ಯಾಕೋಬ 1:19 - ಕೊಡವ ಬೈಬಲ್

¹⁹ ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.

ಯಾಕೋಬ 1:19 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:19

ದುಂಬ ತಕ್ಕ್‌ ಪರಿಯುವಂವೊ ಪಾಪಕ್‌ ಚಿಕ್ಕಿಪೋಪ. ಆಚೇಂಗಿ ತಾಂಡ ಬಾಯಿನ ಅಡಕ್‌ವಂವೊ ಬುದ್ದಿವಂತಂವೊ.

ಜ್ಞಾನತ್‌ರ ಪಡಿಮ 13:3

ತಾಂಡ ಬಾಯಿನ ಕಾಪಂವೊ ತಾಂಡ ಜೀವತ್‌ನ ಕಾಪಾಡಿಯೊವ. ಆಚೇಂಗಿ ಎಚ್ಚರ ಇಲ್ಲತೆ ತಕ್ಕ್‌ ಪರಿಯುವಂವೊ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 14:17

ಮುಂಜೆಡಿ ಉಳ್ಳಂವೊ ದಡ್ಡ ಕಾರ್ಯತ್‌ನ ಮಾಡುವ. ಕ್‍ೕಡ್‌ನ ಗೇನ ಮಾಡ್‌ವಂವೊನ ದ್ವೇಷ ಮಾಡುವ.

ಜ್ಞಾನತ್‌ರ ಪಡಿಮ 14:29

ದುಂಬ ತಾಳ್ಮೆ ಉಳ್ಳಂವೊ ಬಲ್ಯ ಬುದ್ದಿವಂತ. ಮುಂಜೆಡಿ ಉಳ್ಳಂವೊ ತಾನ್‌ ಮೂಡ ಎಣ್ಣಿಯಂಡ್‌ ಕಾಟಿಯೊವ.

ಜ್ಞಾನತ್‌ರ ಪಡಿಮ 15:18

ಮುಂಜೆಡಿ ಉಳ್ಳಂವೊ ಜಗಳತ್‌ನ ಸುರುಮಾಡುವ, ಆಚೇಂಗಿ ದುಂಬ ತಾಳ್ಮೆಯುಳ್ಳಂವೊ ಜಗಳತ್‌ನ ಶಾಂತಪಡ್‌ತುವ.

ಜ್ಞಾನತ್‌ರ ಪಡಿಮ 15:2

ಜ್ಞಾನಿಯಡ ನಾವ್‌ ಅರಿವುನ ಉಪಯೋಗಿಚಿಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನೇ ಕಕ್ಕುವ.

ಜ್ಞಾನತ್‌ರ ಪಡಿಮ 16:32

ಶಕ್ತಿವಂತಂವೊಕಿಂಜಿ ಬಲ್ಯ ತಾಳ್ಮೆ ಉಳ್ಳಂವೊ ಮೇಲಾನಂವೊ. ಒರ್‌ ಪಟ್ಟಣತ್‌ನ ಗೆಲ್ಲ್‌ವಂವೊಕಿಂಜಿ ತಾಂಡ ಚೆಡಿನ ಅಡ್‌ಕ್‌ವಂವೊ ಮೇಲಾನಂವೊ.

ಜ್ಞಾನತ್‌ರ ಪಡಿಮ 17:14

ವಿವಾದತ್‌ನ ಸುರುಮಾಡ್‌ವದ್‌ ನೀರ್‌ಕಟ್ಟೆನ ತೊರ್‌ಂದನೆಕೆ. ಆನಗುಂಡ್‌ ಅದ್‌ ಬಲ್ಯದಾಪಕ್‌ ಮಿಂಞಲೇ ನಿಪ್ಪ್‌ಚಿಡ್.

ಜ್ಞಾನತ್‌ರ ಪಡಿಮ 17:27

ಬುದ್ದಿವುಳ್ಳಂವೊ ತಾಂಡ ಬಾಯಿನ ಅಡಕ್‌ವ. ವಿವೇಕ ಉಳ್ಳಂವೊ ಶಾಂತ ಮನಸ್ಸ್‌ ಉಳ್ಳಂವೊ.

