ಯಾಕೋಬ 1:5 - ಕೊಡವ ಬೈಬಲ್

⁵ ದೇವ ಎಣ್ಣ್‌ನನೆಕೆ ನಿಂಗ ನಡ್‍ಕಂಡೂಂದ್ ಉಳ್ಳ ಜ್ಞಾನ ಬೋಂಡ್‌ಚೇಂಗಿ, ಅಂವೊಂಡ ಪಕ್ಕ ಕ್‍ೕಳಿ. ಅಕ್ಕ, ಅಂವೊ ನಿಂಗಳ ಜೋರ್ ಮಾಡುಲೆ, ಉದಾರ ಮನಸ್ಸ್‌ಲ್ ನಿಂಗಕ್ ಜ್ಞಾನತ್‍ನ ತಪ್ಪ.

ಯಾಕೋಬ 1:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 8:17

ನನ್ನ ಪ್ರೀತಿಚಿಡುವಯಿಂಗಳ ನಾನ್‌ ಪ್ರೀತಿಚಿಡುವಿ. ನನ್ನ ನೇರಾಯಿತು ತ್‍ೕಡ್‌ವಯಿಂಗ ನನ್ನ ಕಂಡಿತವಾಯಿತ್‌ ಕಂಡ್‌ಪುಡಿಪ.

ಮತ್ತಾಯ 11:20

ಯೇಸು ವಾಸ ಮಾಡಿಯಂಡಿಂಜ ಪಟ್ಟಣತ್‍ರ ಜನ ಅಂವೊ ಮಾಡ್‍ನ ದುಂಬ ಅದ್ಬುತ ಕಾರ್ಯತ್‍ನ ಕಂಡತೇಂಗಿಯು, ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ಬಂದಿತ್‌ಲ್ಲೆ. ಆನಗುಂಡ್ ಯೇಸು ಆ ಜನಕ್ ಗದರಿಚಿಟ್ಟತ್.

ಮಾರ್ಕ 16:14

ಕಡೇಕ್ ಅಂವೊಂಡ ಪನ್ನಂದ್ ಶಿಷ್ಯಂಗ ಉಂಬಕ್ ಅಳ್‌ತಂಡಿಪ್ಪಕ ಯೇಸು ಪ್ರತ್ಯಕ್ಷವಾಚಿ. ಚಾವ್‍ಯಿಂಜ ಜೀವವಾಯಿತ್ ಎದ್ದ ನನ್ನ ಕಂಡಯಿಂಗ ನಿಂಗಕ್ ಬಂದಿತ್ ಎಣ್ಣುವಕಾಪಕ ನಿಂಗ ಅದ್‍ನ ನಂಬುವಕಿಂಜಿಲೆ. ಅಯಿಂಗಕ್ ನಂಬಿಕೆ ಬರತೆಗುಂಡ್ ಪಿಂಞ ಅಯಿಂಗಡ ಹೃದಯ ಅಚ್ಚಕ್ ಕಠಿಣ ಆಯಿತ್ಂಜಗುಂಡ್ ಯೇಸು ಅಯಿಂಗಳ ಜೋರ್ ಮಾಡ್‍ಚಿ.

ಯೋಹಾನ 14:13

ನಿಂಗ ನಾಡ ಪೆದತ್‍ಲ್ ಏದೆಲ್ಲಾ ಕ್‍ೕಪಿರೋ, ಅದ್‍ನ ನಾನ್ ಮಾಡ್‌ವಿ. ಅನ್ನನೆ ನಾಡ ಮೂಲಕ ಅಪ್ಪಂಗ್ ಮಹಿಮೆ ಕ್‍ಟ್ಟುವ.

ಯೋಹಾನ 15:7

ನಿಂಗ ನಾಡಲ್ಲಿಯು, ನಾಡ ವಾಕ್ಯ ನಿಂಗಡಲ್ಲಿಯು ಸ್ತಿರವಾಯಿತ್ಂಜತೇಂಗಿ, ನಿಂಗ ಎಂತ ಬೋಡ್‍ವಿರ, ಅದ್ ನಿಂಗಕ್ ಕ್‍ಟ್ಟ್‌ವ.

