ಯಾಕೋಬ 2:13 - ಕೊಡವ ಬೈಬಲ್

¹³ ಈ ಲೋಕತ್‍ಲ್ ಜನಕ್ ಕರುಣೆ ಕಾಟತಯಿಂಗಕ್, ದೇವ ತೀರ್ಪ್ ತಪ್ಪ ದಿವಸತ್‍ಲ್, ಅಂವೊ ಕರುಣೆ ಕಾಟುಲೆ; ಆಚೇಂಗಿ, ನಿಂಗ ಕರುಣೆಯುಳ್ಳಯಿಂಗಳಾಯಿತ್ ಇಂಜತೇಂಗಿ, ದೇವ ನಿಂಗಳ ತೀರ್ಪ್ ಮಾಡ್‌ವ ದಿವಸತ್‍ಲ್ ನಿಂಗಕ್ ಕರುಣೆಯುಳ್ಳಂವೊನಾಯಿತಿಪ್ಪಾಂದ್ ನಿಂಗಕ್ ಗೊತ್ತಿರಂಡು.

ಯಾಕೋಬ 2:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 42:21

ಅಕ್ಕ ಅಯಿಂಗ: ನಂಗ ಯೋಸೇಫಂಗ್‌ ಅನ್ಯಾಯ ಮಾಡ್‌ನಂಗ್‌ ನಂಗಕ್‌ ಇನ್ನನೆ ಆಯಂಡುಂಡ್. ಅಂವೊ ಕರುಣೆ ಕಾಟೀಂದ್‌ ನಂಗಳ ಬೋಡ್‌ವಕ, ಅಂವೊಂಡ ಮನಸ್ಸ್‌ರ ನೊಂಬಲತ್‌ನ ನಂಗ ಕಂಡಿತು, ಅಂವೊಂಡ ತಕ್ಕ್‌ಕ್‌ ಕೆಮಿ ಕೊಡ್‌ಕತೆ ಪೋಚಲ್ಲಾ. ಅದ್‌ಂಗೇ ಇಕ್ಕ ನಂಗ ಈ ಅಪಾಯತ್‌ಲ್‌ ಉಂಡ್‍ೕಂದ್‌ ಅಯಿಂಗಯಿಂಗಳೇ ತಕ್ಕ್‌ ಪರ್ಂದತ್.

ಜ್ಞಾನತ್‌ರ ಪಡಿಮ 21:13

ಗರೀಬ ಕೂತ್‌ಡ್‌ವಕ ಕೆಮಿ ಕೊಡ್‌ಕತೆ ಪೋಚೇಂಗಿ, ತಾನ್‌ ಜೋರಾಯಿತ್‌ ಕೂತ್‌ಡುವಕ ದಾರು ಜವಾಬ್ ಕೊಡ್‌ಪ್‌ಲೆ.

ಜ್ಞಾನತ್‌ರ ಪಡಿಮ 22:16

ತಾನ್‌ ಅಬಿವೃದ್ದಿ ಆಂಡೂಂದ್‌ ಗರೀಬನ ಹಿಂಸೆಪಡ್‌ತವಂವೊನು, ಐಶ್ವರ್ಯವಂತಂವೊಂಗ್‌ ಇನಾಮ್‌ ಕೊಡ್‌ಪ ದಂಡಾಳು ಗರೀಬನಾಪ.

ಮತ್ತಾಯ 5:7

ಕನಿಕರ ಕಾಟ್‍ವಯಿಂಗ ಆಶೀರ್ವಾದ ಪಡ್ಂದಯಿಂಗ; ಅಯಿಂಗಕ್ ಕನಿಕರ ಕ್‍ಟ್ಟುವ.

ಮತ್ತಾಯ 6:15

ಆಚೇಂಗಿ ಬೋರೆಯಿಂಗ ಮಾಡ್‍ನ ಪಾಪತ್‍ನ ಮನ್ನಿಚಿಡತ ಪೋನಕ ನಿಂಗಡ ಪಾಪತ್‍ನ ಸಹ ದೇವ ಮನ್ನಿಚಿಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:25

ಅಕ್ಕ ಅಬ್ರಹಾಮ: ಮೋಂವೊನೇ, ನೀಕ್ ಬೋಂಡಿಯಾನ ಸುಕತ್‌ನ ನೀಡ ಜೀವಮಾನತ್‌ಲೆ ಅನುಬವಿಚಿಟ್ಟಿತ್ತುಳ್ಳಿಯ. ಅಕ್ಕ ಲಾಜರ ಕಷ್ಟಪಟ್ಟಂಡಿಂಜದ್‍ನ ನೀಕ್ ಗೇನ ಇಲ್ಲೆಯಾ? ಇಕ್ಕ ಲಾಜರಂಗ್ ಸುಕ, ನೀಕ್ ಕಷ್ಟ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:37

ನಿಂಗ ದಾರ್‌ನು ತೀರ್ಪ್ ಮಾಡತಿ, ಅಕ್ಕ ದೇವ ನಿಂಗಳ ಸಹ ತೀರ್ಪ್ ಮಾಡುಲೆ; ನಿಂಗ ದಾರ್‌ನು ಕಂಡನೆ ಮಾಡತಿ, ಅಕ್ಕ ದೇವ ನಿಂಗಳ ಸಹ ಕಂಡನೆ ಮಾಡುಲೆ; ಮನ್ನಿಚಿಡಿ, ಅಕ್ಕ ದೇವ ನಿಂಗಳ ಮನ್ನಿಚಿಡುವ.

ಯಾಕೋಬ 3:17

ಆಚೇಂಗಿ ಪರಲೋಕತ್ಂಜ ಬಪ್ಪ ಜ್ಞಾನ, ಆದ್ಯವಾಯಿತ್, ನಂಗಳ ಶುದ್ದ ಮಾಡ್‌ವ, ಅದ್ ಸಮಾದಾನ ಉಳ್ಳದಾಯಿತು ಅಡಕ ಉಳ್ಳದಾಯಿತು ಕುಶಿ ಉಳ್ಳದಾಯಿತು ಇಪ್ಪ. ಅದ್‍ಲ್ ಕರುಣೆ ಪಿಂಞ ನಲ್ಲ ಫಲ ದುಂಬಿತ್, ಎಲ್ಲಾ ಮನುಷ್ಯಂಗಕು ಒರೇ ತರ ಮರ್ಯಾದೆ ಮಾಡಿತ್, ಕಪಟ ಇಲ್ಲತ ಶುದ್ದ ನಂಬಿಕೆ ಉಳ್ಳದಾಯಿತಿಪ್ಪ.

ಯಾಕೋಬ 5:4

ನಿಂಗಡ ಬೇಲ್‌ಲ್ ಕೆಲಸ ಮಾಡ್‍ನ ಆಳುವಡ ಸಂಬಳತ್‌ನ ಅನ್ಯಾಯವಾಯಿತ್ ನಿಂಗಳೇ ಬೆಚ್ಚಿತುಳ್ಳಗುಂಡ್ ಆ ಪಣ ನಿಂಗಕ್ ವಿರೋದವಾಯಿತ್ ಜೋರಾಯಿತ್ ಮೊರಟಂಡುಂಡ್; ಕೆಲಸ ಮಾಡ್‍ನಯಿಂಗಡ ಮೊರೆ ಪರಲೋಕತ್‍ರ ಸೇನೆಯಡ ಒಡೆಯಂಡ ಕೆಮಿಕ್ ಕ್‍ೕಟ್‍ಚಿ.