ಜ್ಞಾನತ್‌ರ ಪಡಿಮ 18:13

ವಿಷಯತ್‌ನ ಕ್‍ೕಪಕ್‌ ಮಿಂಞ ಜವಾಬ್ ಕೊಡ್‌ಪಂವೊಂಗ್, ಅದ್‌ ದಡ್ಡತನವು, ಞಾಣ ಕ್‍ೕಡು ಆಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 18:21

ಚಾವು ಬದ್‌ಕು ನಾವ್‌ರ ಅದಿಕಾರತ್‌ಲ್‌ ಉಂಡ್. ಅದ್‌ನ ಕುಶಿಪಡುವಯಿಂಗ ಅದ್‌ಂಡ ಫಲತ್‌ನ ಅನುಬವಿಚಿಡುವ.

ಜ್ಞಾನತ್‌ರ ಪಡಿಮ 19:11

ಮನುಷ್ಯಂಡ ವಿವೇಕ ಅಂವೊಂಡ ಚೆಡಿನ ಅಡಕುವ. ಕುತ್ತತ್‌ನ ಮನ್ನಿಚಿಡ್‌ವದ್‌ ಅಂವೊಂಗ್‌ ಕೀರ್ತಿ.

ಜ್ಞಾನತ್‌ರ ಪಡಿಮ 19:19

ಮುಂಜೆಡಿ ಉಳ್ಳಂವೊ ದಂಡನೆನ ಅನುಬವಿಚಿಡಂಡು. ಒಮ್ಮ ನೀನ್‌ ಅಂವೊನ ತಪ್ಪುಚಿಡುವಕ್‌ ಮಾಡ್‌ಚೇಂಗಿ, ಪ್ರತಿಕುರಿಯು ನೀನ್‌ ಅನ್ನನೆ ಮಾಡ್‌ವನೆಕೆ ಆಪ.

ಜ್ಞಾನತ್‌ರ ಪಡಿಮ 21:23

ತಾಂಡ ಬಾಯಿನ ಪಿಂಞ ನಾವ್‌ನ ಕಾಪಂವೊ, ನಾಶತಿಂಜೆಲ್ಲ ಅಂವೊನ ಕಾಪಾಡಿಯೊವ.

ಜ್ಞಾನತ್‌ರ ಪಡಿಮ 25:28

ತಾಂಡ ಆತ್ಮತ್‌ನ ಅಡಕ್‌ವಕ್‌ ಕಯ್ಯತ ಮನುಷ್ಯ ಗೋಡೆ ಬುದ್ದಿತ್‌ ಪಾಳಾನ ಪಟ್ಟಣತ್‌ರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 29:20

ದುಡ್‌ಕಿತ್‌ ತಕ್ಕ್‌ ಪರಿಯುವಂವೊನ ನೀನ್‌ ಕಂಡಿತುಳ್ಳಿಯ? ಅನ್ನನೆ ಉಳ್ಳ ಮನುಷ್ಯಕಿಂಜಿ ಮೂಡಂಡ ಮೇಲೆ ನಂಬಿಕೆ ಇಡಲು.

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಮಾರ್ಕ 12:37

ದಾವೀದ ತಾನೇ ಅಂವೊನ ಒಡೆಯಾಂದ್ ಕಾಕ್‍ವಕ, ಅಂವೊಂಗ್ ಅಂವೊ ಮೋಂವೊನಾಯಿತ್‌ಪ್ಪದ್ ಎನ್ನನೇಂದ್ ಕ್‍ೕಟತ್. ಯೇಸುರ ಬೋದನೆನ ಜನ ಬಾರಿ ಕುಶೀಲ್ ಕ್‍ೕಟಂಡ್ ಇಂಜತ್.

