ಯಾಕೋಬ 2:16 - ಕೊಡವ ಬೈಬಲ್

¹⁶ ನಿಂಗಡಲ್ಲಿ ಉಳ್ಳ ಒಬ್ಬ ಅಂವೊನ ನೋಟಿತ್: ನಿಂಗ ಶಾಂತಿಲ್ ಪೋಯಿರಿ, ತಿತ್ತ್ ಕಾಂಜಿತ್ ಕೆಲ ದುಂಬ್‌ಚಿಡೀಂದ್ ಎಣ್ಣಿತ್, ಅಂವೊಂಡ ತಡಿಕ್ ಬೋಂಡಿಯಾನದ್‍ನ ಒಂದು ಕೊಡ್‍ಕತೆ ಪೋನಕ ಪ್ರಯೋಜನ ಎಂತ?

ಯಾಕೋಬ 2:16 ပူးပေါင်းရင်းမြစ်များ

ಮತ್ತಾಯ 15:32

ಪಿಂಞ ಯೇಸು, ಅಂವೊಂಡ ಶಿಷ್ಯಂಗಳ ಕಾಕುವಂಜಿ: ನಾಕ್ ಈ ಜನಳ ಕಾಂಬಕ ದುಂಬ ಬೇಜಾರಾಯಂಡುಂಡ್. ಈಂಗ ನಾಡ ಪಕ್ಕ ಮೂಂದ್ ದಿವಸತ್ಂಜ ಉಂಡ್, ಅಯಿಂಗ ಒಂದು ತಂದಿತ್‍ಲ್ಲೆ; ಒಂದು ಕೊಡ್‍ಕತೆ ಬರಿ ಕೆಲತ್‌ಲ್ ಅಯಿಂಗಳ ಅಯಿಪಕ್ ನಾಕ್ ಕುಶಿ ಇಲ್ಲೆ. ಅಯಿಂಗ ಮನೆಕ್ ಪೋಪಕ ಬಟ್ಟೇಲ್ ಸೊಯ ತಪ್ಪಿತ್ ಬುದ್ದ್ ಪೋಪಲ್ಲಾಂದ್ ಎಣ್ಣ್‌ಚಿ.

ಮತ್ತಾಯ 25:35

ಎನ್ನಂಗೆಣ್ಣ್‌ಚೇಂಗಿ, ನಾಕ್ ಕೆಲ ಪಯಿಚಿತ್‌ಪ್ಪಕ, ನಿಂಗ ನಾಕ್ ಉಂಬಕ್ ತಂದಿರ; ನಾಕ್ ಬಾಯರಿಕೆಯಾಯಿತ್‌ಪ್ಪಕ, ಕುಡಿಪಕ್ ನೀರ್ ಕೊಡ್‌ತಿರ. ನಾನ್ ನಿಂಗಕ್ ಪರಿಚಯ ಇಲ್ಲತಂವೊನಾಯಿತಿಪ್ಪಕ, ನಿಂಗಡ ಮನೆಲ್ ಸ್ವೀಕಾರ ಮಾಡಿರ.

ಮತ್ತಾಯ 25:36

ನಾಕ್ ಇಡ್‌ವಕ್ ಬಟ್ಟೆ ಇಲ್ಲತಿಪ್ಪಕ, ನಾಕ್ ಬಟ್ಟೆ ತಂದಿರ. ನಾಕ್ ಕಾಯಿಲೆ ಇಪ್ಪಕ, ನಿಂಗ ನನ್ನ ಆರೈಕೆ ಮಾಡಿರ, ನಾನ್ ಜೈಲ್‍ಲ್ ಇಪ್ಪಕ ನನ್ನ ನೋಟ್‍ವಕ್ ಬಂದೀರಾಂದ್ ರಾಜ ಎಣ್ಣುವ.

ಮಾರ್ಕ 5:34

ಯೇಸು ತಿರಿತ್ ಅವಳ ನೋಟಿತ್: ನಾಡ ಮೋಳೆ, ದೈರ್ಯ ಎಡ್‌ತ, ನೀಡ ನಂಬಿಕೆ ನಿನ್ನ ವಾಸಿ ಮಾಡ್‍ಚಿ. ನೀನ್ ಶಾಂತಿಲ್ ಪೋಯಿತ್, ಪೂರ್ತಿ ವಾಸಿಯಾಯಿತ್ ಕುಶೀಲ್ ಪೋಂದ್ ಯೇಸು ಎಣ್ಣ್‌ಚಿ.

ರೋಮ್ 12:9

ನಿಂಗಡ ಪ್ರೀತಿ ಕಪಟ ಇ‍ಲ್ಲತದಾಯಿತ್ ಇರಡ್, ಕೆಟ್ಟದ್‍ನ ದ್ವೇಶ ಮಾಡಿತ್, ನಲ್ಲದ್‍ನ ಪುಡ್‍ಚೊಳಿ.

2 ಕೊರಿಂಥ 8:8

ನಾನ್ ಇದ್‍ನ ಆಜ್ಞೆಯಾಯಿತ್ ಎಣ್ಣತೆ, ಬೋರೆಯಿಂಗಡ ಜಾಗ್ರತೆನ ಎಣ್ಣಿತ್, ನಿಂಗ ಪ್ರೀತಿಲ್ ಸತ್ಯವಂತಯಿಂಗಳಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಇನ್ನನೆ ಎಣ್ಣಿಯಂಡುಂಡ್.