ಯಾಕೋಬ 2:20 - ಕೊಡವ ಬೈಬಲ್

²⁰ ಮುಠಾಳ ಮನುಷ್ಯಂಗಳೇ, ಕ್ರಿಯೆ ಇಲ್ಲತ ನಂಬಿಕೆ ಪ್ರಯೋಜನ ಇಲ್ಲೇಂದ್ ಎಕ್ಕ ಪಡಿಪಿರ?

ಯಾಕೋಬ 2:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:11

ತಾಂಡ ಬೇಲ್‌ಲ್‌ ಕಷ್ಟಪಟ್ಟಿತ್‌ ನಯಿಪಂವೊಂಗ್‌ ಬೋಂಡಿಯಚ್ಚಕ್‌ ಆಹಾರ ಇಪ್ಪ. ಆಚೇಂಗಿ ಪ್ರಯೋಜನ ಇಲ್ಲತ ಕಾರ್ಯತ್‌ಲ್‌ ನೇರತ್‌ನ ಕಳೆಯುವಂವೊ ದಡ್ಡ.

ರೋಮ್ 1:21

ಅಯಿಂಗ ಎಲ್ಲಾರ್‌ಕು ದೇವ ದಾರ್‍ೕಂದ್ ಗೊತ್ತುಂಡೇಂಗಿಯು, ಅಯಿಂಗ ಅಂವೊಂಗ್ ಕೊಡ್‍ಪಕುಳ್ಳ ಮಹಿಮೆನ ಕೊಡ್‌ತಂಡು ಇಲ್ಲೆ, ಅಂವೊಂಗ್ ವಂದನೆ ಎಣ್ಣಿಯಂಡು ಇಲ್ಲೆ. ಆಂಡ ಬದ್‍ಲ್ ಅಯಿಂಗಡ ಗೇನಯೆಲ್ಲ ವ್ಯರ್ತವಾಯಿತುಂಡ್. ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್.

ರೋಮ್ 3:28

ಆನಗುಂಡ್, ಮನುಷ್ಯ ನ್ಯಾಯಪ್ರಮಾಣತ್‍ರ ಕ್ರಿಯೇರಗುಂಡ್ ಅಲ್ಲ, ನಂಬಿಕೇರ ಮೂಲಕವೇ ನೀತಿವಂತಂವೊನಾಪಾಂದ್ ನಂಗ ತೀರ್ಮಾನ ಮಾಡಿಯಂಡುಂಡ್.

ರೋಮ್ 9:20

ಅನ್ನನೆ ಆಚೇಂಗಿ ಮನುಷ್ಯ! ದೇವಕ್ ವಿರೋದವಾಯಿತ್ ತಕ್ಕ್ ಪರಿಯುವಕ್ ನೀನ್ ದಾರ್? ಒರ್ ವಸ್ತು, ಅದ್‍ನ ಮಾಡ್‌ನಂವೊನ ನೋಟಿತ್, ನೀನ್ ಎನ್ನಂಗ್ ನನ್ನ ಇನ್ನನೆ ಮಾಡಿಯಾಂದ್ ಕ್‍ೕಪದ್ ಸರಿಯಾ?

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:3

ಒಬ್ಬ, ಅಂವೊ ಒಂದು ಇಲ್ಲತ ಇಂಜತೇಂಗಿಯು, ಅಂವೊನ ಬಲ್ಯ ಮನುಷ್ಯಾಂದ್ ಗೇನ ಮಾಡ್‍ಚೇಂಗಿ, ಅಂವೊನ ಅಂವೊನೇ ಮೋಸ ಮಾಡ್‌ವ. ನೀನ್ ಒಂದು ಅಚ್ಚಕ್ ಬಲ್ಯ ಮನುಷ್ಯನಲ್ಲ.

ಕೊಲೊಸ್ಸೆ 2:8

ಈ ಒಂದು ಇಲ್ಲತ ವಂಚನೆ ಮಾಡ್‌ವ ಶಾಸ್ತ್ರತ್‍ರ ಮೂಲಕ ಪಿಂಞ ಈ ಲೋಕತ್‍ರ ಆತ್ಮೀಯ ಅದಿಕಾರತ್ಂಜ ದಾರೂ ನಿಂಗಳ ಚಿಕ್ಕಿಚಿಡತೆ ಇಪ್ಪಕ್, ಎಚ್ಚರತ್‍ಲ್ ಇರಿ. ಅದೆಲ್ಲಾ, ಪ್ರಯೋಜನ ಇಲ್ಲತ ವಂಚನೆ ಮಾಡ್‌ವ ಮನುಷ್ಯಂಗಡ ಪದ್ದತಿಯು, ಈ ಲೋಕತ್‍ರ ಪದ್ದತಿರ ಜ್ಞಾನವು ಅಲ್ಲತೆ ಕ್ರಿಸ್ತಂಡಿಂಜ ಬಪ್ಪ ಜ್ಞಾನ ಅಲ್ಲ.

1 ತಿಮೊಥೆಯ 1:6

ಆಚೇಂಗಿ, ಚೆನ್ನ ಜನ ಇದ್‍ಯಿಂಜ ತಪ್ಪಿ ಪೋಯಿತ್ ಅರ್ಥ ಇಲ್ಲತ ತಕ್ಕ್‌ಕ್ ಬಟ್ಟೆ ಕೊಡ್‌ತಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:10

ದುಂಬ ಜನ, ಮುಕ್ಯವಾಯಿತ್, ರಕ್ಷಣೆ ಕ್‍ಟ್ಟುವಕ್ ಸುನ್ನತಿ ಮಾಡಂಡೂಂದ್ ಎಣ್ಣಿಯಂಡುಳ್ಳ ಯೆಹೂದ್ಯಂಗ, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತ್, ಬೋಂಡತ ತಕ್ಕ್ ಪರ್ಂದಂಡ್, ಜನಳ ಮೋಸಮಾಡ್‍ವಯಿಂಗಳಾಯಿತ್ ಉಂಡ್.

ಯಾಕೋಬ 1:26

ನಿಂಗಡಲ್ಲಿ ಒಬ್ಬ ತಾಂಡ ನಾವ್‌ಕ್ ಕಡಿವಾಣ ಇಡತೆ ನಾನ್ ದೇವಡ ಮೇಲೆ ಬಕ್ತಿ ಉಳ್ಳಂವೋಂದ್ ಗೇನ ಮಾಡ್‍ಚೇಂಗಿ ಅಂವೊ ತಾಂಗ್ ತಾನೆ ಮೋಸ ಮಾಡ್‌ವ, ಅಂವೊಂಡ ಬಕ್ತಿ ಪ್ರಯೋಜನ ಇಲ್ಲತ ಬಕ್ತಿಯಾಯಿತ್‌ಪ್ಪ.

ಯಾಕೋಬ 2:17

ಅನ್ನನೆ ನಂಬಿಕೇರ ಕೂಡೆ ಕ್ರಿಯೆ ಇಲ್ಲತಪೋನಕ ಅದ್ ಚತ್ತನೆಕೆ ಆಪ.

ಯಾಕೋಬ 2:26

ಎನ್ನನೆ ಆತ್ಮ ಇಲ್ಲತ ತಡಿ ಚತ್ತನೆಕೆ ಉಂಡೋ, ಅನ್ನನೆ ಕ್ರಿಯೆ ಇಲ್ಲತ ನಂಬಿಕೆಯು ಚತ್ತನೆಕೆ ಉಂಡ್.