ಮಾರ್ಕ 2:2

ಅಂವೊಂಡ ಮನೆಕ್ ದುಂಬ ಜನ ಬಂದಿತ್ ಕೂಡ್‍ಚಿ. ಮನೆರ ಒಳ್‍ಲ್, ಬಾಯಿಕಂಡಿಲ್ ಜನ ದುಂಬ್‌ನಗುಂಡ್ ಪೊರಮೆ ಕಂಡಿಲ್ ಸಹ ಜಾಗ ಇಲ್ಲತಾಚಿ. ಯೇಸು ಅಯಿಂಗಕ್ ದೇವಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:1

ಒರ್ ದಿವಸ ಯೇಸುರ ಉಪದೇಶತ್‍ನ ಕ್‍ೕಪಕಾಯಿತ್ ಚೆನ್ನ ಕಂದಾಯ ಎಡ್‌ಪಯಿಂಗಳು, ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಳು ಬಂದಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:48

ಜನ ಎಲ್ಲ ಅಂವೊಂಡ ಒರ್ ಬೋದನೆನ ಸಹ ಬುಡತೆ ಚಾಯಿತೆ ಕ್‍ೕಟಂಡ್ ಇಂಜಗುಂಡ್ ಅಯಿಂಗಕ್ ಎನ್ನನೆ ಮಾಡಂಡೂಂದ್ ಗೊತ್ತ್‌ಂಜಿತ್‌ಲ್ಲೆ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 10:33

ಅನ್ನನೆ ತಡೆಮಾಡತೆ ನಾನ್ ನೀಡ ಪಕ್ಕ ಅಯಿಚಿಯೆ. ನೀನ್ ಬಪ್ಪಕ್ ಮನಸ್ಸ್ ಮಾಡ್‍ನದ್ ನಲ್ಲದಾಚಿ. ಇನ್ನನೆ ಇಪ್ಪಕ, ನಂಗಕ್ ಎಂತ ಎಣ್ಣಂಡೂಂದ್ ಒಡೆಯ ನೀಕ್ ಅಪ್ಪಣೆ ತಂದತೋ ಅದ್‍ನೆಲ್ಲಾನ ಕ್‍ೕಪಕಾಯಿತ್ ಇಲ್ಲಿ ದೇವಡ ಪ್ರಸನ್ನತ್‌ಲ್ ನಂಗೆಲ್ಲಾ ಕೂಡಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 13:48

ಅಲ್ಲಿಂಜ ಯೆಹೂದ್ಯಂಗಲ್ಲತೆ ಬೋರೆ ಬೋರೆ ಜನ ಈ ಬೋದನೆನ ಕ್‍ೕಟಿತ್ ಕುಶಿಪಟ್ಟಿತ್, ಒಡೆಯಂಡ ವಾಕ್ಯತ್‍ನ ಕೊಂಡಾಡ್‍ಚಿ. ನಿತ್ಯ ಜೀವಕಾಯಿತ್ ದೇವ ಗೊತ್ತ್ ಮಾಡ್‍ನ ಎಲ್ಲಾರು ಯೇಸುನ ನಂಬ್‍ಚಿ.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ಅಪೊಸ್ತಲ 2:42

ಈಂಗ ಅಪೊಸ್ತಲಂಗಡ ಬೋದನೆನ ಕ್‍ೕಪಕ್ ಅರ್ಪಿಚಿಟ್ಟಯಿಂಗಳಾಯಿತ್, ಐಕ್ಯತ್‍ಲ್, ಒಟ್ಟಿ ಪೊಳಿಪದ್‍ಲ್, ಪಿಂಞ ಪ್ರಾರ್ಥನೆಲ್, ದೃಡ ಉಳ್ಳಯಿಂಗಳಾಯಿತ್ ಇಂಜತ್.

ಎಫೆಸ 4:26

ನಿಂಗಕ್ ಚೆಡಿ ಬಾತೇಂಗಿಯು, ಪಾಪ ಮಾಡತೆ ಇರಿ; ಸೂರ್ಯ ಮುಳುವಕ್ ಮಿಂಞಲೇ ನಿಂಗಡ ಚೆಡಿ ತಣ್ಂಜ್ ಪೋಡ್.

