ 3:16

ದೇವಡ ವಾಕ್ಯವೆಲ್ಲಾ ದೇವಡ ಆತ್ಮತ್ಂಜ ಉರ್‍ಪ್‍ನದ್; ದೇವಡ ಮನುಷ್ಯ ಯೋಗ್ಯನಾಯಿತ್, ಎಲ್ಲಾ ನಲ್ಲ ಕೆಲಸ ಮಾಡ್‌ವಕ್ ಲಾಯಕಾಯಿತ್ ಇಪ್ಪಕ್,

ಯಾಕೋಬ 2:24

ಅನ್ನನೆ ಮನುಷ್ಯ, ನಂಬಿಕೇರಗುಂಡ್ ಮಾತ್ರ ಅಲ್ಲ, ಅಂವೊ ಮಾಡ್‌ವ ಕ್ರಿಯೇನಗುಂಡು ನೀತಿವಂತಂವೊನಾಯಿತ್ ಆಪಾಂದ್ ಕಾಂಬಿರಲ್ಲ.

1 ಪೇತ್ರ 2:6

ದೇವಡ ವಾಕ್ಯತ್‍ಲ್: ನೋಟಿ, ನಾನ್ ಗೊತ್ತ್ ಮಾಡ್‍ನ ಬೆಲೆಯುಳ್ಳ ಮೂಲೆಕಲ್ಲ್‌ನ ಚೀಯೋನ್‌ ಪಟ್ಟಣತ್‍ಲ್ ಬೆಚ್ಚಿಯೆ, ಅದ್ಂಡಮೇಲೆ ನಂಬಿಕೆ ಬೆಪ್ಪಂವೊ ಞಾಣ ಆಪುಲೇಂದ್ ಎಣ್ಣಿತುಂಡ್.