ಯಾಕೋಬ 2:14 - ಕೊಡವ ಬೈಬಲ್

¹⁴ ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ದೇವಡ ಮೇಲೆ ನಂಬಿಕೆ ಉಂಡ್‍ೕಂದ್ ಎಣ್ಣ್‌ಚೇಂಗಿಯು, ಆ ನಂಬಿಕೇರ ಪ್ರಕಾರ ಕ್ರಿಯೆ ಇಲ್ಲತೆ ಪೋನಕ ನಿಂಗಕ್ ಎಂತ ಪ್ರಯೋಜನ? ಆ ನಂಬಿಕೆ ನಿನ್ನ ರಕ್ಷಣೆ ಮಾಡ್‌ವಕ್ ಕಯ್ಯುವ?

ಯಾಕೋಬ 2:14 ပူးပေါင်းရင်းမြစ်များ

ಮತ್ತಾಯ 5:20

ನಾನ್ ನಿಂಗಕ್ ಎಣ್ಣ್‌ವಿ: ನಿಂಗಡ ನೀತಿ ಫರಿಸಾಯಂಗಡ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ನೀತಿಗಿಂಜ ಬಲ್ಯದಾಯಿತ್ ಇಲ್ಲತೆಪೋಚೇಂಗಿ ನೇರಾಯಿತು ನಿಂಗ ಪರಲೋಕ ರಾಜ್ಯತ್‍ಲ್ ಪ್ರವೇಶ ಮಾಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:11

ಅಯಿಂಗಕ್ ಅಂವೊ: ದಾರ್‌ಕ್ ದಂಡ್ ಬಟ್ಟೆ ಉಂಡೋ ಅಯಿಂಗ ಇಲ್ಲತಂವೊಂಗ್ ಒಂದ್ ಕೊಡುಕಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:49

ನಾಡ ತಕ್ಕ್ ಕ್‍ೕಟಿತ್ ಅದ್ಂಡ ಪ್ರಕಾರ ಮಾಡತಂವೊ, ಮಣತ್‌ರ ಮೇಲೆ ಅಡಿಪಾಯಿ ಇಟ್ಟಿತ್ ಮನೆ ಕೆಟ್ಟ್‌ವಂವೊಂಡನೆಕೆ ಇಪ್ಪ. ನೀರ್ ಉಕ್ಕಿ ಬಂದಿತ್ ಮುಟ್ಟ್‌ವಕ ಆ ಮನೆ ಬುದ್ದಿತ್ ಪೋಪ. ಬುದ್ದಿತ್, ಎಲ್ಲಾ ಪಾಳಾಯಿ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 15:9

ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ಅಪೊಸ್ತಲ 8:13

ಅಕ್ಕ ಸೀಮೋನ ಸಹ, ನಂಬಿತ್, ದೀಕ್ಷಾಸ್ನಾನ ಎಡ್‍ತತ್. ಪಿಂಞ ಫಿಲಿಪ್ಪಂಡ ಕೂಡೆ ಎಕ್ಕಾಲು ಇಂಜಂಡ್, ಫಿಲಿಪ್ಪ ಮಾಡ್‍ನ ಬಲ್ಯ ಗುರ್‌ತ್ ಪಿಂಞ ಅದ್ಬುತ ಕಾರ್ಯತ್‍ನೆಲ್ಲ ಕಂಡಿತ್, ಆಶ್ಚರ್ಯ ಪಟ್ಟತ್.

ಅಪೊಸ್ತಲ 8:21

ನೀಡ ಹೃದಯ ದೇವಡ ಮಿಂಞತ್ ನೇರಾಯಿತ್ ಇಲ್ಲತಗುಂಡ್ ನೀಕ್ ಈ ಸೇವೇಲ್ ಏದ್ ಒರ್ ಪಾಲೂ ಇಲ್ಲೆ ಬಾಗವು ಇಲ್ಲೆ.

ರೋಮ್ 2:25

ನಿಂಗ ನ್ಯಾಯಪ್ರಮಾಣ ಎಣ್ಣುವನೆಕೆ ನಡ್ಂದತೇಂಗಿ, ಸುನ್ನತಿ ಮಾಡ್‍ನದ್ ಪ್ರಯೋಜನವಾಪ. ನಿಂಗ ನ್ಯಾಯಪ್ರಮಾಣತ್‍ನ ಮೀರಿತ್ ನಡ್ಂದತೇಂಗಿ, ನಿಂಗಕ್ ಮಾಡ್‍ನ ಸುನ್ನತಿ, ಮಾಡತನೆಕೆ ಆಯಿಪೋಪ.

1 ಕೊರಿಂಥ 15:2

ಈ ಬೋದನೆರನೆಕೆ ಮಾಡ್‍ಚೇಂಗಿ ದೇವ ನಿಂಗಳ ನಿಂಗಡ ಪಾಪತ್ಂಜ ಕಾಪಾಡ್‌ವ; ಇಲ್ಲತಪೋಚೇಂಗಿ ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಪ್ರಯೋಜನ ಇಲ್ಲತ ಆಯಿಪೋಪ.