ಎಫೆಸ 4:31

ಎಲ್ಲಾ ಕೈಪ್‍ತನ, ಬೈಗಳ, ಚೆಡಿ, ಜೋರ್ ಮಾಡ್‍ವದ್, ಕೆಟ್ಟ ತಕ್ಕ್ ಪಿಂಞ ಎಲ್ಲಾ ಕೆಟ್ಟ ಗುಣವು ನಿಂಗಳ ಬುಟ್ಟಿತ್ ಪೋಡ್.

ಕೊಲೊಸ್ಸೆ 3:15

ಕ್ರಿಸ್ತಂಡ ಸಮಾದಾನ ನಿಂಗಡ ಹೃದಯತ್‍ನ ಆಳ್ವಿಕೆ ಮಾಡಡ್. ಸಮಾದಾನತ್‍ಲ್ ಇಪ್ಪಕಾಯಿತೇ ಒರೇ ತಡಿಯಾಯಿತ್ ದೇವ ನಿಂಗಳ ಕಾಕ್‍ಚಿ. ಆನಗುಂಡ್ ದೇವಕ್ ವಂದನೆ ಮಾಡ್‌ವಯಿಂಗಳಾಯಿತ್ ಸಹ ಇರಂಡು.

ಕೊಲೊಸ್ಸೆ 3:8

ಆಚೇಂಗಿ, ಇಕ್ಕ ನಿಂಗ ಇದ್‍ನೆಲ್ಲಾ ಬುಡಂಡು. ಅದಲ್ಲತೆ, ಚೆಡಿ, ಬಲ್ಯ ಚೆಡಿ, ಕೆಟ್ಟದ್ ಪರಿಯುವ ಗುಣ, ನಿಂಗಡ ಬಾಯಿಂಜ ಬಪ್ಪ ಅಶುದ್ದ ತಕ್ಕ್, ಇದ್‍ನೆಲ್ಲಾ ಬುಡಂಡು.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

ಯಾಕೋಬ 1:16

ನಾಡ ಅಣ್ಣತಮ್ಮಣಂಗಳೇ, ನಿಂಗ ಮೋಸ ಪೋಕತಿ.

ಯಾಕೋಬ 1:2

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ಬಪ್ಪ ನಾನಾತರ ಪರೀಕ್ಷೆನ ಸಂತೋಷವಾಯಿತ್ ಎಡ್‌ತೊಳಿ.

ಯಾಕೋಬ 1:26

ನಿಂಗಡಲ್ಲಿ ಒಬ್ಬ ತಾಂಡ ನಾವ್‌ಕ್ ಕಡಿವಾಣ ಇಡತೆ ನಾನ್ ದೇವಡ ಮೇಲೆ ಬಕ್ತಿ ಉಳ್ಳಂವೋಂದ್ ಗೇನ ಮಾಡ್‍ಚೇಂಗಿ ಅಂವೊ ತಾಂಗ್ ತಾನೆ ಮೋಸ ಮಾಡ್‌ವ, ಅಂವೊಂಡ ಬಕ್ತಿ ಪ್ರಯೋಜನ ಇಲ್ಲತ ಬಕ್ತಿಯಾಯಿತ್‌ಪ್ಪ.

ಯಾಕೋಬ 2:1

ನಾಡ ಅಣ್ಣತಮ್ಮಣಂಗಳೇ, ಮಹಿಮೇರ ಒಡೆಯ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ನಿಂಗ, ಮನುಷ್ಯಂಗಡ ಪೊರಪಾಡ್‌ನ ನೋಟಿತ್ ಮರ್ಯಾದೆ ಮಾಡತಿ.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

ಯಾಕೋಬ 3:10

ತುದಿ ಪಿಂಞ ಶಾಪ, ದಂಡು ಒರೇ ನಾವ್ಂಜ ಬಪ್ಪ. ನಾಡ ಅಣ್ಣತಮ್ಮಣಂಗಳೇ, ಇನ್ನನೆ ಇಪ್ಪಕ್ಕಾಗ.