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

2 ಕೊರಿಂಥ 2:16

ನಂಗ ಪಾಳಾಯಿ ಪೋಪಯಿಂಗಡ ಮದ್ಯತ್‍ಲ್ ಚಾವ್‍ರ ವಾಸನೆಯಾಯಿತು, ರಕ್ಷಣೆ ಕ್‍ಟ್ಟ್‌ವಯಿಂಗಡ ಮದ್ಯತ್‍ಲ್ ಜೀವತ್‍ರ ಸುಗಂದ ವಾಸನೆಯಾಯಿತು ಉಂಡ್. ಇನ್ನನೆ ಮಾಡ್‌ವಕ್ ಯೋಗ್ಯನಾಯಿತುಳ್ಳಂವೊ ದಾರ್?

ಯಾಕೋಬ 1:17

ಎಲ್ಲಾ ನಲ್ಲದು ಪಿಂಞ ಪೂರ್ತಿಯಾಯಿತುಳ್ಳ ಏದ್ ಇನಾಮು ಬಾನತ್‌ರ ಬೊಳಿನ ಸೃಷ್ಟಿ ಮಾಡ್‌ನ, ಪರಲೋಕತ್‌ಲ್‌ ಉಳ್ಳ ಅಪ್ಪನಾನ ದೇವಡಯಿಂಜ ಇಳಿಂಜಿ ಬಂದಂಡುಂಡ್. ನಳ ಅಪ್ಪರ ಇಪ್ಪರ ಪೋಪನೆಕೆ ಅಂವೊ ಬದ್‍ಲಾಪುಲೆ.

ಯಾಕೋಬ 3:17

ಆಚೇಂಗಿ ಪರಲೋಕತ್ಂಜ ಬಪ್ಪ ಜ್ಞಾನ, ಆದ್ಯವಾಯಿತ್, ನಂಗಳ ಶುದ್ದ ಮಾಡ್‌ವ, ಅದ್ ಸಮಾದಾನ ಉಳ್ಳದಾಯಿತು ಅಡಕ ಉಳ್ಳದಾಯಿತು ಕುಶಿ ಉಳ್ಳದಾಯಿತು ಇಪ್ಪ. ಅದ್‍ಲ್ ಕರುಣೆ ಪಿಂಞ ನಲ್ಲ ಫಲ ದುಂಬಿತ್, ಎಲ್ಲಾ ಮನುಷ್ಯಂಗಕು ಒರೇ ತರ ಮರ್ಯಾದೆ ಮಾಡಿತ್, ಕಪಟ ಇಲ್ಲತ ಶುದ್ದ ನಂಬಿಕೆ ಉಳ್ಳದಾಯಿತಿಪ್ಪ.

ಯಾಕೋಬ 5:16

ಆನಗುಂಡ್ ನಿಂಗಡ ಕಾಯಿಲೆ ವಾಸಿ ಆಪನೆಕೆ ನಿಂಗಡ ಪಾಪತ್‍ನ ಒಬ್ಬಂಗೊಬ್ಬ ಅರಿಕೆ ಮಾಡಿತ್, ಒಬ್ಬಂಗೊಬ್ಬ ಪ್ರಾರ್ಥನೆ ಮಾಡಂಡು. ನೀತಿವಂತಂವೊ ಮಾಡ್‌ವ ನಂಬಿಕೇರ ಪ್ರಾರ್ಥನೆ ದುಂಬ ಶಕ್ತಿ ಉಳ್ಳದಾಯಿತಿಪ್ಪ.

1 ಯೋಹಾನ 3:22

ನಂಗ ದೇವಡ ಆಜ್ಞೆರ ಪ್ರಕಾರ ನಡ್‌ಂದಿತ್, ದೇವಕ್ ಕುಶಿಯಾನ ಕೆಲಸತ್‍ನ ಮಾಡ್‌ವಗುಂಡ್ ದೇವಡ ಪಕ್ಕ ಎಂತ ಬೋಡ್‍ಚೇಂಗಿಯು, ದೇವ ಅದ್‍ನ ನಂಗಕ್ ತಪ್ಪ.