1 ಕೊರಿಂಥ 16:22

ಒಬ್ಬ, ಒಡೆಯನ ಪ್ರೀತಿ ಮಾಡತೆ ಪೋಚೇಂಗಿ ಅಂವೊಂಡ ಮೇಲೆ ಶಾಪ ಬರಡ್. ಓ ನಂಗಡ ಒಡೆಯನೇ ಬಾ.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:16

ಅಯಿಂಗ ದೇವನ ಗೊತ್ತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗ ಮಾಡ್‌ವ ಕ್ರಿಯೆ ಅಯಿಂಗಕ್ ದೇವ ಗೊತ್ತ್‌ಲ್ಲೇಂದ್ ಕಾಟಿತಪ್ಪ. ಅಯಿಂಗ, ಜನ ದ್ವೇಶ ಮಾಡ್‌ವಯಿಂಗಳಾಯಿತು, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತು ಉಂಡ್. ಆನಗುಂಡ್ ಅಯಿಂಗ ಏದ್ ನಲ್ಲ ಕ್ರಿಯೆ ಮಾಡ್‌ವಕು ಯೋಗ್ಯತೆ ಇಲ್ಲತಯಿಂಗಳಾಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

ಇಬ್ರಿಯ 11:17

ನಂಬಿಕೇರ ಮೂಲಕ, ಅಬ್ರಹಾಮ ದೇವ ಅಂವೊನ ಪರೀಕ್ಷೆ ಮಾಡ್‌ವಕ, ಇಸಾಕನ ಬಲಿಯಾಯಿತ್ ಅರ್ಪಿಚಿಟ್ಟತ್. ದಾಡ ವಿಷಯತ್ ವಾಗ್ದಾನ ಕ್‍ಟ್ಟ್‌ಚೋ, ಅಂವೊ ತಾಂಡ ಒರೇ ಮೋಂವೊನಾಯಿತ್ಂಜತೇಂಗಿಯು ಅರ್ಪಣೆ ಮಾಡ್‍ಚಿ.

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.

ಯಾಕೋಬ 1:16

ನಾಡ ಅಣ್ಣತಮ್ಮಣಂಗಳೇ, ನಿಂಗ ಮೋಸ ಪೋಕತಿ.

ಯಾಕೋಬ 2:16

ನಿಂಗಡಲ್ಲಿ ಉಳ್ಳ ಒಬ್ಬ ಅಂವೊನ ನೋಟಿತ್: ನಿಂಗ ಶಾಂತಿಲ್ ಪೋಯಿರಿ, ತಿತ್ತ್ ಕಾಂಜಿತ್ ಕೆಲ ದುಂಬ್‌ಚಿಡೀಂದ್ ಎಣ್ಣಿತ್, ಅಂವೊಂಡ ತಡಿಕ್ ಬೋಂಡಿಯಾನದ್‍ನ ಒಂದು ಕೊಡ್‍ಕತೆ ಪೋನಕ ಪ್ರಯೋಜನ ಎಂತ?

ಯಾಕೋಬ 2:18

ದಾರೇಂಗಿಯು ಒಬ್ಬ: ನೀಕ್ ನಂಬಿಕೆ ಉಂಡ್, ನಾಕ್ ಕ್ರಿಯೆ ಉಂಡ್; ನೀಕ್ ನಂಬಿಕೆ ಉಂಡ್‍ೕಂದ್ ಎಣ್ಣುವಿಯಲ್ಲ ಅದ್‍ನ ನಾಕ್ ಕ್ರಿಯೆ ಇಲ್ಲತೆ ಕಾಟಿತಾ, ನಾನ್ ನಾಡ ನಂಬಿಕೇನ ನಾನ್ ಮಾಡ್‌ವ ಕ್ರಿಯೇಲ್ ಕಾಟಿತಪ್ಪೀಂದ್ ಎಣ್ಣುವಲ್ಲ.

ಯಾಕೋಬ 2:26

ಎನ್ನನೆ ಆತ್ಮ ಇಲ್ಲತ ತಡಿ ಚತ್ತನೆಕೆ ಉಂಡೋ, ಅನ್ನನೆ ಕ್ರಿಯೆ ಇಲ್ಲತ ನಂಬಿಕೆಯು ಚತ್ತನೆಕೆ ಉಂಡ್.

2 ಪೇತ್ರ 1:5

ಈ ಕಾರಣಕಾಯಿತ್, ನಿಂಗ ದುಂಬ ಜಾಗ್ರತೆಲ್, ನಿಂಗಡ ನಂಬಿಕೇರ ಕೂಡೆ ದುಂಬ ನಲ್ಲ ಗುಣತ್‍ನ, ನಲ್ಲ ಗುಣತ್‍ರ ಕೂಡೆ ದೈರ್ಯತ್‍ನ, ದೈರ್ಯತ್‍ರ ಕೂಡೆ ಜ್ಞಾನತ್‍ನ,