ಯಾಕೋಬ 4:11

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಬ್ಬಂಗೊಬ್ಬ ವಿರೋದವಾಯಿತ್ ಕೆಟ್ಟದ್ ಪರಿಯತಿ; ನಿಂಗ ಒಬ್ಬಂಗೊಬ್ಬ ತಪ್ಪ್ ಪರ್ಂದಿತ್, ದೂಷಣೆ ಮಾಡ್‍ಚೇಂಗಿ, ಅಕ್ಕ ನಿಂಗ ನ್ಯಾಯಪ್ರಮಾಣತ್‍ಲ್ ತಪ್ಪ್ ಕಂಡ್‍ಪುಡ್‌ಚಿತ್ ದೂಷಣೆ ಮಾಡ್‍ನನೆಕೆ; ನ್ಯಾಯಪ್ರಮಾಣ ಸರಿ ತಪ್ಪ್‍ೕಂದ್ ನಿಂಗ ತೀರ್ಪ್ ಕೊಡ್‍ಪಕ್ಕಾಗ, ಅದ್‍ನ ಕ್‍ೕಟಿತ್ ನಡ್‍ಪದೇ ನಿಂಗಡ ಕೆಲಸ.

ಯಾಕೋಬ 5:12

ನಾಡ ಅಣ್ಣತಮ್ಮಣಂಗಳೇ, ಮುಕ್ಯವಾಯಿತ್ ಇದ್ ನಿಂಗಕ್ ಗೊತ್ತಿರಡ್, ನಿಂಗ ಬೂಲೋಕ ಪಿಂಞ ಪರಲೋಕತ್‍ರ ಮೇಲೆ ಆಣೆ ಮಾಡತಿ, ನಿಂಗ ಬೋರೆ ಏದ್ ಪೆದತ್‍ಲು ಆಣೆ ಮಾಡತಿ. ನಿಂಗಡ ತಕ್ಕ್ ಅಕ್ಕೂಂದ್ ಎಣ್ಣ್‌ಚೇಂಗಿ ಅದ್ ಅಕ್ಕುವಾಯಿತಿರಡ್, ಇಲ್ಲೇಂದ್ ಎಣ್ಣ್‌ಚೇಂಗಿ ಇಲ್ಲೇಂದಿರಡ್. ಇಲ್ಲತಪೋನಕ ನಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವ.

ಯಾಕೋಬ 5:19

ನಾಡ ಅಣ್ಣತಮ್ಮಣಂಗಳೇ, ನಿಂಗಡಲ್ಲಿ ಒಬ್ಬ ದೇವಡ ಸತ್ಯತ್ಂಜ ದೂರ ಪೋಯಿತ್ ಪಾಳಾಯಿಪೋಯಂಡಿಪ್ಪಕ, ಅಂವೊನ ಇಂಞೊಬ್ಬ ನಲ್ಲ ಬಟ್ಟೇಕ್ ಕಾಕಿಯಂಡ್ ಬಾತೇಂಗಿ,

1 ಯೋಹಾನ 2:21

ಆನಗುಂಡ್, ನಿಂಗಕ್ ಸತ್ಯ ಎಂತ್‍ೕಂದ್ ಗೊತ್ತ್‌ಲ್ಲೇಂದ್ ಅಲ್ಲ, ಆಚೇಂಗಿ ನಿಂಗಕ್ ಸತ್ಯ ಗೊತ್ತುಳ್ಳಗುಂಡು, ಏದ್ ಪೊಟ್ಟೂ ಸತ್ಯತ್ಂಜ ಪುಟ್ಟ್‌ನದ್ ಅಲ್ಲಾಂದ್ ಗೊತ್ತುಳ್ಳಗುಂಡ್ ನಾನ್ ಒಳ್‍ದ್‍ವಿ.